මිහින්තලා කඳු සිප එන සාදු නදින්
මහ කනදරා වැව පිරි සුදු ඕලු මලින්
අනුබුදු මිහිදු සමිදුන් දෙසු දහම්
වැලින්
පොසොන් සදේ රුවගුණ ඉතිරිලා ගිහින්
මිසදිටු දමින් පිරි සිරිලක ඉන් මුදවා
මනරම් කලාවන්ගෙන් පන්සල් පුරවා
අහස සිඹින සුවිසල් දාගැබ් කරවා
පොසොන් සදේ සිරි අසිරිය වැඩි කෙරුවා
සියවස් පුරා පැවතුණු ඒ ගති සිරිතින්
බොදු හදවත් පිරී ඉතිරිනි හද බැතියෙන්
අදටත් වෙනස් නැත සිරිලක පොසොන් සඳින්
පියමැන බලනු මැන රජරට සුවද මැදින්
අනුරුද්ධ වැලිගමගේ
සේයාරූ
අන්තර්ජාලයෙන් Google Images, සියළු හිමිකම් මුල් හිමිකරුවන් සතුයි
/අදටත් වෙනස් නැත සිරිලක පොසොන් සඳින්
ReplyDeleteපියමැන බලනු මැන රජරට සුවද මැදින්/
මේ කවි පේලි දෙක ඇතුලේ ආරාධනාවක් එක්ක වචනයෙන් නොකී දෑ ගොඩක් කියවිලා තියනවා කියලයි මට හිතෙන්නෙ. හරිම ලස්සන කවි පන්ති තුනක්.
තිළිණි මගේ බ්ලොග් එකට ගොඩ වැදුනට සහ අගය කීරීමට ස්තුතියි . කාලයක් රස්සාව හින්ද ගතකරපු රජරට කලාපයේ මගේ මතක ගොඩක් තියෙනවා . දුෂ්කරතා මැද්දේ දකින්නට පුළුවන් රජරට අසිරියට මම හරිම ආසයි .
Delete