ඔටාවා සිදුවීම හරහා මතුවන සංක්‍රමණික ශ්‍රී ලාංකික ශිෂ්‍ය අභියෝග

ශ්‍රී ලංකාවේ සමාජ මාධ්‍යය සහ ජනමාධ්‍යය විවිධ අර්ථකථන දෙමින් වාර්තා කල කැනඩාවේ ඔටාවා නගරයේ සිදුවූ සිදුවීම අප දකින්නේ පශ්චාත් කොවිඩ් සමයේ විදේශ අධ්‍යාපනය සදහා සංක්‍රමණය වූ ශ්‍රී ලාංකික ශිෂ්‍ය ප්‍රජාව තුල කැකෑරෙමින් තිබූ ගැටළු සහ පීඩනය නමැති ගිනිකන්දේ සිදූවූ එක් පිපුරුමක් ලෙසටයි. මහා බ්‍රිතාන්‍යයේ සියදිවි නසා ගැනීමක් ලෙසින් වාර්තා වූ සිසු මරණයත් එවන් තවත් එකක් වන්නට පුළුවන්. 

2024 සැප්තැම්බර් මාසයේ සිට ක්‍රියාත්මක වන නව ආගමන නීතිරීති  අනුව තම සහකරුවා කැටුව එන්නට ලැබෙන්නේ පශ්චාත් උපාධි සහ ආචාර්ය උපාධි සදහා ලියාපදිංචි වන අයට පමණයි. විදෙස් සිසුන් සදහා වන විශ්ව විද්‍යාල ගාස්තු ඇතුළු බොහෝ වියදම් වැඩිවන පසුබිමක ඉදිරියේදී  කැනඩාවේ අධ්‍යාපන කටයුතු සදහා පැමිණීමට බලාපොරොත්තු වන අය මහත් සූදානමකින් එන්නට ඕනෑ බව අපේ අදහසයි. නිසි නියාමනයක් හෝ පාලනයක් නැති විවිධ ඒජන්සි කරුවන් සහ යූ ටියුබ් මාධ්‍ය කරුවන් වපුරවන අසත්‍ය තොරතුරු වලට නොරැවටී සැබෑ තත්වයන් හරිහැටි වටහාගෙන ඒවාට සූදානමින් එන එක නුවණට හුරුයි.

https://ahasgawwenehalokaya.blogspot.com/2024/03/blog-post_10.html

මගේ කලින් ලිපියේ සදහන් කල අන්දමට සංක්‍රමණික ශ්‍රී ලාංකික ශිෂ්‍ය ශිෂ්‍යාවන්ට මුහුණ පාන්නට සිදුවන අභියෝග ගැන දැනුවත් කිරීමක් වෙනුවෙන් ඒ ගැන දැනුම ඇති විද්වතුන් තිදෙනෙක් එක්කර ගනිමින් රූපණ අන්තර්ජාල රූපවාහිනිය වෙනුවෙන් වැඩසටහනක් සූදානම් කලා.    

ශ්‍රී ලංකාවේ වගේම කැනඩාවේත් රාජ්‍ය සේවයේ ඉහල නිලධරයෙකුව සිට විශ්‍රාම ලැබුවත් මේ වනතුරුත් කැනඩාවේ මැක්මාස්ටර් සහ ටොරොන්ටෝ විශ්ව විද්‍යාල වල කථිකාචාර්යවරයෙකු ලෙස සේවය කරන සමාජ විද්‍යාඥ ආචාර්ය සරත් චන්ද්‍රසේකර මේ වැඩසටහන් අන්තර්ගතය නිර්මාණය කරමින් එය මෙහෙයවනු ලැබුවා.

ඉතා කෙටි කලකින් මේ පටිගත කිරීම් කෙරුණු බැවින් අපේ සම්පත් දායිකාවන් දෙදෙනාගේ සේවා ස්ථාන වල නම් පලකරන්නට අපට අවසර නැහැ . කැනඩාවේ පිලිගත් උසස් අධ්‍යාපන ආයතනයක ශිෂ්‍ය කටයුතු සම්බන්ධ උපදේශිකාවක් වන රන්මලී කුලේන්ද්‍රන් සහ කැනඩාවේ ප්‍රමුඛ පෞද්ගලික බැංකුවක නීති නිලධාරිනියක වන අංජනා බණ්ඩාර කලක් තිස්සේ කැනඩාවේ වෙසෙමින් ලත් අත්දැකීම් මේ වැඩසටහන තුලදී බෙදා ගත්තා. 

ඒ හින්ද ඔබ හෝ ඔබේ හිතවත් කවුරුන් හෝ ශිෂ්‍ය කාණ්ඩය යටතේ කැනඩාවට සංක්‍රමණය වන්නට අදහස් කරනවා නම් මේ වැඩසටහන ඔවුනට බොහෝ ප්‍රායෝගික තොරතුරු සපයාවි. කවුරු කොහොම කිව්වත් , තමන් කාලය සහ ශ්‍රමය යොදවා අවශ්‍ය තොරතුරු නිවැරදි මූලාශ්‍ර වලින් එකතුකරගෙන ගමන එන්න කියලයි අපි කියන්නෙ.  

cic.gc.ca 

වෙබ් අඩවියේ යාවත්කාලීන තොරතුරු ඔබට බොහෝ උදව් වේවි.   

https://rupane.com/2024/03/23/rupane-episode-392-march-23-2024/

2024 මාර්තු 23 වැනිදා රූපණ අන්තර්ජාල රූපවාහිනිය තුලින් වෙබ් ගත වුවකි

***************************************************************

 ඉදිරිපත් කිරීම  - ආචාර්ය සරත් චන්ද්‍රසේකර 

සමාජ විද්‍යාඥ,

කථිකාචාර්ය ටොරොන්ටෝ විශ්ව විද්‍යාලය සහ මැක්මාස්ටර් විශ්ව විද්‍යාලය  

සම්පත් දායකත්වය -

කැනඩාවේ ප්‍රමුඛ විද්‍යාලයක ජාත්‍යන්තර සිසුන් සදහා වූ සේවා සපයන උපදේශිකාව රන්මලී කුලේන්ද්‍රන් 

ප්‍රමුඛ කැනේඩියානු පෞද්ගලික බැංකුවක නීති නිලධාරිනී

නීතිඥ අංජනා බණ්ඩාර 

සංකල්පය සහ  නිෂ්පාදනය - අනුරුද්ධ වැලිගමගේ

අධ්‍යක්ෂණය - ගොයුම් එරංග 

විධායක නිෂ්පාදනය - වීරා ෆොන්සේකා

Zoom.. තාක්ෂණය ඔස්සේ කෙරුණු පටිගත කිරීමකි.

*********************************************

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය  කරාවි.