රූපවාහිනි අත්දැකීම..... ලබැදි ..... හදවතට සෙනෙහසින් ....අනුරුද්ධ වැලිගමගේ .....

අද අපි ඇවිල්ලා ඉන්නේ ලබැදි හතරවෙනි පියවරට . සමහරු අහනවා මොකක්ද මේ ලබැදි කියන්නෙ කියලා . ඒකෙ තේරුම හදවතට සමීප කියන එක . බලන්න සිංදු අපේ ජීවිත වලට කොච්චර බද්ධ වෙනවද කියල .

සරා සදේ ගීතය ඇහුවම මට මතක් වුනේ ලගදි අන්තර්ජාලයේ දැක්ක ලිපියක් . හදත් හදවතත් අතර තියෙන සම්බන්ධය ගැන . පුර පෝය හද නැගෙනකොට මිනිස්සුන්ගෙ විතරක් නෙවෙයි සත්තුන්ගේත් ප්‍රේමාන්විත හැගීම් උද්දීපනය වෙනවා කියලයි ඒකෙ තිබුණෙ . ඔබට පුළුවන් ප්‍රේමණීය ඔබේ මතකයන් අවදි කර ගන්න . 

ලබැදි ...... හදවතට සෙනෙහසින් ...

1. සරා සදේ - මුල් ගායනය එච් ආර් ජෝතිපාල 

2. මේ ජීවනයේ - මුල් ගායනය එච් ආර් ජෝතිපාල

3. ලස්සන ලෝකෙක ඉපදීලා - මුල් ගායනය එච් ආර් ජෝතිපාල

4.දෙඅදර විලිකුන් සුරත් පලේ - මුල් ගායනය - මිල්ටන් මල්ලවාරච්චි 

5.මියුරු කල්පනා - මුල් ගායනය - වික්ටර් රත්නායක

 විජිත් විතානගේ හඩින් අහල බලමුද ?

කැනඩාවේ රූපණ අන්තර්ජාල රූපවාහිනියේ වෙබ් ගත අපුර්ව අත්දැකීම


http://rupane.com/vimeo-video/rupane-episode-103-august-25-2018/





විධායක නිෂ්පාදනය - වීරා ෆොන්සේකා


අධ්‍යක්ෂණය - දිනේෂ් පීරිස්


සංකල්පය, පිටපත සහ ඉදිරිපත් කිරීම  - අනුරුද්ධ වැලිගමගේ


සංස්කරණය - පුබුදු වනිගසේකර

පොල් කටුවට වැලි පුරවා ...... අනුරුද්ධ හරිස්චන්ද්‍ර වැලිගමගේ .... රූපවාහිනී ළමා ගීත .........

පොල් කටුවට වැලි පුරවා ......

කෝම්පිට්ටු ඉදීයන් ..... ඉදියන් තව ඉදීයන් ....

පොල්කටුවට වැලි පුරවා

 තදකර පහලට හරවා

තට්ටු කරන්නම් ටොක් ටොක්

 කෝම්පිට්ටු ඉදීයන් ..

කෝම්පිට්ටු ඉදීයන් ...

 

දාගැබ වගෙ වටකුරුවට

නොකැඩි ඇද කුද නැතිවම

තට්ටු කරන්නම් හය්යෙන්

කෝම්පිට්ටු ඉදීයන් ...

 කෝම්පිට්ටු ඉදීයන් ..

 

ලබන සතියෙ පින්කම දා

පන්සල් අරගෙන යන්නට

රසට කෑම උයල දෙන්න

 කෝම්පිට්ටු ඉදීයන් ...

 කෝම්පිට්ටු ඉදීයන් ..

 

මේ පංගුව ආච්චිටයි

ඊළග පංගුව සීයට

කාටත් ටික ටික දෙන්නට

කෝම්පිට්ටු ඉදීයන් ...

 කෝම්පිට්ටු ඉදීයන් ..

අනුරුද්ධ වැලිගමගේ

1990-1992 කාලයේදී ජාතික රූපවාහිනියේ විකාශය වූ මේ ගීතය VHS පටිගත කිරීමකින් . උපුටාගෙන ඇති බැවින් එහි ශ්‍රව්‍ය දෘශ්‍ය තත්වයේ අඩුපාඩු ගැන කමා කරන්න

මේ නිර්මාණ වලට දායක වූ යමෙක් වේ නම් හදුනා ගන්නට මගේ මුහුණු පොත හෝ අහස් ගව්ව විද්‍යුත් තැපෑල මගින් අමතන්න . ahasgawwa1@gmail.com



පද- අනුරුද්ධ හරිස්චන්ද්‍ර වැලිගමගේ

සංගීතය - ප්‍රියනාත් රත්නායක

ස්තුතිය - ශ්‍රී ලංකා රූපවාහිනි සංස්ථාවේ ළමා ගී නිෂ්පාදක කණ්ඩායමට සහ සංස්කරණය කල දිනේෂ් පීරිස් සොයුරාට

සේයාරූ - අන්තර්ජාලයෙන් -  Google Images

අද කතාව සීනි සම්බෝලය ..........රේඩියෝ කෙටිකතා......වෛද්‍ය රුවන් එම් ජයතුංග......

‘‘ ඔයා ඔහොම කරලා හරි යන්නේ නැහැ. බලන්න ඒකනායක ඔයාට වඩා අවුරුදු දෙකක් ජූනියර්. ඒත් දැන් ඔයාගේ මට්ටමට ඇවිල්ලා. හෙට අනිද්දා මිනිහා තවත් ප‍්‍රමෝෂන් එකකුත් ගහගෙන ඔයාට වඩා ඉහළට යයි. මිනිහාට වඩා හපන් මහගේ. ඉංගී‍්‍රසි ටිකක් කටේ තොලේ ගාගෙන මහ උජාරුවට පි‍්‍රන්සිපල් එක්කත් හරි හරියට කතා කරනවා. අපේ අංශ භාර ගෑනිට ඉංගී‍්‍රසි බැහැ. ඔක්කොම ලියුම් කියුම් පි‍්‍රන්සිපල් මාලතීට බාර දීලා. අංශ භාර ගෑණිත් දපනේ වැටිලා ඉන්නේ. අපට පිප්පුවට බලන්න ඕන මාලතීට තියෙන සැලකිළි.’’ ඇය කියාගෙන ගියේ දියණියගේ හිස පීරණ අතරතුරදීය. ඉතා තදින් පනාව කොණ්ඩය අතරින් යැවීම නිසා දැරිය වේදනාවෙන් කෙඳිරිගෑවාය. 

‘‘ අනේ අම්මේ, මට රිදෙනවා. හිමින් පීරන්නකෝ. ඇය කෑගෑවාය.

‘‘ඔහොම ඉඳපන් දඟලන්නේ නැතුව. උඹ ඊයේ ගෙදර වැඩ කරලා තිබුණෙත් නැහැ. ගනින්කෝ අඩු ලකුණු වාර විභාගෙට.’’ මෙය රම්‍යලතා කීවේ දියණියගේ පිටට පහරක් ද ගසමිනි. බිරිඳගේ හෑල්ල හා දියණියගේ හැඩීම නිසා වීරසේන තුළ ඇති වූයේ කෝපයකි. 

‘‘හරි, හරි. ඔයාගේ තදියම තිබුණට ඔෆිස්වල ප‍්‍රමෝෂන් පත්තර බෙදන්නා වගේ දෙන්නේ නෑනේ. මම ලොක්කට හැම තිස්සෙම යාප්පු වෙනවා. හැමදාම මැරීගෙන වැඩ කරනවා. අපේ වෙලාව තමයි.’’ 

‘‘ වෙලාව එනකොට ඒකනායකලා අපිව පරාද කරලා. මිනිහා හෙට අනිද්දා හොඳ අලූත් මෝටර් සයිකලයක් ගන්න යනවා කියලා ගෑනී ස්ටාෆ් රූම් එකේ පම්පෝරියකුත් ගැහුවේ.’’ රම්‍යලතා පැවසුවේ කට ඇද කරමිනි. 

’’ ඒකනායක වැඩ කාරයා. මිනිහා බාහිර උපාධියකුත් කරනවා. ලොක්කා මිනිහට කැමතියි.’’ බිරියගේ කියුම් වලට වීරසේන පිලිතුරු දුන්නේ පරාජිත හඩකිනි.

‘‘එහෙනම් එකත් එකටම ඒකනායක ඔයා ගැන ලොක්කට ගතු කියලා ඇති. ඔයත් නිකම් ඉන්නේ නැතුව බලන්නකෝ මිනිහගේ කුණු ටිකක් ඇදලා ලොක්කගේ කනේ තියන්න.’’ 

‘‘ හරි, හරි. අපි බලමු කේස් එකක් ඇද ගන්නේ නැතුව මොනව හරි කරන්න. අනිද්දාට ලෙකම්තුමාත් එනවා. මම හො`ද දඩමස් ටිකක් හොයාගෙන තියාගෙන ඉන්නේ ගල්වලේ ඇඞ්වින්ට කියලා. ලේකම්තුමා දඩමසට කෑදරයා. බලන්නකෝ මම ලේකම්තුමාට ඌරු මස් දීලා බැලන්ස් කරන හැටි.’’ වීරසේන පැවසුවේ සංවාදය අවසන් කිරීමටය. 

මේ කෙටිකතාවක් අහන කාලයයි . අහල බලන්න ඔබ හරි ඔබ දන්න කෙනෙක් හරි මේ කතාවේ ඉන්නවද කියල ...

අද කතාව සීනි සම්බෝලය ..........

http://transyl2014.blogspot.com/2015/02/blog-post_27.html

කන්තෝරුවල කැපිලි කෙටිලි මැද්දේ රාජකාරි විදේශ සංචාරයකට ගිය කාර්මික නිලධාරියාගේ කතාව ......

සවනට රචනා කලේ  වෛද්‍ය රුවන් එම් ජයතුංග 

* සේයාරූ - අන්තර්ජාලයෙන් - Google Images


කැනඩාවෙන් වෙබ්ගත වන සවන අන්තර්ජාල ගුවන් විදුලියේ විකාශය වූවකි .


වෛද්‍ය රුවන් එම් ජයතුංග ගේ සම්පුර්ණ කතා එකතුව සදහා   Transylvania බ්ලොග් අඩවියට යන්න .

http://transyl2014.blogspot.com/






විශේෂ ස්තූතිය කැනඩාවේ සවන අන්තරජාල රේඩියෝවේ නියමු ප්‍රවීණ ගුවන් විදුලි මාධ්‍යවේදී වසන්ත ලංකාතිලකයන්ට

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

 

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.