Saturday, July 27, 2024

ලැව් ගිනි නිසා විනාශ වුනු රොකී කඳු කලාපයේ අසිරිමත් නගරය

කැනඩාවේ ඇල්බර්ටා පළාතේ ජැස්පර් නගරය ( Jasper) ගිම්හාන කාලයේ හිරු එළියෙන් දීප්තිමත් වී ඇති විට විවිධ හැඩතල මවන්නේ ග්ලැසියර සහිත කඳු පන්ති පරිසර පද්ධති වලින් මනස්කාන්ත පරිසරයක් මවමින්. ඒ අවස්ථාවලදී ගන්නා සේයාරූ ඉතාමත්ම දැකුම්කළුයි. කැනේඩියානු රොකී කඳු කලාපයේ පාරාදීසයක් බඳු මේ ප්‍රදේශය ඉතා විශාල කඳු ප්‍රමාණයක් ඇති නිසා හිම ආශ්‍රිත කටයුතුවලදීත් ඉතා වැදගත්කමක් දරනවා. ඒ හින්දා ශීත කාලයේදීත් මේ ප්‍රදේශය සංචාරයකින් පිරී ඉතිරී යනවා.

මේ ඒ ප්‍රදේශය ගැන මා ලීයූ සටහනක්

රීඩර්ස් ඩයිජෙස්ට් සගරාවේ මිලියන 8 ක් ගුණ වැයූ බෝට්ටු සවාරියෙන් අයිස් නැව තැනූ ඉසව්වට ...........

https://ahasgawwenehalokaya.blogspot.com/2019/03/8.html

මේ ඒ ප්‍රදේශය ගැන කල රූපවාහිනී වැඩසටහනක අත්දැකීමක්

ග්ලැසියරයක් උඩ අයිස් මත ඇවිද යන්නට ජැස්පර් ජාතික උද්‍යානයට යමු .

https://ahasgawwenehalokaya.blogspot.com/2022/10/blog-post.html

හඩ්සන් බේ සහ නෝත් වෙස්ට් යන වෙළඳ ආයතන දෙක ස්වදේශිකයින් සමග හම් වෙළද හුවමාරු සඳහා ව්‍යාපාරික මධ්‍යස්ථාන ලෙස දියුණු වූ වනගත බිම්කඩවලින් වටවුණු ඉසව්වක් විදියට මේ නගරය ඉතිහාසය තුල ලියවී තිබෙනවා.ඇතබස්කා ග්ලැසියරය ඇතුළු තවත් ග්ලැසියර රැසකින් දියැවී යන ජලය ආක්ටික් සාගරය දක්වා ගෙන යන කිලෝමීටර් 1231ක් දුර ඇතබැස්කා ගඟ මේ නගරය මායිමෙන් ගලා යනවා කැනඩාව හරහා දුම්රිය මාර්ගය ඉදි කිරීමේදී මෙන්ම අදත් දුම්රිය භාණ්ඩ ප්‍රවාහනයේදී ජැස්පර් නගරය මෙහෙයුම් මධ්‍යස්ථානයක් ලෙස ආර්ථිකමය වැදගත්කමක් ගන්නවා. ගිම්හාන කාලයේදී වගේම ශීත කාලයේදීත් සංචාරක ආකර්ෂණය ඉතා ඉහළින් දිනාගන්නා මේ නගරය වටවී තිබෙන්නේ වන ගහන සහිත පරිසර පද්ධතියකින් වන අතර කැනඩාවේ රොකී කඳු කලාපයේ තිබෙන විශාලතම රක්ෂිත බිම් කඩවන වර්ග කිලෝමීටර් 11,228 ක් තරමේ විශාල ජැස්පර් ජාතික උද්‍යානයත් තිබෙනවා.

මම මේ විස්තර ලිව්වේ ජැස්පර් නගරය ගැන අපට ආසන්නට ලැබුණු අවාසනාවන්ත සිදුවීමක් ගැන කියන්නටයි. පරිසර සංචාරකයකු ලෙස වාර ගණනාවක් මේ ප්‍රදේශයේ සංචාරය කර තිබෙන මට මේ වන විට දැනගන්නට ලැබී තිබෙන ආකාරයට හෙකටෙයාර 36,000 වඩා වැඩි වන ගහණයක් සහ මනරම් ජැස්පර් නගරයෙන් අඩකටත් වඩා විනාශ වී ඇති බව කියවෙනවා .වර්ෂාව නිසා ගින්න පැතිරීම අඩුවී ඇති බව වාර්තා වුණත් පවතින අයහපත් කාලගුණික තත්ත්වය හමුවේ බලධාරීන්ට ගිනි නිවීම සහ පාලන කටයුතු සඳහා ගුවන් යානා සහ හෙලිකොප්ටර යොදා ගැනීමේ අපහසුතා තිබෙනවා. දෘෂ්‍ය තත්ත්වය අයහපත් අවස්ථාවලදී කඳු පන්ති සහ වනාන්තර බහුල එවන් කලාපවල ගුවන් මෙහෙයුම් කරන්නට හැකියාවක් නැහැ.

කැනඩාවේ ලැව් ගිනි ගැන මා මීට පෙර ලියූ තොරතුරු පහත ලිපියෙන් ඔබට දැනගන්නට පුළුවන්

වායු දූෂණය , ලැව් ගිනි සහ කැනඩාව

https://ahasgawwenehalokaya.blogspot.com/2023/06/blog-post_10.html

මේ තත්ත්වය යටතේ ජැස්පර් නගරයෙන් මිනිසුන් සහ සතුන් ආරක්ෂිත ස්ථාන සඳහා කරා ඉවත් කෙරුණු අතර ජැස්පර් වනෝද්‍යානය ජනතාව වසා දමා දුම්රිය සේවා නවතා දමා තිබෙනවා.

කැනඩාවේ පලවන ශ්‍රීලන්කැන් පුවත් වෙබ් අඩවියේ නිරෝධ කාරියවසම් එය වාර්තා කර තිබුනේ මෙහෙමයි.

https://srilancan.ca/featured-canada-news/monster-%e0%b6%bd%e0%b7%90%e0%b7%80%e0%b7%8a%e0%b6%9c%e0%b7%92%e0%b6%b1%e0%b7%8a%e0%b6%b1-%e0%b6%93%e0%b6%ad%e0%b7%92%e0%b7%84%e0%b7%8f%e0%b7%83%e0%b7%92%e0%b6%9a-%e0%b6%9a%e0%b7%90%e0%b6%b1/

Monster' ලැව්ගින්න ඓතිහාසික කැනේඩියානු නිවාඩු නිකේතන නගරය විනාශ කරයි

ලැව්ගින්නක් කැනේඩියානු ඓතිහාසික සංචාරක නගරයක් වන ජැස්පර්( Jasper)සහ ඒ අවට ජාතික වනෝද්‍යානය විනාශ කරමින් පවතින අතර ඇල්බර්ටා පළාතේ (Alberta province)නිලධාරියෙකු පවසන්නේ එය තවමත් පාලනය කර ගත නොහැකි බවයි.

"ඕනෑම ප්‍රජාවකට ඇති නරකම නපුරු සිහිනය මෙයයි" ඇල්බර්ටා අගමැති ඩැනියෙල් ස්මිත්(Alberta Premier- Danielle Smith) ප්‍රවෘත්ති සාකච්ඡාවකදී කඳුළු සලමින් පැවසීය..ජැස්පර් ජාතික වනෝද්‍යානයෙන් දළ වශයෙන් පුද්ගලයන් 25,000ක් ඉවත් කර ඇත - "අවම වශයෙන් නිවාස නැති වූ පවුල් දුසිමක්වත් මම දනිමි," එක් ඉවත් කරන්නෙකු CBC පුවත් වෙත පැවසීය.

හානියේ පරිමාණය තවමත් පැහැදිලි නැත, නමුත් නිලධාරියෙකු පවසන්නේ ජැස්පර් හි ගොඩනැගිලිවලින් 30% සිට 50% දක්වා විනාශ වී ඇති බවයි.අකුණු කුණාටුවක් අතරතුර ගින්න හටගෙන ඇති අතර නියඟයක් අත්විඳින ලද ප්‍රදේශයක ඇති වූ ප්‍රබල සුළං ප්‍රවාහය හේතුවෙන් ගින්න පැතිර ඇත.ප්‍රතිචාරය ශක්තිමත් කිරීම සඳහා ලොව පුරා ගිනි නිවන භටයින් සිය ගණනක් පැමිණෙමින් සිටිති - මේ අතර අගමැති ජස්ටින් ටෘඩෝ පවසන්නේ ෆෙඩරල් ආධාර සඳහා ඉල්ලීමක් තම රජය අනුමත කර ඇති බවයි

මේ ලෝක ජනමාධ්‍ය සහ කැනඩාවේ මාධ්‍ය ඒ සිදුවීම වාර්තා කළ අයුරු

https://www.bbc.com/news/live/cgerp77q1ynt

'Monster' wildfire devastates historic Canadian resort town

25 July 2024

https://globalnews.ca/news/10645096/jasper-alberta-wildfires-july-26/

30% of Jasper structures destroyed by wildfire, critical infrastructure saved: Parks Canada

https://abcnews.go.com/International/jasper-fire-map-alberta-canada/story?id=112306322

Jasper Fire: Latest map after wildfires break out in Jasper National Park in Alberta

https://parks.canada.ca/pn-np/ab/jasper/visit/feu-alert-fire/feudeforet-wildfire

සේයාරූ - අන්තර්ජාලයෙන් Google Images

සියළු හිමිකම් මුල් හිමිකරුවන් සතුයි

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි

Saturday, July 13, 2024

යූ ටියුබය හරහා සිංහලෙන් මා බලන වැඩසටහන් කිහිපයක්

මීට පෙර youtube හරහා මා බලන වැඩසටහන් ගැන ලියූ සටහනට ඇතුළත් කර තිබුණේ ඉංග්‍රීසි භාෂාවෙන් ප්‍රචාරය වන වැඩසටහන් කිහිපයක්. ඒ නිසා මෙවර සිංහල බසින් youtube අවකාශය තුල තිබෙන වැඩසටහන් හෝ නාලිකා කිහිපයක් ගැන ලියන්නට සිතුනා. මෙහි සඳහන් කරන යොමු හරහා මම ඒ වැඩසටහන් බලන බව සඳහන් වෙතත් , ඒවායේ හිමිකරුවන්ගේ දර්ශනය හෝ මතවාදය ප්‍රචලිත කිරීමට මා පෞද්ගලිකව දායකත්වය නොදක්වන බව සඳහන් කරන්නේ ඒවා වෙනුවෙන් අනවශ්‍ය වාද විවාද වලට පැටලීමට අවශ්‍ය නොවන බව සඳහන් කරමින් . තම තමන්ගේ අරමුණු සහ අවධානය කෙසේ වෙතත් එම නිර්මාණ හරහා සමාජය සහ පුද්ගල චින්තන පරාසය සුබවාදී කිරීම වෙනුවෙන් එම නිර්මාණකරුවන් කරන කැපවීම සහ ප්‍රේක්ෂක දැනුවත් කිරීම් , සිංහල මාධ්‍යයෙන් තම තමන්ගේ දැනුම් වපසිරිය වඩවා ගන්නට මහත් රුකුලක් වන බව කියන්නට කැමතියි.

උපුල් ශාන්ත සන්නස්ගලගේ විවිධ වැඩසටහන්

ඉතා ආකර්ශනීය ඉදිරිපත් කිරීමක් සහ බස හැසිරවීමක් කරන උපුල් සර්ගේ නිර්මාණ ගැන ඔහුගේ සිසුවෙක් නොවූවත් මා තුළ ඒ කාලයේ පටන් තිබුණේ මහත් ඇල්මක්. අපූර්වත්වයෙන් සහ බියෙන් සැකෙන් තොරව , රාමුගත නොවී යමක් ඉදිරිපත් කරන ඔහුගේ වැඩසටහන් මහත් ආසාවෙන් බලන්නේ ඒ නිසා. ඒ වැඩසටහනට තුළදී ඔහු කරන සමහර ප්‍රකාශ හෝ අදහස් වලට මා සියයට සියයක්ම එකඟ නැතත් ඒවා තුළින් සමාජයේ විවිධ පැතිකඩ නිරූපණය වන බව මට හිතෙනවා. youtube චැනලයන් පටන් ගත් දා පටන් ඔහු කළ නිර්මාණ තුළින් කාලීන වැදගත් අංශ , නව සමාජ විපර්යාස මෙන්ම ඉතිහාසය සංචාරය සහ විප්‍රවාසී සමාජය දෙස බැලෙන කෝණය හරි පුළුල් එකක් බව මගේ අදහසයි.

යූ ටියුබයෙන් හොයන්න පාවිච්චි කරන්න පුළුවන් නම සහ වැඩසටහනක දිගුවක්.

කාරිගෙ චැනල් එක

ධර්ම ශ්‍රී කාරියවසම්ගේ කාරිගෙ චැනල් එක ලංකාවේ දේශපාලනය පිළිබඳව පාට පක්ෂ කණ්ණාඩිවලින් තොරව බැලිය හැකි සාක්‍ෂි ඇතිව මහත් වෙහෙසකින් යුතුව කෙරෙන විශ්වසනීයත්වය ඇති වැඩසටහන් පෙලක් ලෙස මට හිතෙනවා. මා දන්නා ඉතිහාසයේ පැහැදිලි සටහන් නොමැති සිදුවීම් සහිත කරුණු පිළිබඳව තහවුරු කරන ලද සාක්ෂි සටහන් සහිතව ඔහු ඉදිරිපත් කරන කාරණා බොහෝ තාර්කිකයි. ඒ වගේම අප නොහිතන පරිද්දෙන් අතීතයේ ලංකාවේ සිදුවූ භූ දේශපාලනික කාරණා අද පවතින තත්වයට රට පත්වීමට පාර කැපූ ආකාරය ඒ වැඩසටහන් සියල්ලම බැලුවා නම් ඔබට පැහැදිලි වේවි.

යූ ටියුබයෙන් හොයන්න පාවිච්චි කරන්න පුළුවන් නම සහ වැඩසටහනක දිගුවක්.

විශ්ම ලෝකය

අන්තර්ජාලය අසීමිතව පාවිච්චියට පහසුකම් තිබුණත් ඒ තුළ තිබෙන අනන්ත තොරතුරු අතරින් වැදගත් දේ පෙරා ඉදිරිපත් කරන වැඩසටහන් පෙලක් විදියට මම විශ්ම ලෝකය දකිනවා. ඉංග්‍රීසියෙන් ලෝකයේ විවිධ ප්‍රමුඛ පෙළේ වාර්තා වැඩසටහන් නිපදවන ආයතනවලින් කරන ලද වැඩසටහන් විශාල ගණනක් රස විඳ තිබුණත් පොදුවේ සිංහල බස හසුරවන අයට ලෝකය විවර කර දෙන්නට විශ්ම ලෝකය කණ්ඩායම දරන මහන්සිය අගය කරන්නට කැමතියි.

යූ ටියුබයෙන් හොයන්න පාවිච්චි කරන්න පුළුවන් නම සහ වැඩසටහනක දිගුවක්.

විදුසර science Watch

වර්තමාන විදුසර ප්‍රධාන කතෘ සුනන්ද කරුණාරත්න ඉදිරිපත් කරන අපූරු වැඩසටහන් පෙළක් ලෙස මා මහත් කුතුහලයෙන් මේ වැඩසටහන් බලනවා. අපූරු විද්‍යාත්මක තොරතුරු රැසක් විවිධ ක්ෂේත්‍ර ඔස්සේ වෙනස් හැඩතල ඇතිව මැනැවින් තෝරා බේරා ඉදිරිපත් කරන මේ වැඩසටහන් සිංහල ප්‍රේක්ෂක ප්‍රජාව තුළින් තවත් අවධානයට ලක්වෙනවා නම් හොඳයි. සුනන්ද ගේ ඉදිරිපත් කිරීමේ ශෛලිය තුල ප්‍රේක්ෂකයා මුල සිට අග දක්වාම අවධානයෙන් ඒ වැඩසටහනට ඇද බැද තබා ගන්නවා.

යූ ටියුබයෙන් හොයන්න පාවිච්චි කරන්න පුළුවන් නම සහ වැඩසටහනක දිගුවක්.

Aviocrat

ගුවන් යානා ගැන මම මහත් උනන්දුවෙන් කටයුතු කරන කෙනෙක්. ගුවන් අනතුරු විශ්ලේෂණ තුළින් ගුවන් යානා පිළිබඳ අපේ දැනුම් පරිමාව වැඩිදියුණු වෙනවා. ඉංග්‍රීසි බසින් ඒ ගැන කළ වැඩසටහන් සිය ගණනක් මා නරඹා තිබෙනවා අහම්බෙන් මෑතකදී දකින්නට ලැබුණු මේ චැනලය සිංහල බසින් ගුවන්යානා අනතුරු ගැන පියවරෙන් පියවර කරන කදිම විග්‍රහයක්. ඒ තුළින් තාක්ෂණික තොරතුරු සරල අන්දමින් හිටපු ගුවන් හමුදා ඉංජිනේරු ධනංජය කරුණාරත්න ඉදිරිපත් කරන්නට දරන උත්සාහය අගය කරනවා.