හුරුළු වැවට පායන සඳ………….අනුරුද්ධ වැලිගමගේ....ගීත....ශ්‍රීලාල් අමරජීව ෆොන්සේකා,රෝහණ ධර්මකීර්ති ,

නිමිත්ත

අනුරාධපුර ප්‍රදේශයේ  රැකියාව කරන කාලයේදී ගලෙන්බිඳුනුවැව තිබුනේ මගේ සේවා ආවරණය වූ කලාපයේ . මහවැලි දියවරින් පෝෂණය වන හුරුළු වැව බලන්නට හරිම ලස්සන තැනක් .

හරි ලස්සනට හද පායලා තිබුණු රැයක ඒ වැව් ඉවුරේ මිතුරන් සමග ගත කරපු වෙලාවක වැවේ අනික් මායිමේ කැලෙන් මතුවුණු අලි රෑනක් අපිට පෙනුණා .සද රැස් වැටිලා වැව් දිය හරි ලස්සනට පෙනුණා . පස්සෙ ප්‍රදේශය ගැන මගේ තිබුණු අත්දැකීම් එක්ක වචන වලට කැටිවුනේ මෙහෙමයි .

හුරුළු වැවට පායන සඳ  සෙනෙහෙ වඩනවද 

තුන්පත් රෑනේ ඇතුන්ට සීපද කිව්වද

පුදින නාබර ගොයමට පෙම් කවි ලීව්වද

නුබේ සිතට හිත ඉල්ලන් නෑගම් එනවද

ශිල්ප සැදූ සිප්හල අප දෙදෙන එකලු කල

වියපත්වී දුක හිතිලා කඳුළු සලනවද

දෙදෙනා අද තිදෙනා වී පැතුම් මලින් බර

අප සිත් මල් පුබුදු කලේ හැංගි හොරා මද   

සිදාදියෙන් කරපින්නා පැමිණි නපුරු කල

ගම් දැලේ සොදුරු සිරිය වනසා දැම්මද

කලින් කලට වෙනස් නොවන අල්ප අඳුරු මල

නුබේ සිතට මුවා නොවන් අනේ කිසිම කල

අනුරුද්ධ වැලිගමගේ

ගීත ගායනය - ශ්‍රීලාල් අමරජීව ෆොන්සේකා 

සංගීතය - රෝහණ ධර්මකීර්ති 

ආචාර්ය ජගත් රූපසිංහ ගේ අදහස් එක්ක ගීතය අහන්න 

http://rupane.com/vimeo-video/rupane-episode-97-july-14-2018/

time code    34.10  -37.22

https://vimeo.com/279979305?fbclid=IwAR0O2wm_JHokj2qYCCMzpoU0EEJwz--dJbfag0v_2fYUoXUmz39tP15fbv4#t=14m00s