මාකෝනි විසිවන සියවස මුලදී අත්ලාන්තික් සාගරය හරහා පණිවිඩ යැවූ හැටි බලන්නට ගියදා

 

එක්සත් රාජධානියේ Poldhu ප්‍රදේශය සහ කැනඩාවේ නිව් ෆවුන්ඩ්ලන්ත පළාතේ St. Johns නගරය අත්ලාන්තික සාගරයේ දෙකොනක පිහිටා තිබෙන ප්‍රදේශ දෙකක්. දල වශයෙන් ඒ අතර දුර ප්‍රමාණය කිලෝමීටර් තුන්දහස් පන්සීයක් තරම් වෙනවා. වර්තමානයේ නම් එය මහා දුරක් නොවෙන්නේ ගුවන් යානයකින් පැය කිහිපයකින් වගේම චන්ද්‍රිකා තාක්ෂණය හරහා කරන සන්නිවේදනයකදී තත්පර කිහිපයකින් ඒ ප්‍රදේශ දෙක සම්බන්ධ කරගන්නට පුළුවන් නිසා.  බ්‍රිතාන්‍ය යටත් විජිත පරිපාලනය තිබූ 1901 දී  නම් එය දින 14ක තරමේ මුහුදු ගමනක්. ඒකත් කාලගුණයේ  තිබෙන වෙනස්කම් මත වැඩි වෙන්න පුළුවන්.

කැනඩාවේ නිව් ෆවුන්ඩ්ලන්ත පළාතේ  ශාන්ත ජෝන් ප්‍රදේශයේ 1901 දෙසැම්බර් 12 වැනි දා අඩි 500ක් උස සම්ප්‍රේෂණ කුළුණක් පිහිටුවා ඒ වන විටත් Poldhu  ප්‍රදේශයේ තිබූ සන්නිවේදන මධ්‍යස්ථානයට පණිවිඩයක් යවන්නට උත්සාහ කළේ රාජකීය නාවික හමුදාවේ අනුග්‍රහය ලැබූ අපි කවුරුත් අසා තිබෙන ජනප්‍රිය චරිතයක්.  ඒ වෙන කවුරුවත් නෙමේ  Guglielmo Marconi රේඩියෝ  සම්ප්‍රේෂණ තාක්ෂණයේ පියා විදියට සැලකෙන මාකෝනි  තම සහායකයින් කිහිප දෙනෙකු එක්ක Levitor  කියන සරුංගලය භාවිතයෙන් ඒ තාවකාලික කුළුණ සකස් කළා. අවශ්‍ය පහසුකම් සපයා දුන්නේ මේජර් Baden Baden Powell. මෝස් සංඥා ක්‍රමයේ  එස් අකුර ( S )  භාවිතා කරමින් කිලෝ හර්ට්ස් අටසිය පනහක මධ්‍යම තරංග පණිවිඩය සාර්ථක නොවුණේ දිවා කාලයේදී අයන ගෝලයේ තිබෙන ගැටලුවක් නිසා. 

නමුත් මාකෝනි සහ බ්‍රිතානය යටත් විජිතය වැඩේ අතහැරියේ නෑ.1902 ඔක්තෝබර් මාසයේ දී Carlo Alberto කියන ඉතාලි යුද්ධ නැව කැනඩාවේ නෝවා ස්කොෂියා පළාතේ සිඩ්නි  වරායට ආවේ රේඩියෝ සන්නිවේදනය සඳහා අවශ්‍ය ආම්පන්න පුරවාගෙනයි.  ඒවා භාවිතයෙන් නෝවා ස්කොෂියා පළාතේ Glace Bay   ප්‍රදේශයේ සන්නිවේදන මධ්‍යස්ථානයක් පිහිටුවනු ලැබුවේ Marconi Wireless Telegraph Company  ආයතනය විසින්. 

අක්කර හතරයි දශම නවයක බිම් කඩක විශාල ඇන්ටනා හතරක් පිහිටුවා කිලෝවොට් 75 ක

Spark Gap Transmitter එකක් භාවිතයෙන් අත් ලාන්තික්  සාගරය හරහා කැනඩාව සහ

එංගලන්තය අතර පණිවිඩ හුවමාරුව සිදුවුණා. 1905 තරම් වනතුරු පර්යේෂණ මට්ටමේ තිබූ

එය 1908 වන විට වාණිජ ව්‍යාපාර මට්ටමට දියුණු වී තිබුණා.පළමු සහ දෙවන ලෝක

යුද්ධවලදී සහ මුල් කාලීන නාවික ගමනාගමනයේදී එය බ්‍රිතාන්‍ය යටත් විජිතයට මහත්

මෙහෙයක් කල  බව කියවෙනවා.

1912 අප්‍රේල් 15 වෙනිදා මුහුදුබත් වුණු RMS Titanic අනතුරේ දී මගීන් 705 දෙනෙකුට RMS Carpathia නැවට බේරාගන්නට පණිවිඩ යැවුනේ ඒ මධ්‍යස්ථානයේ උපකාරයෙන්. බ්‍රිතාන්‍ය රජයේ, ඇමෙරිකානු රජය සහ ඉතාලි රජයේ විවිධ ගරු සම්මාන වලින් සහ 1909 දී භෞතික විද්‍යාව සඳහා වූ නොබෙල් තෑග්ග ලැබුණත් මාකෝනි ගේ ව්‍යාපාර , ව්‍යාපාරික අතින් එතරම් සාර්ථක වුණේ නෑ ඉතා ප්‍රකට රේඩියෝ ආයතනයක් වන BBC  රේඩියෝ බිහි කිරීමේදිත් මාකෝනිගෙන් විශාල මෙහෙයක් වූ බව කියවෙනවා.

 වෙනත් නවීන තාක්ෂණයන් සහ ගුවන්යානාවල ආගමනයත් එක්ක Glace Bay  ප්‍රදේශයේ ගුවන් විදුලි සන්නිවේදන මධ්‍යස්ථානය   1946 දී වසා දැමුණා. Russell Cunninagham මහතා එය මිලට ගත්තා. අදත් එය පවතින්නේ පෞද්ගලික බූදලයක් විදිහට. ඉතා සීමිත අවස්ථාවලදී පර්යේෂණ කටයුතුවල යෙදෙන පිරිස් සඳහා නටබුන් වූ එම පරිශ්‍රයට ඇතුල් වන්නට ඒ පවුලේ අය අවසර දෙතත් පොදු මහජනතාවට එම පරිශ්‍රය විවෘත නැහැ.

 ඒ තත්ත්වය තේරුම් ගත් මධ්‍යම රජයේ Parks Canada  ආයතනය විසින් 1983 දී මුල් පරිශ්‍රයේ පිහිටි ස්ථානයේ සිට කිලෝමීටර් අටක( 8)  තරම් දුරින් පිහිටි බිම් කඩක ජාතික සංස්කෘතික මධ්‍යස්ථානයක් පිහිටුවා තිබෙනවා. ඔබ එතැනට ගියොත් අත්ලාන්තික්  සාගරය හරහා වුණු පණිවඩු හුවමාරුව ගැන බොහෝ තොරතුරු සහ ආදර්ශන මගින් ඒ ගැන තොරතුරු දැනගන්නට පුළුවන්. ඔබට වැඩි උනන්දුවක් ඇත්නම්  Marconi Trail  එක හරහා ගිහින් මුල් පරිශ්‍රයේ මායිම් බලන්නත් පුළුවන්,

අනුරුද්ධ වැලිගමගේ

සේයාරූ -  අන්තර්ජාලයෙන්  Google Images

සියළු හිමිකම් මුල් හිමිකරුවන් සතුයි.

මගේ සටහන් උපුටන හෝ ඩිජිටල් හුවමාරු වෙනුවෙන් කවරෙකු හෝ භාවිතා කරනවාට මම කැමතියි. අමුවෙන්ම එය තමන්ගේ නමින් පලකරනවාට අකමැතියි. ඒ නිසා උපුටන භාවිතයේදී බ්ලොග් අඩවියේ නම සහ යොමුව සටහන් කරන්නට කාරුණික වන්න.    

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය  කරාවි.

ඔබ කොහිද මම හොයනවා

 

මගේ කවි පද ඇහෙනවද 

ගලහ හංදිය පෙනෙනවද 

තනිය මැකු අත හොයනවද 

හිතේ සතුටින් ඉන්නවද 

උණ පදුර යට බංකුවේ 

අපේ මතකයි හැංගුවේ 

ප්‍රස්ථාර, වගු ඇති පොත් ගුලේ 

පෙම් කවිත් ඇවිදින් යතේ 

මහවැලිය තාමත් ගලනවා 

රයින් ගඟ  මට පෙනෙනවා 

ඔබ කොහිද මම හොයනවා 

මගෙ හිතම දුර දුවනවා 

අනුරුද්ධ වැලිගමගේ 

2025 සැප්තැම්බර්   මස ලන්ඩන් කවි කලාපයේ පලවිය.

විශේෂ ස්තූතිය-  ලන්ඩන් කවිය සංස්කාරක අනුර හෑගොඩ මහතාට

සේයාරූ -  අන්තර්ජාලයෙන්  Pixabay images

               සියළු හිමිකම් මුල් හිමිකරුවන් සතුයි.

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය  කරාවි. 

කැනඩාවෙ දැව කර්මාන්තයේ විකාශනය බලන්නට අපූරුම තැන Algonquin Logging Museum

 

කැනඩාවේ දැව නිෂ්පාදනයේ  ප්‍රමුඛයෙන් වන්නේ බ්‍රිටිෂ් කොලම්බියාව සහ කුවිබෙක් පලාත්.  ඒත් 1808 දී නැපෝලියන් බොනපාට් බ්‍රිතාන්‍යය නාවික කර්මාන්තයට අවශ්‍ය දැව සැපයුම් මාර්ග අවහිර කිරීම නිසා පයින් දැව ලබා ගැනීම සඳහා බ්‍රිතාන්‍ය පාලකයන් යොමුවුණේ කැනඩාවේ  ඔන්ටාරියෝ ප්‍රාන්තයේ ඇල්ගොන්කුවීන්  ප්‍රදේශයටයි.

මිනිස්  ශ්‍රමයෙන් බිම හෙළුණු සුදු පයින් ගස් අශ්වයින් භාවිතයෙන් හිම දිගේ ඇදගෙන ගිහින් විවිධ ජල මාර්ග හරහා ශාන්ත ලෝරන්ස් ගඟ වෙත රැගෙන ඒම තමයි පළමු කාරණාව වුණේ.  ඊට පස්සෙ ඒවා යුරෝපයට යැවුනේ මොන්ට්‍රියල් වරායෙන් නැව්වලට පටවලයි.  පසුකාලීනව අශ්වයෙන් වෙනුවට විවිධ යන්ත්‍රෝපකරණ සහ ජල මාර්ග හරහා ප්‍රවාහනය වෙනුවට මොන්ට්‍රියල් වරාය දක්වාම දුම්රිය මගින් දැව ප්‍රවාහනය සිදුවුණා වගේම ඇමරිකා එක්සත් ජනපදයට අවශ්‍ය දැව සැපයුම වුනේ දුම්රිය මගින් පංච මහා විල් ආශ්‍රිතව තිබුණු වරායන් වෙත දැව  ප්‍රවාහනය කිරීමෙන්.

1800 ගණන්වල පටන් මේ දක්වා දැව කර්මාන්තයේ විකාශනය බලන්නට පුළුවන් අපූරු තැනක් ඔන්ටාරියෝ ප්‍රාන්තයේ ඇල්ගොන්කුවීන්  පළාත් උද්‍යානය තුල තිබෙනවා. ඇල්ගොන්කුවීන්න්ක්‍ පළාත් උද්‍යානය ගැන මීට පෙර කතා කර තිබෙන නිසා යළිත් මෙහි ඒ ගැන සඳහන් කරන්නේ  නැහැ.

ඒ තොරතුරු සඳහා මේ දිගුව බලන්න

Fall Colours බලන්නට Algonquin Park එකට ගියදා

https://ahasgawwenehalokaya.blogspot.com/2023/10/fall-colours-algonquin-park.html

ඇල්ගොන්කුවීන් පළාත්  උද්‍යානයේ හයිවේ 60 දිගේ යනකොට කිලෝමීටර් පනස් හතරයි දශම පහ සටහන් වන  ස්ථානයේ වෙනස්ම කෞතුකාගාරයක් පිහිටුවා තිබෙනවා. සැබවින්ම මෙය කිලෝමීටර් එකයි දශම තුනක ( 1.3 Km ) ඇවිදින මං පෙතකින් ගමන් කළ යුතු විශාල එළිමහන් කෞතුකාගාරයක් විදියටයි සකස් කර  තිබෙන්නේ. වාහනය නවත්වලා ප්‍රධාන මධ්‍යස්ථානයේ ඇති කුඩා සිනමාහලෙන් කැනඩාවේ දැව කර්මාන්තයේ ඉතිහාසය ගැන කෙටි වාර්තා චිත්‍රපටයක් බලලා ඔබට ගමන පටන් ගන්නට පුළුවන්.

මුලින්ම එක්දහස් 1800 ගණන්වල දැව කර්මාන්තයේ යෙදුණු පිරිමි සේවකයින් නවාතැන් ගත්  කැම්බූස් කෑම්ප් ( Camboose Camp) එකක්  දකින්නට ලැබෙනවා. හිම මතින් ලී කොටන් ගෙන යන එක පහසු නිසා බොහෝ විට මේ කටයුතු කරලා තියෙන්නේ දැඩි ශීතලක් තිබෙන වසරේ ඔක්තෝබර් සිට මාර්තු කියන මාස වලයි. ඉතා දැඩි ශීතල කාලගුණය යටතේ අවම පහසුකම් තුළ ඔවුන් රාත්‍රිය ගත කර තිබෙන්නේ ලී කොටන් අහුරා තැනු ලී මඩුවලයි. Camboose  කියන වදනට සමාන Shanty  කියන වචනයත් ප්‍රංශ භාෂාවේ යෙදුම්.  තට්ටු ගැසූ ලී ඇඳවල් වටේටත් මැද  ගිනි උදුනක් සහිතවත් සකස් කර තිබුණු ඒ මඩුවල කෑම උයා තිබෙන්නේත් පිරිමි කෝකියෙක්. දහවල ඇඳි තෙත ඇඳුම් එල්ලෙන්නට දමා , බූට් සපත්තු වේලෙන්නට වටේට වනල , කතා ,සිංදු කියමින් පොඩියට මධුවිතක් තොලගාමින් ඔවුන් කෑම ගත්ත බවයි කියන්නේ. තනිකරම මිනිස් සහ අශ්ව ශ්‍රමයෙන් වැඩි වැඩ කොටසක් කෙරුණු ඒ කාර්ය වල දවසේ අධික මහන්සිය හින්ද ඔවුන් වැඩි වෙලාවක් නොගිහින් නින්දට වැටෙන්න ඇති.

ඊළඟට ඔබ යන්නෙත් දැව කොටන් අදින්නට සහ වෙනත් කටයුතු සදහා භාවිතා කළ අශ්වයෙන් රඳවා තැබුණු ස්ථාල  බලන්නටයි. අශ්ව ස්ථාලත් පෙලට ගොඩගැසූ විශාල ලී කොටන් වලින් තැනුණු මඩු තමයි. පොරෝ පහර වලින් බිම දමන ගස්  චෝක් කුරූ  වලින් සලකුණු කරන ප්‍රමාණවල කොටන් ලෙස කපා දමා තිබෙනවා .සමහර ඒවා පොතු ගසා හතරැස් කුට්ටි බවටත් පත් කෙරුණා. ඒ කොහොම වුනත් ඒ දැවවල  හිමිකාරිත්වය දරන සමාගමේ සලකුණක් ඒ දැවැන්ත  කොටන් මත සටහන් කරන්නට ඔවුන් විශේෂ මිටියක් යොදාගෙන තිබුනා.දැව කැපු තැන පටන් ජල මාර්ගයක් වෙත දැව ප්‍රවාහනය කෙරුණේ කොටන් කිහිපයක් එකතු කර තනාගන්නා Sleigh එකක් ශක්තිමත් අශ්වයෙන් දෙදෙනෙකු යොදවා අයිස් මතින් ඇදගෙන යාමෙන් . එසේ ඇඳීමෙන් පල්ලමේ ඇදගෙන යන කොටන් පොකුර අශ්වයන් මතට පෙරළීම වළක්වන්නට කඳු මුදුනේ සවිකර තිබුණු යකඩ කේබල් යෙදූ තිරිංග පද්ධතියක් ක්‍රියාත්මක වුණා.

කාර්මික විප්ලවයේදී වැදගත් වුනු වාෂ්ප බෝට්ටු නිෂ්පාදනය කරන්නට කලින් ජල මාර්ග හරහා කොටන් ප්‍රවාහනයට පෙර ඒවා සකස්කිරීමට යොදා ගත්තේ අශ්වයින් දෙදෙනෙකු සෙක්කුව වටේ කැරකෙන ක්‍රමයට බලය උත්පාදනය කළ පාරුවක් ගොඩ ඇති විශාල ගසකට ගැටගසා සකසා ගත් උපක්‍රමයක්. පස්සේ ඇලිගේටර්  වාෂ්ප බෝට්ටු මේ වෙනුවෙන් යෙදවුනා. ඇල්ගොන්කුවින් දැව මධ්‍යස්ථානයේ ඔබ දකින විලියම් එම් (William M ) යාත්‍රාව ලෝකේ එහෙම සංරක්ෂණය වෙලා තියෙන යාත්‍රා තුනෙන් එකක්.

වතුරට ගෙන යන දැව කොටන් ජලයේ පා කිරීම පාලනය කරමින් කුඩා ඇලමාර්ග හරහා ගෙන යන්නට කුඩා වේල්ලක් වැනි  ඉදි කිරීමක් කර තිබුණා. එවැනි ආදර්ශකයක් ඔබට මෙතැනදී දකින්න පුළුවන්.

පසුකාලීනව ක්‍රම ක්‍රමයෙන් විවිධ යන්ත්‍ර උපකරණ, ට්‍රක් රථ, ට්‍රැක්ටර් දැව කර්මාන්තයට එකතු වුනු හැටිත්, ලාභදායී ප්‍රවාහන මාධ්‍යයක් ලෙස දුම්රිය එයට එකතු වුණු හැටිත් ඔබට දකින්නට මෙහි පහසුකම් සලසා තිබෙනවා.ඒ වගේම කර්මාන්තයේ යෙදුණු සේවකයින්ගේ නවාතැන් පවා ක්‍රමිකව දියුණුවට පත්වූණා.

ඒ වෙනස්කම් එක්ක ශීත කාලයට ඇදගෙන ගිහින් ජල මාර්ග හරහා වරායන් වෙත දැව ප්‍රවාහනය වෙනුවට වසර පුරාම දුම්රිය මගින් දැව ප්‍රවාහනය සිදුවුණා. මෙම ස්ථානයේ දී ඔබට දකින්නට ලැබෙන දුම්රිය  එන්ජිම 1911 දී මොන්ට්‍රියල් වල නිෂ්පාදනය වුනු  එකක්. Saddleback  නම් එය මුලින්ම දැව දහනයෙන් ක්‍රියාත්මක වුණු අතර පසුව ගල් අඟුරු දහනයෙන් ක්‍රියාත්මක වන ලෙස වෙනස් කල  බව කියවෙනවා.

පරිසර සංවිධාන විරුද්ධ වුවත් අදත් ඇල්ගොන්කුවීන් උද්‍යානයේ කොටසක අළුතින් වන වගාව කරමින් වාණිජමය දැව කර්මාන්තය සිදුවෙනවා. අතීතයට සාපේක්ෂව වර්තමානයේ  දැව අවශ්‍යතා අඩු වුණත් කැනඩාවේ සහ ඇමරිකාවේ නිවාස සහ ගොඩනැගිලි ඉදිකිරීම් කටයුතුවලදී තවමත් දැව වලට විශාල ඉල්ලුමක් තිබෙනවා.

සේයාරූ -  අන්තර්ජාලයෙන්  Google Images

සියළු හිමිකම් මුල් හිමිකරුවන් සතුයි.

මගේ සටහන් උපුටන හෝ ඩිජිටල් හුවමාරු වෙනුවෙන් කවරෙකු හෝ භාවිතා කරනවාට මම කැමතියි. අමුවෙන්ම එය තමන්ගේ නමින් පලකරනවාට අකමැතියි. ඒ නිසා උපුටන භාවිතයේදී බ්ලොග් අඩවියේ නම සහ යොමුව සටහන් කරන්නට කාරුණික වන්න.    

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය  කරාවි.

ඇමෙරිකාව මහා බලවතෙක් වුනේ කොහොමද ? The Mega-Brands That Built America

ඩොනල්ඩ් ට්‍රුම්ප්  ජනාධිපතිවරයාගේ "MAGA " ( Make America Great Again)  ගෝලීය වශයෙන් විපර්යාස රැසකට මුලපිරූ දේශපාලන කතාවක්. දේශපාලන මති මතාන්තර පැත්තක තිබ්බත් අපේ අසල්වැසි මහා රාජ්‍යය  නිසා කැනඩාවේ ඉන්නා අපටත් ඉන්  ඇති වී තිබෙන ආර්ථික බලපෑම සුළු පටු නැහැ. ඒ අතර රැකියා සුරක්ෂිතභාවය පිළිබද ගැටළු ,  බඩු මිල ඉහල යාම, සංචාරය වගේම නිවාස උකස් ණය  වාරික මිල අඩු නොවීමක් තියෙනවා.

තාක්ෂණික හා මානව දැනුමේ සංවර්ධනය නිසා දෙවන ලෝක යුද්ධයෙන් පසු ඇමරිකාව අත්පත්  කරගත් සුපිරි බලවත්භාවය දියාරු වී චීනය,ඉන්දියාව, බ්‍රසීලය වැනි රටවල් ඉදිරියට පැමිණීම නිසා ලෝක වෙළඳපොලේ ඇමරිකානු ආර්ථිකය හිමිකරගෙන සිටි වෙළෙඳ ගනුදෙනු ප්‍රතිශතය අඩු වී තිබෙනවා.දෙවන ලෝක යුද්ධ සමයේ ඒ වෙනුවෙන් කළ ආයෝජන,  නාසි ආක්‍රමණ හමුවේ ඇමෙරිකාවට පලා ආ විද්වතුන්ගේ දැනුම මෙන්ම දෙවන ලෝක යුද්ධයෙන් පසුව ඇමෙරිකාව අත්පත් කර ගත් රත්රන්, මුදල් සහ වෙනත් සම්පත් සියල්ල ඇමෙරිකාව ලෝකයේ සුපිරි බලවතා වීමට බලපෑ බව කිව යුතුයි.

ඇමෙරිකාව ලෝකය පුරා තම බල පරාක්‍රමය විහිදුවාලු ඉතිහාසය ගැන  ඉතිහාස නාලිකාව (The History Channel )   නිෂ්පාදනය කළ වැඩසටහන් මාලා කිහිපයක් බලන්නට මට ඉඩ ලැබුණා. මේවා අයත් වන්නේ "ඩොකියූ ඩ්‍රාමා" ( Docudrama )  ගණයටයි. ඒ යටතේ  ඉතිහාසය හුවා දැක්වීම සඳහා නළුවන් භාවිතා කරමින් සිද්ධි ප්‍රතිනිර්මාණය කරන එම වැඩසටහන් තුල විවිධ ක්ෂේත්‍රවල විද්වත් සම්පත් දායකයින් කිහිප දෙනෙක් පැහැදිලි කරදෙන තොරතුරු ඉතිහාසය සහ පසුබිම් කතා තේරුම් ගන්නට හොඳ අත්වැලක්.

දෙවන ලෝක යුද්ධයේදී ලොව පුරා විවිධ තැන්වල ස්ථානගත වී සිටි ඇමෙරිකානු භටයන්ට අවශ්‍ය දෑ සැපයීම සඳහා  දියුණු වූ ආහාර කල් තබා ගැනීමේ තාක්ෂණය, සම්ප්‍රදායික භාණ්ඩ ප්‍රවාහනය වෙනුවට බහාලුම් (Container- කන්ටේනරය) සොයා ගැනීම, දෙවන ලෝක යුද්ධයෙන් පසු ඇතිවුණු එක්සත් ජාතීන්ගේ සංවිධානය ඇතුළු ජාත්‍යන්තර සංවිධාන හරහා ඇමෙරිකාව පැතිරවූ ආධිපත්‍යය, ලොව පුරා පිහිටුවා තිබෙන ඇමරිකානු හමුදා කඳවුරු සහ විවිධ රාජ්‍ය නොවන සංවිධාන හරහා ඇමෙරිකාව ලෝකය පුරා තම අධිරාජවාදය වාදය පිහිටවූයේ භූමිය අත්පත් කර ගනිමින් ක්‍රියාත්මක වූ පැරැණි අධිරාජවාදය වෙනුවට ඇමෙරිකානු සමාගම් හරහා කළ වෙළද  අධිරාජවාදය තුළින්.

මේ සම්පූර්ණ වැඩසටහන් පෙළ තුල වැඩසටහන් විශාල සංඛ්‍යාවක් තිබෙන නිසා මම තවමත් ඒවා බලමින් ඉන්නා බව ලියන්නට කැමතියි. ඒ වගේම ඒවා සමහරක් තවමත් නිෂ්පාදන සහ විකාශන අවධියේ තිබෙනවා.

S1.E1 ∙ Battle of the Superstores

Sun, Jul 23, 2023

Pioneers of major retail chains compete to revolutionize the industry through innovation and expansion. Sam Walton's journey to build Walmart, the world's largest retailer, forms a central narrative.

S1.E2 ∙ The World Delivered

Sun, Jul 30, 2023

A century ago, shipping packages was slow and shipping overnight was impossible, until two Seattle brothers risk everything to reinvent shipping packages for all; a tenacious Yale graduate creates a world-famous express delivery service.

S1.E3 ∙ A Whole New Ballgame

Sun, Aug 6, 2023

The evolution of America's most beloved sports of Baseball, Basketball and Football are made possible by the innovations of sporting goods pioneers named Spalding, Wilson, and the Rawlings brothers.

S1.E4 ∙ Dirty Work

Sun, Aug 13, 2023

In late 1800s America, revolutionary soap by Gamble and Procter battles unhygienic conditions and deadly diseases. Their success inspires Gillette and Schick's fierce competition shaping modern shaving industry.

S2.E1 ∙ End of the Landlines

Sun, Apr 28, 2024

The technology battle among international telecommunications companies to produce most popular cell phone, from flip phones to ringtones to text messaging; Blackberry combines features of a computer with a cell phone to make a smartphone.

S2.E2 ∙ Internet Killed the Video Store

Sun, May 5, 2024

A database software engineer is inspired to create a bigger, family-friendly video store, Blockbuster; an opening appears for two software executives in California to take on the media giant with their online subscription service, Netflix.

S2.E3 ∙ Easy Money

Sun, May 12, 2024

In the mid-20th century, a small plastic card sparks a commercial revolution as Diners' Club, Bank of America, and American Express compete to transform the way people make payments, igniting the trillion-dollar credit card industry

S2.E4 ∙ Suite Dreams: Birth of the Modern Hotel

Sun, May 19, 2024

Two visionary rivals revolutionize the hotel industry, setting new hospitality standards globally. Facing challenges, recessions, and conflicts, they're determined to be the best.

S2.E5 ∙ Music on the Move

Sun, Jun 2, 2024

Rivalry between electronics companies in 1950s sparks a race to create portable music devices. Over decades, this competition leads to innovations like the pocket radio, cassette tape, Walkman, and CD, fueling the rise of industry giants.

S2.E6 ∙ Clash of the Computer Titans

Sun, Jun 9, 2024

Jobs and Gates create personal computer companies and commission software, sparking a legendary rivalry in the tech industry.

S2.E7 ∙ Sneaker Head-to-Head

Sun, Jun 30, 2024

Two sneaker companies become industry titans through a decades long battle for global dominance, as they unleash iconic footwear that will bring sneakers mainstream and make them part of the fabric of American culture.

S2.E8 ∙ Rentals to Riches

Sun, Jun 23, 2024

When car ownership was out of reach for many Americans, visionary entrepreneur introduced a groundbreaking rental model. This idea sparked fierce competition, creating industry giants and transforming travel into a billion-dollar industry.

වැඩි විස්තර අවශ්‍ය අයට මේ දිගුවෙන් රූපවාහිනී නිෂ්පාදන කණ්ඩායම ගැන දැනගන්න පුළුවන් 

https://www.imdb.com/title/tt28224056/episodes/?season=2&ref_=ttep_ep_sn_nx

S3.E1 ∙ The World in Your Palm

Sun, Jun 1, 2025

The biggest names in computers go head-to-head in a race to create the first portable computers; through failures, alliances and the return of an American icon, they'll usher in the first ever handheld device.

S3.E2 ∙ The Retail Reckoning

Sun, Jun 8, 2025

Three American retail icons are born within months of each other in 1962, sparking a rivalry for the ages.

S3.E3 ∙ Rise of the Internet Empires

Sun, Jun 15, 2025

An ambitious upstart starts an internet store that becomes a global empire, while a young computer programmer revolutionizes the way we buy and sell online--creating rival multi billion-dollar brands that become household names.

S3.E4 ∙ Hardware Warfare

Sun, Jun 22, 2025

Family-owned hardware stores become behemoth brands who battle it out taking big risks, ushering in new innovations, and betting it all in a race to become the number one hardware store chain in America.

S3.E5 ∙ Rise of the Office Machines

Sun, Jun 29, 2025

To simplify tedious office tasks in the mid-20th century, one unknown company introduces the world's first photocopier and becomes a household name.

S3.E6 ∙ Photo Bombs

Sun, Jul 6, 2025

An underdog breaks the mold by creating instant photography, revolutionizing how we take photos. And it kicks off a war of innovation between two iconic companies battling to be the number one camera brand in the country.

S3.E7 ∙ Fight for the Fast Lane

Sun, Jul 13, 2025

American cars get a makeover when an engineer creates the first sports car.

S3.E8 ∙ Pants on Fire

Sun, Jul 20, 2025

Levi Strauss partners with a tailor who makes a groundbreaking discovery during the Gold Rush-sparking a blue jean boom and a fierce rivalry between two iconic companies that spans generations and builds a billion-dollar industry.

S3.E9 ∙ Wipe out the Competition

Sun, Jul 27, 2025

Before toilet paper, Americans used just about anything--until the Scott brothers turn a mistake into an opportunity and invent the toilet paper roll, giving birth to a new billion-dollar industry.

S3.E10 ∙ Reinventing the Wheel

Sun, Aug 3, 2025

Harvey Firestone races to innovation against a crosstown rival as they both bet big on bringing car tires to the nation.

මේ විකිපීඩියා දිගුවෙන් ඉතිහාස චැනලයේ මේ ව්‍යාපෘතිය ගැන දැනගන්න පුළුවන්

https://en.wikipedia.org/wiki/That_Built

සේයාරූ -  අන්තර්ජාලයෙන්  Google Images

                                                      සියළු හිමිකම් මුල් හිමිකරුවන් සතුයි.

මගේ සටහන් උපුටන හෝ ඩිජිටල් හුවමාරු වෙනුවෙන් කවරෙකු හෝ භාවිතා කරනවාට

මම කැමතියි. අමුවෙන්ම එය තමන්ගේ නමින් පලකරනවාට අකමැතියි. ඒ නිසා

උපුටන භාවිතයේදී බ්ලොග් අඩවියේ නම සහ යොමුව සටහන් කරන්නට කාරුණික වන්න.  

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ

එළිය  කරාවි.