කොත මුදුනින් පායන සද .........කවි.....අනුරුද්ධ වැලිගමගේ.....

 

කොත මුදුනින් පායන සද

වෙසක් දාට හරි එළියයි

පන්සල බිම සුදු වැලි මත

රටා මවා සිත පිනවයි

කොඩිවැල් ලෙලදී සුළගට

සුමිහිරි ගීතයක් මවයි

සුදෝ සුදට සාදු නදට

අත්වැල් ගී ගයනු වැනියි

සිල්වත් වූ පුංචි කැකුළු

මුතුකැට ඇමිණුවා වගෙයි

මල් පෙරහැර සාදු නදින්

වෙසක් සදට පින් පුරවයි

පාට වැටුණු වෙසක් තොරණ

ජාතක පොත් පිටු කියවයි

සම්බුදු සිරිතේ රුවගුණ

ගුණ දහමින් බවුන් වඩයි

අනුරුද්ධ වැලිගමගේ

අන්තර්ජාලයෙන් 
 Google Images,  සියළු හිමිකම් මුල් හිමිකරුවන් සතුයි.

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම මගේ කණගාටුව