මුහුණු පොතේ කවි එකතු .........

                 

              කවියට ලාංකික ජන සමාජයේ විශාල තැනක් ලැබී තිබුනේ ඈත අතීතයේ පටන්ය. ජනකවි මුඛ පරම්පරාවෙන් පැවත ආ අතර සීගිරි කවි සහ සමහර සෙල්ලිපි තුල කවිය ගල් තුලත්, පැරණි ලිඛිත පත්‍ර වන පුස්කොල පොත් තුලත් කවි ලේඛනගත වූයේ ලංකාවේ යුග වෙනස්වීම් සමගය. මුද්‍රණ ශිල්පය හදුන්වා දීමත් සමග කවි කොල සහ කවි පොත් ලෙසින් ජනතාව අතර ගැවසුණු කවිය පසුකාලීනව ජාතික පුවත්පත් වල කවි පිටු වලට ගොනුවී ජනතා අවධානයට ලක්විය.

            විවිධ හේතු නිසා පුවත්පත් වල කවි පිටු කුඩා වන්නටත්, සමහර සති වලදී ගැලවී යන්නටත් වීම නිසා විශේෂයෙන්ම ආධුනික කවීන්ට තම නිර්මාණ සම්බන්ධයෙන් විචාරයක්, තේරීමක් සහ අගය කිරීමක් සදහා වූ ඉඩ ප්‍රස්ථා අවම වී තිබුණි. මුහුණු පොත භාවිතය සම්බන්ධයෙන් විවිධ මති මතාන්තර ඇතත්, මුහුණු පොත් කවි එකතු සමාජ ජාල ඔස්සේ සිදුවුණු එක් හොද සමාජ මෙහෙයක් ලෙසින් මා දකින්නේ මේ පසුබිම තුලයි.

             කවි පිටු සංස්කාරක වරුන්ට ඇති සීමිත ඉඩත්, මාධ්‍යය ආයතන මගින් පැනවෙන සීමා නිසාත්, ඔවුන්ගේ රස සහ ගුරුකුල සීමාවන් තුලත් පෙරෙන, ගැලවෙන කවි තෙරපී, නැවි , ගුලිවී කුණු බක්කියට යන්නේ කාටත් හොරාය. ඒ වගේම එක් කවියක් හෝ කිහිපයක් පමණක් සදහා ප්‍රතිචාර දක්වන්නට ඔවුනට සිදු වන්නේ ඔවුන් කවි පිටු සංස්කරණය කරන්නේ තවත් වැඩ අතරේ නිසයි.   

      මුහුණු පොත් කවි එකතු එවන් සීමා මායිම් අවම අවකාශයක් වීම නිසා කවියට කැමැති බොහෝ දෙනෙකුට නිදහසේ තම තමන්ගේ නිර්මාණ එළි දක්වන්නට ඉඩක් ලබාදෙයි. කවිය තුල අඩංගු පද පේලි සීමාවන් , ආගමික හෝ දේශපාලන අන්තර්ගත පලකිරීමේ නිදහස වැඩිය. අන්තරජාලයෙන් උපුටා ගත් ලස්සන චිත්‍රයක් හෝ සේයාරුවක් මත හෝ කවිය සමග එවැන්නක් අමුණන්නටද ඉඩ ලැබේ. දිනපතා, මාස්පතා හෝ කලින් කලට විවිධ කවීන්ගේ නිර්මාණ අගය කරමින් කරන ඇගයුම් කවීන්ට තව තවත් නිර්මාණ කරන්නට දිරිය දෙයි.

        මුහුණු පොත් කවි එකතු වල ඉන්නා සාමාජික පිරිස් වරින් වර කවි නිර්මාණ වලට දක්වන ක්ෂණික ප්‍රතිචාර සහ වරින් වර ඒවායේ පලවන කවි නිර්මාණ උපදෙස් මාලා ආධුනික කවීන්ට තම හැකියාවන් දියුණු කර ගැනීමට හොද අත්වැලක් සපයයි. මේ සටහන එවන් කවි එකතු පවත්වා ගෙන යමින් තම කාලය, ශ්‍රමය සහ ධනය වැයකරන කවියට හිතැති ඇඩ්මින් වරුන් සහ ඒවායේ පාලක මණ්ඩල වල පිරිස් සහ ඒවායේ නිත්‍ය සාමාජික පිරිස් දිරිගැන්වීම පිණිසත්, ඔවුනගේ සේවය අගය කරනු පිණිසත් ලියැවුනකි.

පහතින් දැක්වෙන්නේ එවන් මුහුණු පොත් කවි එකතු සදහා දිගු කිහිපයකි. ඔබේ කවි නිර්මාණ ඉදිරිපත් කිරීම සදහාත්, නිර්මාණ රසවිදීම සහ අගය කිරීම් සදහාත් ගොඩවී බැලීම යෙහෙකි.   

පැණි වළලු

https://www.facebook.com/groups/615669288837331

කවි නිසදැස් ගී දැහැන

https://www.facebook.com/groups/2699436846980418

 දැයේ සිහිනය 

                                       https://www.facebook.com/groups/542299645956933

                                                                  හන්තාන අඩවිය

                                     https://www.facebook.com/groups/2025702917711497

                                                                        පහන්වැට

                                         https://www.facebook.com/groups/318432596665365

සේද පලස

                                   https://www.facebook.com/groups/656297548202845

                                                                සෙනෙහසේ කවි අරණ 

https://www.facebook.com/groups/526305921607094

විහඟ ගීතය

                                       https://www.facebook.com/groups/426783548777063

සෙනෙහසේ නවාතැන

                                    https://www.facebook.com/groups/235888544298432

                                                                 ගගන යාත්‍රා 

https://www.facebook.com/groups/514808609406579

                                                                    සෙනෙහසේ පන්හිඳ 

                                   https://www.facebook.com/groups/313712515941029

                                                                    දැහැන

                                      https://www.facebook.com/groups/543757172698207

                                     https://www.facebook.com/groups/414445926221797

                                                            නිසඳැස් අඩවිය

                             https://www.facebook.com/groups/287076231848935

                            https://www.facebook.com/groups/725758264715316

   

  සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.        

ලන්දේසි කාරයින්ගේ රටේදී, චීස් කා ලී සපත්තු දමාගත් දවසක් ......

නෙදර්ලන්තයේ සංචාරයක මතක 2.

 ලන්දේසි කාරයින් ශ්‍රී ලංකාවේ ඉතිරි කර ගිය දේ ගැන කතා කරන්නට ගොඩක් දේ තිබෙනවා. කදු සහ පහත්බිම් වල ජීවත් වුණු යුරෝපා ජාතීන් අතරින් තැනිතලා බිම්වල දිවි ගෙවූ මිනිසුන් හදුන්වන්නට අතීතයේදී  Dutch කියන වචනය භාවිතා වූ බවත් ජර්මනියේ සමහර කොටස් සහ නෙදර්ලන්තයට මුලින් ඒ වදන යෙදුනු බවත් අන්තර්ජාලයේ සදහන් වෙනවා. කලක් නෙදර්ලන්තය හදුන්වන්නට Holland යන වචනය භාවිතා වුනේ North Holland  සහ  South Holland කියන පලාත් දෙක හින්දයි.වර්තමානයේ භූගෝලීය වශයෙන් නෙදර්ලන්තය පලාත් 12 කින් සැදුනු රටක්. 

වෙනස්ම ආකාරයේ ගෘහ නිර්මාණ ශිල්පයක් තිබෙනා නෙදර්ලන්තයේ වෙනස ඔබට යුරෝපයේ අනෙක් රටවලින් එය වෙන්කර හදුනා ගන්නට පහසු කරනවා. අප මේ සංචාරයන් කලේ 2019 වසරේ ගිම්හානයේදී හින්ද අනාගතයේ දවසක ඔබ මේ ගමන් යද්දී සංචාරක ක්‍රමවේද වෙනස් වී තියෙන්නත් පුළුවන්. ඒ කොහොම වුණත් දසත කියවන ඔබ වෙනුවෙන් ලන්දේසිකාරයින් අතරේ ඇවිද යන්නයි මගේ මේ සුදානම.

ගම්බද පරිසර කිහිපයක සහ වෙරළබඩ ගමක සංචාරය කල අපි ආපහු නවාතැනට ආවා. අද අපේ සූදානම උදෙන්ම චීස් කර්මාන්ත ශාලාවක් බලන්න යන්න.

Clara Maria Cheese Farm/Clog Factory

Amsterdam නගරයේ ඉදන් පැය භාගයක විතර දුරින් තියෙන මේ චීස් කම්හල අවුරුදු 170 ක් විතර පැරණි එකක්. වර්තමානයේදී එය පවත්වා ගෙන යන්නේ නෙදර්ලන්තයට පෙම් බැදි ඇමෙරිකානු කතක් සහ සම්ප්‍රදායික නෙදර්ලන්ත ජාතිකයෙකු වුණු ඇගේ සැමියා.

ගවයින්ගෙන් කිරි ගන්නා තැන පටන් සාම්ප්‍රදායික ක්‍රමයට චීස් නිපදවන ආකාරය පියවරෙන් පියවරට දකින්නට එහිදී ඔබට පුළුවන්. වසරේ ජුනි මාසයේ සිට ඊළග අවුරුද්දේ මාර්තු මාසය තෙක් කාලය තුල ක්‍රියාත්මක වන ඔවුන්ගේ සංචාර වලදී ඔබට විවිධ වර්ගවල චීස් සාම්පල කිහිපයක රස බලන්නත් පුළුවන්. ගමන මතක් වෙන්නත් එක්ක අපිත් කල්ගත වුණු චීස් බෝලයක් මිලදී ගත්තා. ඔවුනට ඔබ ගුවනින් විදේශ රටකට ගෙනයන බව කියන්නට අමතක නොකල යුත්තේ චීස් රටකින් රටකට ගෙනයාමේදී පවතින ආගමන විගමන නීති රීති හින්ද විශේෂ විදිහකට ඇසිරුම් කල යුතු හින්දයි.

Clogs (Klompen)

අපි ලී සපත්තු ගැන අහල තිබුණට කවදාවත්ම ඒවා දාල තිබුණෙ නැහැනෙ. සම්ප්‍රදායික විදිහට සැහැල්ලු ලී වලින් , ලී සපත්තු හදන්නෙ වගුරුබිම් සහිත නෙදර්ලන්තයේ ගොවිපොල වල කටයුතු කරන ගොවීන් සහ ගෙවිලියන් වෙනුවෙන්.  Alder, Willow හෝ  Poplar ලී කැබැල්ලකින් සපත්තුවක් නිර්මාණය කරන්න ඔවුන් භාවිතා කරන්නේ අතින් ක්‍රියාත්මක කරන සරල උපකරණ. ඔප දමා ගන්නා ඒ ලී සපත්තු වලට විවිධ වර්ණ වගේම සිතුවම් යොදා හැඩ කරන්නේ ඊට පස්සෙ. ප්‍රායෝගික භාවිතය නිසා අපි ඒ සපත්තු මිලදී නොගත්තත් කුඩා යතුරු රදවනයක තරමේ එකක් සිහිවටනයක් විදිහට ගත්තා.යෝධ ලී සපත්තු යුගලක් පය ලා ගෙන නෙදර්ලන්තයට යන සංචාරකයින් සේයාරූ ගන්නා සිරිත අනුගමනය කරමින් අපිත් ෆොටෝ කිහිපයක්ම ගත්තා.

Zuiderzee Museum

Amsterdam වල ඉදන් විනාඩි 45 ක තරමේ දුරක තියෙන මේ කෞතුකාගාරය නෙදර්ලන්තයේ නාවික සහ ධීවර කටයුතු පිළිබද ඉතිහාසය නිරූපණය වන තැනක්. ධීවර යාත්‍රා, ධීවර ආම්පන්න වගේම සම්ප්‍රදායික ධීවර ගම්මානයක ක්‍රියාකාරීත්වය නිරූපණය කෙරෙන මේ පරිශ්‍රයේදී මට සිහියට ආවෙ ටොරොන්ටෝවේ Black creek pioneer village   වෙත ඔබව ගෙනගිය ගමනයි. 15 වන සියවසේ ඉදිකෙරුණු පල්ලිය වගේම 17 වන සියවසේ කල නගර දොරටු සහ තාප්ප ලංකාවේදී ලන්දේසීන් ඉදිකර තිබුණු බලකොටු සිහි ගන්වනවා. නගරයේ තිබෙන Dromedaris කුළුණත් බලන්න වටින තැනක්. 

Delft and Delftware

VOC ( Vereenigde Oostindische Companie) එහෙමත් නැත්නම් ලන්දේසි සමයේදී ලංකාව පාලනය කල පෙරදිග ඉන්දීය වෙළද සමාගම යුරෝපයට ගෙනගිය චීනයේ පෝසිලේන් පිගන් නෙදර්ලන්තයේ Delft ප්‍රදේශයේ මැටි භාණ්ඩ කරුවන්ට අළුත් අදහස් ඇතිකලා. තවමත් ලංකාවේ දකින්නට ලැබෙන Delftware පැරණි මැටි භාණ්ඩ නිපදවුනේ ඒ අනුවයි. Amsterdam වල ඉදන්   පැයක තරමේ දුරින් තියෙන Delft ඔබ එවන් මැටි භාණ්ඩ වලට ඇළුම් කරන්නෙක් නම් යා යුතුම තැනක්. Royal Delft කර්මාන්ත ශාලාවේ චාරිකාවක් තුලින් ඔබට ඒ නිර්මාණ සකස් වෙන හැටි දැකගන්න පුළුවන්.

ඔබ කැමති නම් මේ ගමනටම හේග් සාම මාලිගාව සහ කුඩා පරිමාණයට සැබෑ නගරයක අංග ඇතුලත් කොට තනා තිබෙන Madurodam බලන්නත් සංවිධානය කෙරෙන දිනක චාරිකාවක් සදහා Amsterdam නගරයෙන් පිටත් වෙන්නත් පුළුවන්.

 

හේග් සාම මාලිගාව

Madurodam

ලබන මාසයේදී  Amsterdam නුවර නගර සංචාරයකින් හමුවෙමු.

 සටහන - අනුරුද්ධ වැලිගමගේ

 සේයා රූ - හෙසදි වැලිගමගේ සහ අන්තර්ජාලයෙන්      

කැනඩාවේ මාසිකව පලවන දසත පුවත්පතේ  2022 මාර්තු  කලාපයේ පලවිය.

     

 විශේෂ ස්තුතිය දසත සංස්කාරිකා චමරි අබේසිංහ මහත්මියට.

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.

අවුරුද්ද සමග බැදුණු කවිය...... රූපවාහිනි අත්දැකීම...

 

අපි හැමෝගෙම හිත්වල කවියෙක් ඉන්නවා. ඒකට හේතුව අපි හැමෝගෙම ජීවිත ගලායන්නේ රිද්මයකට හින්ද. ඒක අපේ හදේ ස්පන්දනයේ, හුස්ම ගැනීමේ , කතාකිරීමේ වගේම ඇවිදීමේත් තියෙන ජීවිතය පුරාම යන දෙයක්.

ඒත් ඒ කවි එළියට ඇවිත් තවත් අයට පිලිගන්වන්නේ කිහිප දෙනෙක් විතරයි. සමහරු කවි ලියනවා. සමහරු කවි ගායනා කරනවා. සමහරු කවි ගැන විචාර කරනවා.    

මේ රූපණ අපේ වෑයම කවි ගැන කථා කරන්න -  අමයුරු කවි රස - රූපණ කවි චාරිකාව 

අද අපි කථා කරන්නේ අවුරුද්ද සමග බැදුණු කවිය ගැන

2021 අප්‍රේල් මස 10වැනිදා රූපණ අන්තර්ජාල රූපවාහිනිය තුලින් වෙබ් ගත වුවකි .

https://rupane.com/2021/04/10/rupane-episode-239-april-10-2021/

කවි රටා උදාහරණ කොට ගනිමින් කෙරෙන අඩ පැයක කවි චාරිකාව 

**********************************************

පර්යේෂණාත්මක සම්පත් දායකත්වය - රාජ්‍ය සම්මානලාභී ලේඛිකා ආචාර්ය ස්වර්ණා චන්ද්‍රසේකර 

කවි ගායනා -  මෙනුලි තසාරා රණවීර, වෙහාරා රූපසිංහ,  අනුජ සහ වෙනුජ මාරසිංහ 

                    දුලංසා ඈපාසිංහ, තරුකි ගමගේ, සෙත්ලානා තිසේරා, සෙනුදි විජේසුරිය

ඉදිරිපත් කිරීම - අනුරුද්ධ වැලිගමගේ 

සංස්කරණය - පුබුදු වනිගසේකර 

සංකල්පය සහ නිෂ්පාදනය - අනුරුද්ධ වැලිගමගේ 

විධායක නිෂ්පාදනය - වීරා ෆොන්සේකා 

Zoom.. තාක්ෂණය ඔස්සේ කෙරුණු පටිගත කිරීමකි.

අමයුරු කවි රස - වැඩසටහන් පෙල 

අපේ පළමු වැඩසටහන - ජනකවියේ චමත්කාරය  සදහා දිගුව 

http://ahasgawwenehalokaya.blogspot.com/2020/09/1.html

අපේ දෙවන වැඩසටහන -  කොළඹ යුගයෙන් තරු තුනක් සදහා දිගුව 

http://ahasgawwenehalokaya.blogspot.com/2020/10/2.html

අපේ තෙවන වැඩසටහන -  සිංහල කවියේ සදැස් ලකුණ  සදහා දිගුව 

http://ahasgawwenehalokaya.blogspot.com/2020/12/3.html

අපේ හතරවන වැඩසටහන -  නිසදැස් කවියක විප්ලවය   සදහා දිගුව 

http://ahasgawwenehalokaya.blogspot.com/2021/03/4.html

අපේ පස් වන වැඩසටහන -  ළමා කවියේ රුව ගුණ  සදහා දිගුව

http://ahasgawwenehalokaya.blogspot.com/2021/04/5.html

අපේ හය  වන වැඩසටහන කිවිදියන් තිදෙනෙකුගේ නිර්මාණ දැක්ම .....පළමු කොටස සදහා දිගුව

http://ahasgawwenehalokaya.blogspot.com/2021/05/6.html

අපේ හය  වන වැඩසටහන කිවිදියන් තිදෙනෙකුගේ නිර්මාණ දැක්ම ..... දෙවන කොටස සදහා දිගුව

http://ahasgawwenehalokaya.blogspot.com/2021/07/6.html

අපේ හත් වන වැඩසටහන -  සංදේශ කාව්‍ය තුලින් මැවෙන රූ රටා සදහා දිගුව

http://ahasgawwenehalokaya.blogspot.com/2021/10/6.html

අපේ අටවන වැඩසටහනේ සිට දොළොස්වන වැඩසටහන කාලීන සමපාත වීම් සමග ඉදිරියේදී බ්ලොග් ගත වේවි. 

අපේ දහවන වන වැඩසටහන - පරිවර්තන කවියේ මිහිරියාව  සදහා දිගුව

http://ahasgawwenehalokaya.blogspot.com/2021/11/10.html

අපේ දහතුන්වන වැඩසටහන -කවි කොලයෙන් සහ හිටිවන කවි මඩු තුලින් සිදුවූ සමාජ කාර්යභාරය

http://ahasgawwenehalokaya.blogspot.com/2022/01/13.html

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.