මව් බිමෙන් බැහැරව ශීත හිමරටක වෙසෙන ශ්‍රී ලාංකිකයෙකුගේ මතක මංපෙත ........

Friday, September 25, 2020

සෙල්ලම් ගෙයි වැලි පොල්කටු ........අනුරුද්ධ වැලිගමගේ.....රුපවාහිනී ළමා ගීත......

 


සෙල්ලම් ගෙයි වැලි පොල්කටු

කොස් කොළයෙන් තැනු කොළගොටු

වීසිකරලා ගෙදර එන්න

පුංචි නංගියේ ........

පුංචි නංගියේ .....

 

පොල්පිති කපලා හදාපු

රූන් රූන් රූන් පෙත්ත

දාල හනික ගෙදර එන්න

පුංචි මල්ලියේ ....

පුංචි මල්ලියේ .....

 

පහල ළිදෙන් දිය ගේන්න

වේලුණු දර ගෙයට ගන්න

අම්මා විතරයි කුස්සියේ

නංගි ගිහින් උදව් වෙන්න

නංගි ගිහින් උදව් වෙන්න.....

 

එළවළු කොරටුව පැත්තේ

තාත්ත විතරයි ඇත්තේ

පාත්තියට වතුර ගන්න

මල්ලි ටිකක් උදව් වෙන්න

මල්ලි ටිකක් උදව් වෙන්න

 

සෙල්ලම් ගෙයි වැලි පොල්කටු .......

 

කන්ද අස්සෙ ඉර හැංගි

කළුවර ගෙට ගොඩවෙනවා

රෑ වෙන්නට කලින් නංගි

බුදු පානට තෙල්දාන්න //

 

ඉස්කෝලේ පොතපත වැඩ

අමතක කර අතපහු කර

සෙල්ලම විතරක් හොද නැහැ

ගිහින් පොතක් අතට ගන්න //

 

සෙල්ලම් ගෙයි වැලි පොල්කටු .......

 

අනුරුද්ධ වැලිගමගේ


 

1993 ජුලි 23 දින ජාතික රූපවාහිනියේ උදාර වැඩසටහනින් විකාශය විය

මේ ගීත ගායනා කල හෝ සංගීත නිර්මාණ  කල ශිල්පීන් හෝ දෘශ්‍ය පිටපත් ඇතොත් අමතන්න. 


සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

 

මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ් අකුරු සොයාගැනීමට අපහසු වීම ගැන මගේ කණගාටුව. 

 

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.

2 comments: