මිහින්තලා කඳු සිප එන සාදු නදින්
මහ කනදරා වැව පිරි සුදු ඕලු මලින්
අනුබුදු මිහිදු සමිදුන් දෙසු දහම්
වැලින්
පොසොන් සදේ රුවගුණ ඉතිරිලා ගිහින්
මිසදිටු දමින් පිරි සිරිලක ඉන් මුදවා
මනරම් කලාවන්ගෙන් පන්සල් පුරවා
අහස සිඹින සුවිසල් දාගැබ් කරවා
පොසොන් සදේ සිරි අසිරිය වැඩි කෙරුවා
සියවස් පුරා පැවතුණු ඒ ගති සිරිතින්
බොදු හදවත් පිරී ඉතිරිනි හද බැතියෙන්
අදටත් වෙනස් නැත සිරිලක පොසොන් සඳින්
පියමැන බලනු මැන රජරට සුවද මැදින්
අනුරුද්ධ වැලිගමගේ
.jpg)
2022 ජුනි මස ලන්ඩන් කවි කලාපයේ පලවිය.
.jpg)
විශේෂ ස්තූතිය- ලන්ඩන් කවිය සංස්කාරක අනුර හෑගොඩ මහතාට
සේයාරූ - අන්තර්ජාලයෙන් Google Images
සියළු හිමිකම් මුල් හිමිකරුවන් සතුයි.
මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.
No comments:
Post a Comment