මන්දාරම් නුවරට වැහි වහින්නට ළඟයි
හීන පිරුණු ආකාසය හරිම කළුවරයි
පැයූ ඉදු දුනු සැව්වේ පැහැය දුක්බරයි
අද නම් ඔබ හමුවන්නේ නැතිම නැති හැඩයි
දුම්බර කදු යාය මත්තෙ කෝච්චිය හැඩයි
අපේ හිතත් යාකෙරුවේ මැණිකෙලා තමයි
හීත සුළං පොද දැනුනම තුරුළ උණුහුමයි
තාමත් හිත රිදුම් දෙන්නෙ ඒ හාද්දමයි
මීදුම් තිර කඩා වැසෙන කදුත් දුක්බරයි
නිම්න සානු මිටියාවත් හරි හැගුම්බරයි
පැතුම් පොකුරු පිරෙන හිදෙන මසිත චංචලයි
හිනා පිරුණු ඔබ දකින්න ගතම කලබලයි
අනුරුද්ධ වැලිගමගේ
2026 මැයි මස ලන්ඩන් කවි කලාපයේ පලවිය.
https://londonkavi.com/poem/27323/
විශේෂ ස්තූතිය- ලන්ඩන් කවිය සංස්කාරක අනුර හෑගොඩ මහතාට
සේයාරූ - අන්තර්ජාලයෙන් Pixabay Images
සියළු හිමිකම් මුල් හිමිකරුවන් සතුයි.
මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය කරාවි.
No comments:
Post a Comment