මව් බිමෙන් බැහැරව ශීත හිමරටක වෙසෙන ශ්‍රී ලාංකිකයෙකුගේ මතක මංපෙත ........

Saturday, June 9, 2018

ලංකාවේ ශත දහයත්, බෞද්ධාලෝක මාවතේ, නාම පුවරුවත් සොයා ඔටාවා නුවරට .......කැනේඩියානු සංචාරයක මතකය




අපේ ලිපි පෙල කියවා ගිම්හානයේදී කැනඩාවේ එඩ්වඩ් කුමාර දිවයින , නෝවා ස්කොෂියා සහ නිව් බ්රුන්ස්විච්ක් පළාත් වල අසිරිය විදගත් අයත් , ඇමෙරිකාවේ ඩිස්නි ලෝකය , නාසා ආයතනය සහ බොස්ටන් , නිව් යෝර්ක් , වොෂින්ටන් නගර සංචාර වල යෙදුනු අයත් විද්‍යුත් තැපෑල මගින් අපට ස්තුතිය පල කර තිබුණා . ඒ  හැමටම අපේ ප්‍රණාමය හිමිවෙනවා . ඔබට මග හැරුණු ලිපි අපේ පරණ කලාප වලින් කියවන්න පුළුවන් .
ලංකාවෙන් බොහෝ දුර ගෙවා කැනඩාවේ පදිංචියට පැමිණි අපට මලක හැඩයේ ලංකාවේ ශත 10 කාසියක් සහ බෞද්ධාලෝක මාවතේ සිංහල , දමිල, ඉංග්රීසි භාෂා තුනෙන් ලියැවුණු නාම පුවරුවත් ඔටාවා නගරයේදී දකින්නට හැකිනම් ඔබ පුදුමයට පත්වෙනවා නිසැකයි . සංචාරයක මතකය කියවන බොහෝ දෙනාගේ ඉල්ලීම මත ඔබව ඔටාවා නගරයට කැදවා ගෙන යන්නේ නිසයි .

Best ways to experience the Rideau Canal in Ottawa - Ottawa Tourism

ඇමෙරිකානු ආක්රමණ වලින් එදා යෝර්ක් නමින් හැදින්වූ වත්මන් ටොරොන්ටෝ නගරය විනාශ වූ පසුව වික්ටෝරියා රැජින තීරණය කලේ ටොරොන්ටෝ සහ මොන්ට්රියල් නගර අතරමැද පිහිටි ඔටාවා නගරය කැනඩාවේ අගනුවර ලෙස නිර්මාණය කිරීමටයි . කිලෝමීටර 202 ක් දිග රිඩව් (Rideau) ඇල සකස් කරමින් ඔන්ටාරියෝ විල සහ ශාන්ත ලෝරන්ස් ගග සමග ඔටාවා නුවර සම්බන්ධ කලේ වඩාත් ආරක්ෂිත පාලන ස්ථානයක් ලෙසයි .

Best ways to experience glorious tulips in Ottawa - Ottawa Tourism

ටොරොන්ටෝවේ සිට පැය 5 පමණ රථ ධාවනයකින් ළගා විය හැකි ඔටාවා නගරය දිනක , දින 2 සංචාරයකට හෝ මොන්ට්රියල් , කුවිබෙක් , මොන්ට්රේ බ්ලොන්ග් වැනි නගර වලට කරන සංචාරයන් හිදී අතරමග මං සලකුණක් ලෙස සංචාරය කරන්නත් පුළුවන් . ගිම්හාන කාලයට විශ්ව විද්යාල වසා තැබෙන නිසා නවාතැන් සදහා ඒවායේ නේවාසිකාගාර ඒකක පහසු මුදලකට වෙන්කර ගන්නත් පුළුවන් .

How Canadians Govern Themselves - Inside View


කැනේඩියානු පාර්ලිමේන්තුව ( Parliament of Canada)

How Canadians Govern Themselves - Inside View


ඔටාවා නගරයේ ඇති ප්රමුඛතම තැනක් ලෙස කැනඩාවේ ෆෙඩරල් පාර්ලිමේන්තු ගොඩනැගිලි සංකීර්ණය හඳුන්වා දෙන්නට පුළුවන් . ඔටාවා නදිය අසබඩ පිහිටි මනරම් බිම් කඩක ඇති පරිශ්රය ගිමන් හරින්නට කදිම තැනක් . කලින් වෙන්කරවා ගත හැකි උපදේශාත්මක සංචාරයක් ( Guided Tours ) තුලින් පාර්ලිමේන්තු මන්ත්රීවරුන් , සෙනෙට් සභිකයන් රැස්වන ශාලා , පෞරාණික පුස්තකාලය මෙන්ම දර්ශනීය ආලින්දය න් ගැන විස්තර රැසක් දැනගන්නට පුළුවන් . පාසැල් , විශ්ව විද්යාල අධ්යාපනයේ යෙදෙන දූ දරුවන්ට එතුලින් ගත හැකි දැනුම අති විශාලයි . පාර්ලිමේන්තු සංකීර්ණය ඇති බිම් කඩෙහි විවිධ ප්රතිමා රැසක් පිහිටුවා තිබෙනවා . අතුරින් කාන්තා අයිතීන් වෙනුවෙන් හඩ නැගූ කාන්තාවන් පස් දෙනෙකු සිහිකරමින් තැනුණු  Famous five විශේෂයි .




කැනඩා දිනය වෙනුවෙන් මෙන්ම ටියුලිප් උළෙල වෙනුවෙන් විශේෂ සැමරුම් මේ පරිශ්රයේ පැවැත්වෙන බැවින් ඔබේ ගමනට පෙර අන්තර්ජාලයෙන් විමසා ගමන් කිරීම කාල කළමනාකරණයට මහත් රුකුලක් වේවි .

Top 10 Things to Do in Ottawa with Kids - TravelMamas.com

රෝයල් මින්ට් කාසි නිෂ්පාදනාගාරය ( Royal Mint Coin Factory)

A Valuation of the Royal Canadian Mint | Frontier Centre For ...


කැනඩාව පමණක් නොවෙයි ශ්රී ලංකාවද ඇතුළුව ලෝකයේ බොහෝ රටවලට කාසි නිපදවන ආයතනයක් ලෙස  ( Royal Mint) දිනාගෙන ඇත්තේ ඉමහත් කීර්තියක්. මලක හැඩයේ ලංකාවේ පැරණි ශත 10 ඇතුළු බොහෝ කාසි මේ පරිශ්රයේදී ඔබට දැක ගන්නට පුළුවන් . ලෝහ තහඩුවේ සිට පාටින් පාට දර්ශනීය කාසි නිෂ්පාදනය වන අයුරු පියවරෙන් පියවරට දකින්නට මෙය අපූරු තැනක් . ආදරයට සමහරුන්ට රත්තරන් කියමින් සිටින කාහට වුවද අති විශාල රන් කුට්ටියක් දෙඅතින් ඔසවා සේයාරුවක් ගන්නටත් මෙහිදී පුළුවන් . තරමක් මිල අධික වුවත් , පුරුද්දට කාසි එකතු කරන්නෙකු නොවුණත් මෙහි ඇති අලෙවි හලෙන් ඔබ සමරු කාසි සිහිවටනයක් ගන්නවාට කිසිදු සැකයක් නැහැ .

Few Old & Rare Sri lankan Coins | Old Sri lanka Coins - YouTube



ඔන්ටාරියෝ සහ කුබෙක් පළාත් දෙකේම මායිම් වල විසිරී තිබෙන කැනඩාවේ ප්රධාන පරිපාලන මධ්යස්ථානය වන ඔටාවා නගරය තුල කැනඩා මහ බැංකුව ඇතුළු රාජ් ආයතන රැසක ප්රධාන කාර්යාල පිහිටා තිබෙනවා . ඊට අමතරව සංචාරකයෙකු ලෙසින් ඔබට වැදගත් වන කැනඩාවේ ජාතික කෞතුකාගාර රැසක් පිහිටා තිබෙනවා . ඔබේ රුචි අරුචිකම් අනුව , ඇති වෙලාව අනුව තෝරාගත් කිහිපයක් ඔබට බලන්නත් පුළුවන් . නගර සංචාරක බස් රථයක , දිය ගොඩ දෙකෙහිම යන උභය බස් රථයක රවුමක් යන්නත් ඔබට පුළුවන් .
බෞධාලෝක මාවත ගැන සදහන් කල නිසාත් , ඉඩකඩ පිළිබද සීමාවන් නිසාත් ඔටාවා නදියේ පාර්ලිමේන්තුවට හරියටම අනිත් පැත්තේ තිබෙන කැනඩාවේ ඉතිහාස කෞතුකාගාරය වෙත ඔබ කැදවා ගෙන යන්නම් .

William James Roué Collection Finds Perpetual Home at Canadian ...


කැනේඩියානු ඉතිහාස කෞතුකාගාරය ( Canadian Museum of History)

File:Canadian museum of civilization 03.jpg - Wikimedia Commons

මෙය පිහිටා ඇත්තේ ඔටාවා නගරයේ කුවිබෙක් පළාතේ ඇති කොටසේයි . එම ප්රදේශය හැදින්වෙන්නේ ගැටිනව් (Gatineau ) නමින් . 1859 තමයි වර්තමානයේ අප දකින මේ කෞතුකාගාරයේ ආරම්භය සිදුව තිබෙන්නේ . අද අපි දකින අමුතු හැඩයේ ගොඩනැගිල්ල නිර්මාණය කලේ කීර්තිමත් ගෘහ නිර්මාණ ශිල්පී ඩග්ලස් කාඩිනල් විසින් 1989 දී .

The Capital Builders: Douglas Cardinal's museum 'for all cultures ...

මේ කෞතුකාගාරයේ ප්රධාන අංශ 3ක් තිබෙනවා . වැන්කුවර් සහ වික්ටෝරියා නගර වලදී හමුවන සුවිශාල ලී කණු (Totem Poles) පිරි සුවිශාල ශාලාව හැදින්වෙන්නේ  Grand Hall නමින් . ආදිවාසීන්ගේ ජීවන රටාව පිළිබද කදිම චිත්රයක් මවන්නට මෙහි ඇති ප්රදර්ශන භාණ්ඩ සමත්කැනඩා ඉතිහාසය දැක්වෙන ශාලාව දූ දරුවන්ගේ දැනුම නැංවීමට රුකුලක් සේම නිමාව සුන්දරයි .ටෙරී ෆොක්ස් ( Terry Fox) ගේ  Marathon of Hope කුටියේ ඔහුගේ සහයට ගිය රථය පවා තිබෙනවා .අධිෂ් ටානය ගිය දුරක් ගැන ඉන් හැගවෙන අදහස ඉතා වටිනවා .


කුඩා ළමුන් සදහා ක්රියාකාරකම් රැසක් ඇති මේ පරිශ්රයේ ලෝකයේ විවිධ රටවල සංචාරය කරමින් තම ගමන් බලපත්රයේ මුද්රා තබා ගැනීම සදහා ලෝකයේ විවිධ රටවල දක්නට ලැබෙන දෑ මෙහි එක් රැස් කොට තිබෙනවා . අපේ බෞද්ධාලෝක මාවත පුවරුව හමුවන්නේ එසේ ආසියාවේ සංචාරය කරන විටයි .
සුවිශේෂී සිනමා දර්ශන රැගත් IMAX සිනමා හලක් මෙහි තිබෙනවා .

Canadian History Hall | Canadian Museum of History


ඔටාවා නගරයේදී දැකිය හැකි තවත් තැන් .....

·         රිඩව් ඇල (Rideau Canal)
Tripadvisor | Rideau Canal Cruise provided by Paul's Boat Lines ...



·         ලෞරියර් නිවහන (Laurier House)

Laurier House National Historic Site (Ottawa) - All You Need to ...

·         කැනේඩියානු ස්වභාව කෞතුකාගාරය ( Canadian Museum of Nature )

Canadian Museum of Nature - Attractions Ontario


·         කැනේඩියානු යුධ කෞතුකාගාරය ( Canadian War Museum )

Canadian War Museum | The Canadian Encyclopedia


·         ජාතික කලා මධ්යස්ථානය ( National Art Centre )

L'Iliade - Ottawa Tourism

·         ජාතික යුධ ස්මාරකය ( National War Memorial )

File:National War Memorial, Elgin St, Ottawa (491641) (9450170594 ...



ඔබේ ඉල්ලීම් සහ තොරතුරු සදහා අළුත් විද්යුත් ලිපිනයක් පටන් ගත්තා . dasatha.sancharayakamathakaya@gmail.com විස්තර සදහා ලියන්න . ඉඩ ලැබෙන පරිදි පිළිතුරු ලියන්නම් .

විස්තර 
අනුරුද්ධ වැලිගමගේ


 සේයාරූ - හෙසදී වැලිගමගේ  සහ


 
අන්තර්ජාලයෙන්  Google Images,  සියළු හිමිකම් මුල් හිමිකරුවන් සතුයි

Amphibus Lady Dive - Ottawa Tourism



කැනඩාවේ මාසිකව පලවන දසත පුවත්පතේ 2017 ඔක්තෝබර් කලාපයේ පලවිය .


විශේෂ ස්තුතිය දසත සංස්කාරිකා චමරි අබේසිංහ මහත්මියට 

http://dasatha.com/

Image result for dasatha

2 comments:

  1. සිත් ගන්නා සුළු විස්තරයක්. මම මගේ බ්ලොග් අඩවියේ දමා ගත්තා මෙයත්.

    ReplyDelete
  2. බොහොම ස්තුතියි අජිත් . ඔබ දෙන සහයෝගයට .....

    ReplyDelete