මව් බිමෙන් බැහැරව ශීත හිමරටක වෙසෙන ශ්‍රී ලාංකිකයෙකුගේ මතක මංපෙත ........

Monday, September 21, 2020

වැට අද්දර පැපොල් ගහේ ඉන්නා තුන් ඉරි අප්පු ...... අනුරුද්ධ වැලිගමගේ......රුපවාහිනී ළමා ගීත.....

 


 

වැට අද්දර පැපොල් ගහේ  ඉන්නා තුන් ඉරි අප්පු 

දැක්කේ නැහැ හුග කලකින් කොහේ ගියාද අපෙ අප්පු 

එහෙන් එබිලා මෙහෙන් එබිලා පැපොල් ගහේ මුදුනේ ඉදන්

කරණම් වැඩ හරිම ගොඩයි කෝ මේ තුන් ඉරි අප්පු  ......

 

ඉරි තුන පිට මැද හරියට ලස්සන සිතුවම් වැන්නේ

දැක්කෙ නැතුව කාලයකින් පාළුව තනියක් එන්නේ 

මුළු වත්තම පාළු වගෙයි ටිං ටිං හඩ නැහැ ඇහුණේ

වන්නම් හැඩ නැටුම් එක්ක එන්නෙ නැද්ද අපෙ අප්පු 

 

වැට අද්දර පැපොල් ගහේ   ඉන්නා තුන් ඉරි අප්පු.....

 

හොදට ඉදුණු ගෙඩි කනවට අම්මයි කටු අතු බැන්දේ

ඒත් ඔයා ආවෝතින් මගේ පංගුවෙන් දෙන්නේ

වලිග පොඩිය හොදට වනලා හනික වරෙන් අපෙ අප්පු

මල්ලි එක්ක මම ඉන්නම් හොදට බලං අපෙ අප්පු

 

වැට අද්දර පැපොල් ගහේ  ඉන්නා තුන් ඉරි අප්පු .....

 

අනුරුද්ධ වැලිගමගේ



1991-1994  වකවානුවේදී ජාතික රූපවාහිනියේ ළමා ගී සහ උදාර වැඩසටහන් වෙනුවෙන් ලියැවුනකි.

දෘශ්‍ය පිටපත් හෝ විකාශය දින  වකවානු පිළිබද තොරතුරු නොමැත.

මේ ගීත ගායනා කල හෝ සංගීත නිර්මාණ  කල ශිල්පීන් හෝ දෘශ්‍ය පිටපත් ඇතොත් අමතන්න. 



සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

 

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ් අකුරු සොයාගැනීමට අපහසු වීම ගැන මගේ කණගාටුව. 

 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.

Saturday, September 19, 2020

මාස තුනක් සහ එක දවසක් ..........මනුෂා ප්‍රභානි දිසානායක......රේඩියෝ කෙටිකතා....

Young Lust, Love Or Delusion?

"ආදරෙයිද ?"

"හ්ම්"

"කිස් එකක් දෙන්නද ?"

"හ්ම්"

"කමක් නැද්ද ?"

"හ්ම්"

"මෙතනදිම"

"හ්ම්"

"කම්මුලටද ....."

"ඔයාට නං හොඳටම පිස්සු. කිස් එකක් දෙන්න කලිං මෙච්චර ප්‍රශ්න අහනවද ?"

"ඒ වුණාට මේ ඇමරිකාව නෙවේ කියලා ඔයාමනෙ කලිං කිව්වෙ. ඔයා ගැනත් හිතන්න කිව්වෙ නැත්තං මට හිතෙන දේවල් කරන්න ගියොත් නං ඉතිං...."

"ඇති. ඇති. ඔයා දිනුම්. කතා කරලා දිනන්න බැරි මිනිහෙක් හම්බ වුණාමයි මේ..."

කෙල්ල හිනාවෙන අතරේ කොල්ලා කෙල්ලගෙ කම්මුලට පොඩි හාදුවක් දුන්නා. කෙල්ල රතු වුණා. ඒත් අනිත් පැත්තට එයත් තවත් එක්ක දුන්නා. කොල්ලා රතු වුණේ නෑ, පුදුම වුණ වග ඕනවටත් වැඩියෙන් පෙන්නුවා. දැන් දෙන්නටම හිනා.

"අපි දෙන්නා ෆොටෝ එකක් ගමුද ?"

"සෙල්ෆියක්නෙ."

"කෝ ඉතිං... මං දිහා ආදරෙන් බලන්න ඕන"

"හා"

"මං මේක ෆේස් බුක් අප්ලෝඩ් කරන්නද ? ගර්ල් ෆ්‍රෙන්ඩ්ට පොඩි ක්ලූ එකක් දුන්නෑකි"

"එපා ! ! ! ඔයාට පිස්සුද ? ඔයාට මොළේ නැද්ද ?"

"ඇයි ඔයාට ඒකෙ ඉවරයක් දකින්න ඕන කිව්වෙ."

"ඔයා මෙච්චර ලෙසියෙන් මං කියන දේ අහන්නෙ ඇයි ? මට වහ වැටිලා වගේ හැසිරෙන්නෙ ඇයි ? මෝඩයෙක් වෙන්නෙ නැතුව සාමාන්‍ය දැනීම පාවිච්චි කරන්න. එයාට ගිහින්ම කියන්න. එයාට මොනව හිතෙයිද දන්නෙ නෑ. මට හරි බයයි. මේක නිකං දැලි පිහියෙන් කිරි කනවා වගේ වැඩක්"

මේ කෙටිකතාවක් අහන කාලයයි . අහල බලන්න ඔබ හරි ඔබ දන්න කෙනෙක් හරි මේ කතාවේ ඉන්නවද කියල ...

අද කතාව  මාස තුනක් සහ එක දවසක්  ..........

Young couple at coffee shop – Jacob Lund Photography Store ...

සමාජ මාධ්‍ය ජාල හරහා ගොඩ නැගෙන වර්තමාන ප්‍රේම කතාවක්

බූන්දි බ්ලොග් අඩවියේ පලවූ ඇගේ මුල් කථාව

http://www.boondi.lk/article.php?ArtID=5081

සවනට රචනා කලේ මනුෂා ප්‍රභානි දිසානායක

Manusha Prabani Dissanayake - Issuu




කැනඩාවෙන් වෙබ්ගත වන සවන අන්තර්ජාල ගුවන් විදුලියේ විකාශය වූවකි .


Sawana Radio


විශේෂ ස්තූතිය කැනඩාවේ සවන අන්තරජාල රේඩියෝවේ නියමු ප්රවීණ ගුවන් විදුලි මාධ්යවේදී වසන්ත ලංකාතිලකයන්ට

Sawana Radio

මින් පෙර අහස් ගව්වෙන් එහා ලෝකය බ්ලොග් අඩවිය තුලින් ඔබ අත්විදි ඇගේ තවත් කතාවක්

උස් මිටි ........

දරදඩු කාර්යාල ප්‍රධානියා ට පෙම් බැදි අහිංසක සේවිකාවගේ කථාව

Suits Summer Finale Review: Rome Is Burning - TV.com

http://ahasgawwenehalokaya.blogspot.com/2018/06/blog-post_15.html

Songs about the working life for your playlist


 සේයාරූ - අන්තර්ජාලයෙන් -
                Google Images  සියළු හිමිකම් මුල් හිමිකරුවන් සතුයි

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්ය අකුරු සොයාගැනීමට අපහසු වීම මගේ කණගාටුව.

Young couple relaxing in a coffee shop. – Jacob Lund Photography ...

Saturday, September 12, 2020

රේඩියෝ කෙටි කථාවෙන්, රේඩියෝ කවියට ....... සවන කවි මිණි ආර ..... අනුරුද්ධ වැලිගමගේ ......

 


පසුගිය වසර දෙක මුළුල්ලේ කැනඩාවේ සවන අන්තර්ජාල ගුවන් විදුලියෙන් ඔබ සවන් දුන් රේඩියෝ කෙටිකතාව දින නැති දිනපොතයි. ජීවන ගමනේ සිත නැවතුණු තැන් යන තේමාව යටතට ගැනුණු ජීවන කතන්දර ඔබ රේඩියෝවෙන් ඇහුවේ අළුත් අත්දැකීමක් ලෙසයි. යූ ටියුබ් මාධ්යයට මුදා හැරුණු රේඩියෝ කතන්දර මේ වනවිට මසකට වරක් අහස් ගව්වෙන් එහා ලෝකය බ්ලොග් අඩවියේ වෙබ්ගත වෙනවා.    


මගේ නවතම රේඩියෝ වැඩසටහන සවන කවි මිණි ආර - කවි සිතක මතක සටහන් ඔස්සේ දිවයන කවි චාරිකාවක්. කවි කියවන්න පුරුදු ඔබට එහිදී ශ්රව් මාධ්යයෙන් කවි අහන්න පුළුවන්.සෑම සෙනසුරාදාවකම ටොරොන්ටෝ වේලාවෙන් හවස 4 ටත් නැවත ප්රචාරය සදුදා රෑ 9 ටත් වෙබ්ගත වෙනවා.

 

කවි මිණි ආර කොටස් 3 කින් යුක්තයි. එහි පළමු අර්ධය කවිය මග සොයා යනවා. උදාහරණ දක්වමින් සම්පත් දායකයෙකු ඔබට කරන විග්රහය තුලින් කවිය පටන්ගත් තැන පටන් යුග හරහා නූතන කවිය දක්වා එහි ගමන ඔබට අහන්න පුළුවන්. මහාචාර්ය ජේ බී දිසානායක, ආචාර්ය සරත් චන්ද්රසේකර සහ ආචාර්ය ස්වර්ණා චන්ද්රසේකරයන් තුලින් ඔබව රස කවි චාරිකාවක ගෙනයනවා.  

Prof.J B Dissanayake - Special Comment - YouTube

වැඩසටහනේ දෙවන අර්ධය කවි මුතු. විවිධ තේමාවන් යටතේ ලියැවුණු කවි 5 ක් ඔබට එතුලින් අහන්නට පුළුවන්. වැඩිපුර නොඇසුණු ඒත් අගනා නිර්මාණ ගුණයෙන් පිරි සිංහල බ්ලොග් අඩවිවල පලවූ කවි 3 ක් සහ කැනඩාවේ නිර්මාණ ශිල්පීන්ගේ කවි 2 ක් වෙනස් හඩ වලින් එහිදී ඔබට රසවිදින්නට පුළුවන්.

 වැඩසටහනේ තුන්වන අර්ධය නම් වී තිබෙන්නේ කවියෙන් රටින් රටට නමින්. පරිවර්තන කවියක රස විදින්නට ලැබෙන්නේ එහිදී . ලොව වටා විවිධ රටවල කවීන්ගේ විස්තර උදාහරණ සමග කවියේ රස විදින්නට මෙය කදිම අත්වැලක්.          

මේ වැඩසටහනේ කවි ගායනයට ටොරොන්ටෝව අවට නිර්මාණ ශිල්පීන් රැසක් දායකත්වය දක්වනවා. රෝහණ දිසානායක, අනෝජා මකුලොළුව, අනුෂ්කා ගම්මුදලි, මංජුලා වික්රමරත්න, ලියෝනි අමරතුංග, හසන්තිකා කොඩිතුවක්කු, දිනේෂ් පීරිස් සහ බුද්ධිමතී ජයසේකර අතර වෙනවා.

Sawana Radio



සවන කවි මිණි ආර තේමා ගීතය නිමැවූනේ ගායන ශිල්පී ශ්රී ලාල් අමරජීව ෆොන්සේකාගේ කැපවීම නිසයි. ආනන්ද වෛද්යසේකරයන්ගේ සංගීතයට සදහා හඩ මුසුකර තිබෙන්නේ ශ්රී ලාල් අමරජීව ෆොන්සේකා සහ චමිලා ගුණතිලකයි.

   මේ වැඩසටහන් පෙලේ උපදේශකත්වයෙන් ආචාර්ය ස්වර්ණා චන්ද්රසේකර මහත්මිය සේම පසුබිම් කථනයෙන් නිරෝෂා ගමගේ සහාය වෙනවා. සවන කවි මිණි ආර බැනරය ලියෝනි අමරතුංග ගේ නිර්මාණයක්.

Sawana Radio


මගේ සංකල්පය සැබෑවක් කරන්නට දිරි දුන් හැමටත් වෙනුවෙන් සවන අන්තර්ජාල ගුවන් විදුලියේ ඉඩක් වෙන්කර දුන් ප්රවීණ රේඩියෝ මාධ් දැවැන්තයා වන විධායක නිෂ්පාදක වසන්ත ලංකාතිලක මහතා මේ මොහොතේදී සිහිපත් කරන්නේ බැතිබර සිතින් .

අද හවස 4 වෙබ්ගත වන හදුන්වාදීමේ වැඩසටහනේ පටන් මේ වැඩසටහන අහලා ඔබේ අදහස ලියන්න. ඔබේ කවි අපට එවන්න. සදහා ඉඩක් දෙන්න අපි සුදානම් .  

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

 

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ් අකුරු සොයාගැනීමට අපහසු වීම ගැන මගේ කණගාටුව

 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.