අහස
කඩාගෙන වැටුණත්
රෑනේ
අපි එක රැහේ
එකම
ගහක එකට වහන
මිතුරු
කුරුළු රැල වගේ .......
සතුරු
සුළග ආවෝතින්
ඉන්නෙ
එකට ගුලි වෙවී
පාට
හතේ හත්පෙති මල
හයියයි
ගිරි කුළු වගේ
මුදු
හතක දුර ඉදගෙන
හිටියත්
ඇතක රැදී
එක
හිත එකටයි හැමගේ
සවිබල
දම්වැල වගේ
දුක
සැප එනවා යනවා
හරියට හුළගක් වගේ
ලෝකෙම
දිනන්න යමු අපි
එක පවුලේ අය වගේ
අනුරුද්ධ වැලිගමගේ
සේයාරූ - අන්තර්ජාලයෙන් Google Images
සියළු හිමිකම් මුල් අයිතිකරුවන් සතුයි ,
ලස්සනයි .
ReplyDeleteජයවේවා!!!
දුමින්ද බොහොම ස්තුතියි ඔබේ ප්‍රතිචාරයට සහ දිරිගැන්වීමට .
Deleteමාසෙකට විතර කලින් මම මේ කවිය ලිව්වෙ මගේ මිතුරෙකුගේ බිරිදක් කියපු කතාවක් හින්ද . කෙටියෙන් කිව්වොත් ලෝකෙ එක එක රටවල දැන් පදිංචි වෙලා ඉන්න ලංකාවේ එක ඉස්කෝලෙ එකට හිටපු යාළුවො හත් දෙනෙක් පිලිකාවෙන් දුක් විදින මිතුරියට කරන සැලකිල්ල ගැන තමන්ගෙ පුංචි පුතා ලියපු කවියක් මට බලන්න කියල අතට දීපු වෙලාවක .
ඒ අතරේ පහුගිය ඉරිදා ලංකාවේ වුණු අවාසනාවන්ත සිද්ධිය වෙනුවෙන් දුක්වෙන්න කැනඩාවේ එක එක පළාත්වල ඉන්න ශ්‍රී ලාංකිකයෝ ජාති ආගම් බේදයෙන් තොරව එකට එකතු වුනු අය වෙනුවෙන් රූපණ රූපවාහිනියට කෙටි සටහනක් කරද්දී මට මේ කවිය බ්ලොග් එකට එකතු කරන්න හිතුනා .
සුන්දර කවි පෙළක්. ශේන්යා ගේ හත්පෙති මල මතක් උනා.
ReplyDeleteවිනීත පූ ඔබේ ප්‍රතිචාරයට ස්තුතියි
Deleteමෘතශීලියා කෙටි කතාව ශ්‍රවණ මාධ්‍යයෙන්
ReplyDeleteමෘතශීලියා කෙටි කතාව ශ්‍රවණ මාධ්‍යයෙන් -නිශ්පාදනය අනුරුද්ධ වැලිගමගේ ) Link https://transyl2014.blogspot.com/2019/04/blog-post_29.html
වෛද්‍ය රුවන් ඔබේ සහයෝගයට ස්තුතියි
Delete