තරු පොකුරේ සැගවුණාට
දුර අහසේ ඉගිලුනාට
මහ පොළොවයි මේ අපට හිමි
මේ පොළොවයි අප හැමට හිමි
පඩිය පඩිය එසවුණාට
තට්ටු හතට ලංවූණාට
මුල අමතක වෙනවා නම් බොරු
පෙන්නුවාට හිතට බෑ බොරු
විසල් මන්දිරේ ළගදී
අළුත් වාහනේ ළගදී
හිනා පිරුණු මුණ නම් බොරු
හැබෑම නම් තව මරේ මරු
එක බත්පත බෙදන් කාපු
එකම ඇඳක බර දරාපු
මට මොකටද තවත් නම් බොරු
ඇයි මෙච්චර පෙන්නන්නෙ බොරු බොරු
අනුරුද්ධ වැලිගමගේ
2025 නොවැම්බර් මස ලන්ඩන් කවි කලාපයේ පලවිය.
විශේෂ ස්තූතිය- ලන්ඩන් කවිය සංස්කාරක අනුර හෑගොඩ මහතාට
සේයාරූ - අන්තර්ජාලයෙන් Pixabay
සියළු හිමිකම් මුල් හිමිකරුවන් සතුයි.
මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය කරාවි.
https://sililara.com/2025/11/22/%e0%b6%af%e0%b7%99%e0%b7%83%e0%b7%90%e0%b6%bb%e0%b6%ba%e0%b6%9a%e0%b7%8a-%e0%b7%84%e0%b7%92%e0%b6%ad%e0%b6%b1%e0%b7%8a%e0%b6%b1-%e0%b6%91%e0%b6%b4%e0%b7%8f-%e0%b6%92%e0%b7%80%e0%b7%8f-%e0%b7%80/
ReplyDeleteඩ්‍රැකී ඔබේ ප්‍රතිචාරයට ස්තූතියි. ඔබේ දිගුවෙන් සිලිලාර කියෙව්වා.
Deleteකැනඩා කවි කලාපයක් නැත්ද
ReplyDeleteඅජිත් ඔබේ ප්‍රතිචාරයට ස්තූතියි. කැනඩාවේ එහෙම දෙයක් නැහැ . මුද්‍රිත පත්තර දෙකෙත් කවි පිටුව නැතිම තරම්. අපේ වෙබ් පත්තරේ රුවන් හරිස්චන්ද්‍ර නමින් යනවා.
Deleteලස්සන පදපෙලට ගැලපෙන අපුරු ෆොටෝව
ReplyDeleteඉවාන් ඔබේ ප්‍රතිචාරයට ස්තූතියි.
ReplyDelete