මව් බිමෙන් බැහැරව ශීත හිමරටක වෙසෙන ශ්‍රී ලාංකිකයෙකුගේ මතක මංපෙත ........

Saturday, December 25, 2021

සඳකඩ පහනේ බ්ලොග් පැතිරවීමේ වෑයම ......




සඳකඩ පහන සිංහල බ්ලොග් සින්ඩිකේටර් අතරට පැමිණි අළුත්ම සාමාජිකයා යැයි මට සිතේ. සිංහල බ්ලොග් ජනතාව අතරට ගෙනයාමේ කාර්යයේදී බ්ලොග් සින්ඩිකේටර් කරන්නේ අතිමහත් කාර්යභාරයකි.බ්ලොග් සින්ඩිකේටර සහ පරිගණක මෘදුකාංග පිළිබද මගේ අල්ප දැනුම නිසා මේ සටහන තුල තාක්ෂණික කරුණු පිළිබදව නොලියන්නට පරිස්සම් වෙමි.


කලක් තිස්සේ බොහෝ සිංහල බ්ලොග් අඩවි කියවා තිබූ මා බ්ලොග් අඩවියක් පටන් ගන්නට අත්පොත් තැබුවේ 2018 ජූනි මාසයේදීය. ටිකෙන් ටික අතපත ගාමින් එය වර්ධනය කරනා මම හිතන්නේ බ්ලොග් කලාවට මා තවමත් ආධුනිකයෙකු බවයි. මගේ පටන් ගැන්මේ සිට කිසිදු දැන හැදුනුම්කමකින් තොරව මට දෑත දිගු කරමින් සහයෝගය දුන්නේ අටම්පහිය, සිතුවිලි, සිංහල වියුණු එකතුව,අජිත් කුමාරගේ බ්ලොග් දර්ශකය සහ මාතලන්ගේ සින්ඩියයි.මේ මොහොතේදී ඔවුනට මගේ ප්‍රණාමය හිමිවේ. 

විගස, සිත්තම යන සින්ඩිකේටර සදහා වූ සබැදි මගේ බ්ලොගයේ එල්ලා ඇතත් ඒවා මේ වනවිට යාවත්කාලීන වන බවක් නොපෙනේ.කොත්තු, කුරුටු සින්ඩිය රටගිය ඇත්තෝ බ්ලොග් කියවනය,කමත, සංදේශය, අඹගහ යට, උකුස්සා, බ්ලොග් සිතියම, ලංකා, නොහිම් සිතුවිලි, කැරකෝප්පුව, අපි අපිට, අවකාශය යන සින්ඩි වලට මගේ බ්ලොග් ඇමිණුම යවා ඇතත් එය ඇමිණී නැත්තේ ඒවායේ ධාරිතාවය උපරිම මට්ටමකට පැමිණීම නිසා හෝ පාලනාධිකාරියේ කාර්ය බහුලතාව නිසා යැයි සිතමි.

අළුතින් පටන් ගත් සඳකඩ පහන පාලනාධිකාරියට සිංහල බ්ලොග් පැතිරවීමේ සැබෑ උනන්දුවක් තිබෙන බව පෙනෙන්නේ බ්ලොග් අඩවි ඔවුන්ගේ සින්ඩියට එල්ලා ගැනීමෙන් නොනැවතී නිතර අප සමග සම්බන්ධ වෙමින් කරුණු විමසන නිසාය. මා කියවන බ්ලොග් අඩවි රැසක් ඔවුනට යොමු කල විට විගසින් ඔවුන් ඒවා එහි එල්ලූ අතර බ්ලොග් කලාවට පිවිසෙන නවකයින් දිරිමත් කරමින් ප්‍රතිචාර ලියන මෙන් ඉල්ලා සිහි කැඳවීම් පණිවුඩ ද එවන්නට විය. ඉන් මට හැගෙන්නේ ඉංග්‍රීසියෙන් යූ ටියුබ් අවකාශයේ තිබෙන බ්ලොග් අඩවියක් පටන් ගන්නා හැටි වීඩියෝව පැහැදිලි මදි අය වෙනුවෙන් ඩ්‍රැකී කල පියවරෙන් පියවර පැහැදිලි කිරීම සේම නවකයින් දිරි ගැන්වීමට පිටු කියැවීම් සහ ප්‍රතිචාර ද වැදගත් බව ඔවුන් අවබෝධ කරගෙන සිටින සෙයකි.   

https://www.youtube.com/watch?v=5n-ZpBo7cHI&t=3180s

https://drackey.blogspot.com/2021/10/blog-post.html

 සිංහල කලා නිර්මාණ අතර අගතැන්පත් සඳකඩ පහන ඇසුරින් උපුටාගත් නම සිංහල බ්ලොග් සින්ඩිකේටරයට සැබැවින්ම අගනේය. පුරාවිද්‍යාත්මක වටිනාකමින් වැඩි වැදගත් ස්ථාන වල ඇතුළුවන තැනම තිබෙන සඳකඩ පහන බොහෝ දුර ගෙවා එතැනට පැමිණි විවිධ අයවලුන්ගේ දුහුවිලි ඉවත් කරමින් පිරිසිදුව එතැනට ඇතුළු වන්නට ඉඩ සැලසුවේ බොහෝ කලක පටන්ය. විවිධ මතවාද, තොරතුරු සහ පුරුදු අතරින් හොද දේ තෝරා ඉදිරියට ගෙන යන්නට සඳකඩ පහන කණ්ඩායමට වාසනාව ලැබේවායි ප්‍රාර්ථනා කරමි. එසේම සඳකඩ පහන තුලින් නිර්මිත ජීවන යථාර්ථය පොදු ජනමාධ්‍ය තුල ඇති වෙළද, ආගමික, දේශපාලන බලපෑම් වලින් තොරව යථාර්ථවාදී ලෙසින් පාඨක පිරිස් කරා ගෙනයන්නට දිරිය ලැබේවායි පැතුම් එක් කරමි.  

සඳකඩ පහනට ගොඩවී බලන්නටත්, කැමති නම් ඔබේ බ්ලොගයට අමුණා ගන්නටත්, යෝජනා අදහස් සහ ප්‍රතිචාර ලියන්නටත් ඔවුන්ගේ යොමුව පහතින් සදහන් කරන්නම්. 

 https://sandhakadapahana.blogspot.com/   

මුලින් සදහන් කල පරිදි මගේ අල්ප තාක්ෂණික දැනුම සහ ලංකාවෙන් බැහැරව ජීවත් වන නිසා පෞද්ගලිකව මට අනෙකුත් බ්ලොග් ජනප්‍රිය කරවීමට දිය හැකි අතහිත අවමය. එහෙත් මා සිතන පරිදි සිංහල බ්ලොග් කලාව ජනප්‍රිය කරවීමට පහතින් සදහන් පියවර අනුගමනය කල හැකිය.

1. සෑම සින්ඩිකේටරයක්ම, බ්ලොග් අඩවියක්ම එනමින් මුහුණු පොත් ගිණුමක් පවත්වා ගෙන යාහැකිය.එවිට අළුත් සහ පැරණි බ්ලොග් රචනා කලින් කලට ජනගත කල හැකිය.

2. එහිම දිගුවක් ලෙස මුහුණු පොතේ පලවන දේ ඉක්මණින් ගිලී යන නිසා තාක්ෂණික ලෙස යම් තෝරාගත් කාල පරාසයකදී ස්වයංක්‍රීයව බ්ලොග් ලිපි පලවන ආකාරයක මෘදුකාංගයක් සකස් කල හැකිය.

3. දැනට අක්‍රියව ඇති බ්ලොග් රචකයින් නැවත බල ගැන්වීමත්, ඔවුනගේ පැරණි අගනා ලිපි යලි පලකිරීමත් කල හැකිය.

4. ප්‍රධාන ධාරාවේ රූපවාහිනිය, ගුවන් විදුලිය, පුවත්පත් වැනි ජනමාධ්‍ය හරහා සිංහල බ්ලොග් ගැන ජනතාව දැනුවත් කල හැකිය. මා දන්නා පරිදි එවැන්නක් වරක් ස්වාධීන රූපවාහිනියේ විකාශය වී තිබේ.

http://rasikalogy.blogspot.com/2017/03/itn-television-program-on-sinhala.html

5. කලින් ලියා අනාගතයේදී පලවන සේ බ්ලොග් රචනා ගබඩා කර තැබීම් වැනි තාක්ෂණික කාරණා සරලව පැහැදිලි කර දීම කාර්ය බහුල බ්ලොග් රචකයින් බ්ලොග් කලාවෙන් ඉවත්වීම වැලැක්වීමට උපයෝගී කර ගත හැකිය.  

6. බ්ලොග් තුල බ්ලොග් ගතවන නිර්මාණ අතුරින් තෝරාගත් ලිපි හා කවි විද්වත් මඩුල්ලක උදව්වෙන් මුද්‍රිත එකතු ලෙස සංස්කරණය කල හැකිය.

7. බ්ලොග් ගතවන නිර්මාණ සොරා ගැනීම් සම්බන්ධ නීතී සහ නිර්මාණ අයිතිය තහවුරු කිරීම් ගැන නීති සම්පාදනය සහ දැනුවත් කිරීම් විද්වත් නීති දැනුම ඇති බ්ලොග් රචකයින් විසින් පැහැදිලි කර දිය හැකිය.

8. සිංහල බ්ලොග් කරුවන් දිරිමත් කිරීම සදහා රාජ්‍ය සහ පෞද්ගලික නිර්මාණ ඇගයුම් ඒකක සහභාගීත්වයෙන් යම් ඇගයීමේ කාර්යය කල හැකිය.එසේම විශ්ව විද්‍යාල ප්‍රජාව සහ විද්වත් පිරිස් විසින් සිංහල බ්ලොග් ගැන කලින් කලට පර්යේෂණ නිබන්ධන, කතිකාවත් සංවිධානය කල හැකිය. 

9. ජනප්‍රිය රූපවාහිනී,රේඩියෝ වැඩසටහන්, යූ ටියුබ් වැඩසටහන් තුලට නිසි අවසර ඇතිව බ්ලොග් අනතර්ගත ගෙනයාමෙන් ඒවා ශ්‍රව්‍ය දෘශ්‍ය ලෙසද රස විදිය හැකිය.

10.සුහද සංවාද ගුණාත්මක භාවය වැඩි දියුණු කිරීමට හේතු වුවත්, විවිධාකාර අරමුණු උදෙසා පහත්, වෛරී, අශෝභන සහ ද්වේශ සහගත ප්‍රතිචාර දක්වන ඇනොනිමස් ප්‍රතිචාර දක්වන්නන් ගේ පරිගණක සහ දුරකථන හදුනා ගැනීම සම්බන්ධ නීති රීති සහ පැමිණිලි ක්‍රමවේද සකස්කිරීම සම්බන්ධයෙන් නීති සම්පාදකයින්ගේ අවධානය යොමු කිරීමටද කාලය පැමිණ ඇත. 

මේ කාරණා සම්බන්ධයෙන් ඔබේ අදහස්, දැනුම , සම්පත් සහ දැන හැදුනුම්කම් භාවිතා කරන්නේ නම් සිංහල බ්ලොග් කලාව දැනට පවතින තැනින් ජනප්‍රිය තාවයේ ඉහල තැනකට ගෙන යා හැකිය.

මේ කරුණු සුහද සංවාදය පිණිසයි.

සියළු බ්ලොග් සින්ඩිකේටර කරනා මෙහෙය අගයන අතරේ සඳකඩ පහනේ ඉදිරි ගමනට ජය පතමි. 

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.

Friday, December 17, 2021

අශ්ව රේස් බලන්නට සියෙනාවටත් , අළුත්ම විලාසිතා බලන්නට මිලාන් නුවරටත් ගිය හැටි…….

 

ඉතාලි සංචාරයක මතකය 5.


අපි තාමත් ඉන්නෙ ඉතාලියෙ . අපේ සංචාරක බස් රථය යන්නෙ සියෙනා නගරයට . ටිකෙන් ටික නගරයෙන් ඈත්වුණු අපි මිදිවතු සහ අනෙකුත් ගොවිපොල මැද්දෙන් දිවෙන අධිවේගී මාර්ගයෙන් ගියේ යුනෙස්කෝ ලෝක උරුමයක් වන සියෙනා බලන්න . ඉතාලියේ වයින් සදහා ප්රසිද්ධ ටස්කන් කලාපය හරහා අපේ මාර්ගය වැටී තිබුනා . ඉතිහාස කථාවලට අනුව රෝමය තැනු සහෝදර දෙපලගේ පුතුන් සියෙනා නගරය ඇරබු බවයි කියන්නේ. ඒත් මේ වෙනකොට මේ නගරය ප්රසිද්ධ වෙලා තියෙන්නෙ සෑම වසරකම ජුලි 2 වැනිදා සහ අගෝස්තු 16 වැනිදා පැවැත්වෙන Palio අශ්ව රේස් හින්දයි . අපට මේ තරග සදහා අශ්වයින් දුවන ධාවන පථය සකස් කරනවා දකින්නට ලැබුණා . ඒත් පුළුවන් කමක් තියෙනවා නම් ඉතාලියේ විවිධ ප්රදේශවලින් තරග කරුවන් පැමිණෙන මේ උත්සවය බලන්න ඔබේ ගමන සැලසුම් කරගන්න පුළුවන්

Piazza Del Campo

සියෙනා නගරය මැද තිබෙන සුවිශේෂී චතුරශ්රය හැදින්වෙන්නේ මේ නමින් . ලෝකයේ තිබෙන Shell shaped medieval squares අතරින් ප්රමුඛ එකක් වන මෙය පැලියෝ අශ්ව රේස් වලට අමතරව අදත් රැස්වීම් , සංදර්ශන සහ විවිධ උත්සව සදහා භාවිතා වන වැදගත් තැනක් .වසර 1300 ක් තරම් ඈත ඉතිහාසයකට උරුම කම් කියන මෙහි ඉහල කොටසේ තිබෙන Fonte Gaia වතුර මල බලන්න වටින එකක්.

Siena Cathedral

1501-1504 අතර කාලයේදී මයිකල් ඇන්ජෙලෝ විසින් කල කැටයම් රැසක් තිබෙන කළු සහ සුදු පැහැති මේ පල්ලිය හරිම සුවිශේෂී එකක් . ආගමික කථා ඇතුලත් සිතුවම් රැසකින් සමන්විත මේ පල්ලිය ඇතුලත සහ බිම බලන්නට බොහෝ දේ තිබෙනවා . බයිබලයේ සදහන් සිද්ධි සහ කිතු උපත දැක්වෙන Nicolas Pisano කල මේ පල්ලියේ Pulpit එක හරිම අගනා කලාත්මක නිර්මාණයක්.

Torre Del Mangia

සියෙනා නුවර තිබෙන සුවිශේෂී සංකේතයක් වන මේ කුළුණ පිහිටා තිබෙන්නේ නගර ශාලාවේ මැද්දට වන්නටයි . පඩි 400 ක් නැග ගිය විට ඔබට දකින්නට ලැබෙන දසුන හරිම ලස්සන එකක් 

සියෙනාවට යන කවුරුත් වගේ කන විශේෂ කෑම 2 ක් තියෙනවා . ඉන් පළමුවැන්න Pici කියන පැස්ටා විශේෂය . Pepper & cheese හරි Tomato sauce  එක්ක හරි කන ඒක Spaghetti වලට වඩා තරමක් විශාල එකක් .දෙවැන්න Ricciarelli. කියන අතුරුපස . ඒක Almonds දාල සම්ප්රදායික විදිහට හදන cookie එකක්.


අපේ ගමනෙදි සියෙනා වලින් අපි ඊළගට ගියේ වැනිසියටයි. ගැන අපි පහුගිය මාසෙ කියැවූ හින්ද ඊළගට යන්නේ මිලාන් වලටයි . ඇත්තටම කියනවා නම් මේ නගර දෙක අපේ ගමනේ අතරමග නැවතුම්පල දෙකක්

Milan (Milano)

මිලාන් මේ වෙනකොට ජනප්රිය වෙලා තියෙන්නෙ ලෝකයේ විලාසිතා නිර්මාණකරණයේ අග නගරයක් විදිහටයි . විලාසිතා වලට අමතරව මිලාන් වලට ගියොත් ඔබට බලන්නට පුළුවන් තැන් රැසක් තිබෙනවා.

Milan Cathedral ( Duomo Di Milano)


කුළුණු
135
ක් , කිරිගරුඩ ප්රතිමා 2000 කට වඩා වැඩි ප්රමාණයක් සහිත මේ පල්ලියේ වහලයේ තිබෙන සොල්දර අතරින් ගිහින් හැඩ බලන්නට පුළුවන් . ඉතාලියේ තිබෙන විශාලතම පල්ලිය විදිහට හැදින්වෙන මේ පල්ලිය අගනා කලා නිර්මාණයක් . මේක ඉදිරිපිට චතුරශ්රය කොයි වෙලාවෙත් සෙනග පිරිලා තියෙන තැනක්.රැස්වෙන දහස් ගණන් පරෙවියන්ට කෑම දෙන්නත් ඉදිරිපිට තිබෙන මනරම් ප්රතිමාව ඉදිරියේ ෆොටෝ ගන්නත් ඔබට පුළුවන්.

Galleria Vittorio Emmanuele II


19 වන සියවසේ ඉදිවුණු මේ සුපිරි වෙළද සැලේ සමහර කඩ අවුරුදු 150 ක් විතර පරණයි . විලාසිතා ලෝකයේ දැවැන්තයින් දැකගන්න හොදම තැනක් කියල කියන මේ පරිශ්රයේ ලෝකයේ ඉතාමත්ම ජනප්රිය විලාසිතා නාම ඇතුලත් වෙළදසැල් රැසක් තිබෙනවා.

La Scala Opera

මිලාන් පල්ලියට වම්පසින් තිබෙන මේ ගොඩනැගිල්ල විශාල නාට් ශාලාවක් . එහි පිටත මෙන්ම ඇතුලත තියෙන කැටයම් ඉතාලි නිර්මාණ ශිල්පීන්ගේ දස්කම් මොනවට කියා පානවා. 1778 දී ඉදිවුණු මෙය ලෝකයේ ඇති අතිශය ජනප්රිය රංග ශාලාවක්.

Sforzesco Castle & Sempione park

Castello Sforzesco 14 වන සියවසේදී ඉදිවුණු සුවිසල් මන්දිරයක් . අප යන කාලයේ ප්රතිසංස්කරණ කටයුතු කෙරෙමින් පවතී මෙහි එක් පසෙක තිබෙන සාම කුළුන සුවිශේෂී එකක් . මෙහි ඉදිකිරීම් සදහා භාවිතා කර තිබෙන්නේ ලංකාවේ ගඩොල් වැනි ද්රව්යයක් . මේ වනවිට මේ මාලිගයේ කොටස් කෞතුකාගාර , කලාගාර සහ පුස්තකාලයක් විදිහට ජනතා සේවයට යොදවා තිබෙනවා . Fontanadi piazza castello මේ උද්යානයේ තිබෙන සුවිසල් අලංකාර වතුර මලක්.

ඉතාලිය සුවිසල් සහ සංචාරක ස්ථාන රැසක් තිබෙන රටක් වුණත් අපට යන්නට පුළුවන් වුනේ තැන් කිහිපයකට පමණයි . වගේම අප මේ සංචාරය සදහා භාවිතා කලේ යම් සංචාරක ආයතනයක් සංවිධානය කල සංචාරයක් නිසා අපට ඔවුන් ආවරණය කරන තෝරාගත් නවතුම්වල යම් සීමාසහිත කාලයක් තුල සංචාරයන් නිමා කරන්නට සිදුවූ බව කිවයුතුයි . ඒත් වාහන තදබදයෙන්, වාහනය නවත්වන්නට තැන් හොය හොයා නාස්ති කරන කාලයෙන් මිදී නියම තැන්වලට තදබදය අඩු වෙලාවලට යන්නට ඔවුන්ගේ පලපුරුද්ද වාසියක් වූ බව කිව යුතුයි. කොහොම වුණත් කුලියට ගත් රියක තමන්ගේ තාලයට ගිහින් මේ තැන් රස විදින්න ඔබට බැරිකමක් නැහැ


මිලාන් වලින් අපි බස් එකට නැග්ගෙ ස්විස්ටර්ලන්තයට යන්න . යුරෝපයේ මුදුනට කෝච්චියෙන් ගිය හැටි එක්ක ලබන මාසයේදී හමුවෙමු .

සටහන - අනුරුද්ධ වැලිගමගේ

සේයාරූ - හෙසදි වැලිගමගේ සහ අන්තර්ජාලයෙන්



කැනඩාවේ මාසිකව පලවන දසත පුවත්පතේ  2021 නොවැම්බර් කලාපයේ පලවිය.    


විශේෂ ස්තුතිය දසත සංස්කාරිකා චමරි අබේසිංහ මහත්මියට 

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.



Saturday, December 11, 2021

පොත් පිටු අතරින් ..... සුමනා විජේරත්න ගේ කතා කරන මහවැව සහ බුදුන් දුටු සමාජවාදය සමග එක්වෙමු.

 

පොත් පිටු අතරින් ..........කැනඩාවේ නිර්මාණ කරුවන්ගේ පොත් නිර්මාණ විමසුම .....

මේක ගොතපු කතාවක් එහෙම නෙමෙයි. ඇත්තටම මගෙ මතකයේ තියන කතාවක්. ඇයි තාත්තා මාව එක්කරගෙන ගියේ? අපි දරුවන්ට උගන්වන්න මහන්සි ගන්නවට වඩා හරිම පහසුයි, ඒ වගේම සාර්ථකයි දරුවන්ට ඉගෙන ගන්න ඉඩ හැරපුවාම. තාත්තා මට ඉගැන්නුවේ නෑ. ඉගෙන ගන්න ඉඩ ඇරියා. මම දැන ගත්ත කොහොම ද එක කරන්නේ කියලා. විධිමත් අධ්යාපනය තුළ ඔයවැනි දේවල් කවදාවත් උගන්වන්නෙ නැහැ. ඔය එක සිද්ධිය ඇතුළේ මොන තරම් දේවල් තියෙනවා ද ඉගෙන ගන්න. මෙවැනි අධ්යාපන ක්රම ගැන කැනඩාවේ නම් දැනටමත් පර්යේෂණ කරනවා.
ස්වාභාවය ධර්මයට ආදරෙන් සලකලා ඒකත් එක්ක රමණය කරන්න අපේ උදවිය දැනගෙන හිටියා අනාදිමත් කාලයක ඉදලා. ඒ දැනුම අපේ පැරණි මුතුන් මිත්තන් ඔය විදියට තමයි අපට දායාද කළේ. ඒත් ඒවා බල්ලටම දාලා තමයි අද අපි වැඩ කරන්නේ. අලුත් දේවල් හොඳයි ඒත් පරණ දේවල් වැඩ වසම් කියලා ඔක්කොම අහක දානවද? මේ කතාවේ ගොඩක් මාන තියෙනවා මෙතන ඉඳලා දිගහැරෙන කතා හැම එකකටම සංදර්භය පාදා දෙන.
කොහොම උනත් අපේ තාත්තා මට වීරයෙක්. හැන්දෑවට හැමදාම තාත්තා මට කතන්දර කීවා. ඉස්සර කියලා දුන්නු ඒ කතන්දර වල නරි, කොටි, වලස්සු, කැලෑ, ගල් ගුහාවල් හරියට තිබුණා. තාත්තා හරි දක්ෂයි කතන්දර කියන්න, සිංදු කියන්න, නටන්න, වොලි බෝල් ගහන්න, පොර පොල් ගහන්න. පොර පොල් ගහනවා කියන්නේ උඩුපිල යටිපිල කියලා දෙපිළකට බෙදිලා පොල් ගෙඩි වලින් ගහගන්නවා. එක පිලකින් එවන පොල් අනික් පිල බිඳින්න ඕනෑ පොල් ගෙඩියකින්ම ගහලා. ඒ සෙල්ලමට ගන්න පොල් කට්ට හරිම හයිය තියෙන පොඩි පොල් ගෙඩි. තාත්තා ඒ පොල් ගෙදර ගෙනල්ලා හොඳට සුද්ද කරලා අරං තියෙනවා. ඒ පොල් හීනි උල් පොඩි ගෙඩි. පොර පොල් ගහන්න ගිහින් දිනපුවාම අපේ තාත්තා එයාලගෙ පිලේ කට්ටියගෙ කරේ නැගලා නටනවා. තාත්තා වෙන්නැති ඒ කාලෙ තරඟයේ වීරයා. ඒ අස්සේ අපේ තාත්තා බූරුවා ගහන්නත් දැනගෙන හිටියා. වැඩිය කියන්නේ නැහැ ඒවා ගැන.

කතා කරන මහවැව........



විමුක්තිය සහ දේශපාලනය
සමස්ත ව්යුහයේ සිදුවන වෙනස සැබැවින්ම දැකීම අපහසු වන්නේ එහි ඇති දැවැන්ත ස්වභාවය නිසයි. එහෙත් අපේ සිතුවිලි ක්රියාකරන ව්යුහය අපට ඉතා සමීප නිසා චර්යාවේ වෙනසක් සංජානනය කර ගැනීම පහසුයි. බුදුන් වහන්සේ දුටු සමාජ දර්ශනයේ හරය ඉලක්ක කර ඇත්තේ චර්යාවේ වෙනස සිදු කිරීම 'පුද්ගල විමුක්තියෙන්' (අංශුමය) ආරම්භ කිරීම වෙතයි. සමස්තය තුළ කරනු ළඛන වෙනස තිරසාර පථයක් තුළ ගමන්කරවීමට නම්, ඒ සමස්තය තුළ ඇති අංශු එම වෙනස්කම් උකහා ගැනීම සදහා පන්නරය ලබා තිබිය යුතුයි. ඒ ලබා ගන්නා පන්නරය තුළින් අත්පත් කරගන්නා විමුක්තිය අනෙකුත් ස්ථර ඔස්සේ ඉහළට ගමන් කරවීම පහසුයි. සමස්ත ජන විඤ්ඥාණය පුළුල් පදනමක් මත ශක්තිමත් කිරීමට නම් සාකල්ය ප්රජාසංහිඳියාවක් ස්ථාපනය කිරීමද අත්යවශ්ය කරුණක්.
මනස සහ ලෝකය සම්බන්ධයෙන් බුදුන් වහන්සේ ඉදිරිපත් කර ඇති විමුක්ති මාර්ගය සමාජ අභිවෘද්ධිය සදහා ප්රායෝගිකව යොදා ගැනීම තව දුරටත් ගැඹුරින් විමර්ශනය කිරීම මෙම පරිච්ඡේදයේ අරමුණ වී ඇත්තේ ඒ හේතුව මතයි.

කැනඩාවේ වෙසෙන ලේඛක ලේඛිකාවන්ගේ අළුත් නිර්මාණ ඔබට හදුන්වා දෙන වැඩසටහන 


https://rupane.com/2021/08/28/rupane-episode-259-august-28-2021/

ඉදිරිපත් කිරීම - අනුරුද්ධ වැලිගමගේ 

සම්පත් දායකත්වය -  සුමනා විජේරත්න

සංස්කරණය - පුබුදු වනිගසේකර 

සංකල්පය සහ නිෂ්පාදනය - අනුරුද්ධ වැලිගමගේ 

විධායක නිෂ්පාදනය - වීරා ෆොන්සේකා 

Zoom.. තාක්ෂණය ඔස්සේ කෙරුණු පටිගත කිරීමකි

හදුන්වා දෙන අළුත්ම ගීතය ......

සකි සදේ ......

ගායනය - අනෝජා මකුලොළුව 

ගී පද - බන්දුලසිරි හේවාගමගේ 

සංගීතය - තරිදු ජයතිලක  


සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.


මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.