මව් බිමෙන් බැහැරව ශීත හිමරටක වෙසෙන ශ්‍රී ලාංකිකයෙකුගේ මතක මංපෙත ........

Sunday, July 29, 2018

සමරවීර මුදලිගේ දොන් ප්‍රේමකීර්ති ද අල්විස් .....රූපවාහිනි අත්දැකීම ....නොමැකෙන ගී රස


Image result for premakeerthi de alwis

ජුලි  31 වැනිදාට යෙදෙන ප්‍රේමකීර්ති අනුස්මරණය වෙනුවෙන් ඔහුගේ පාසැල් සගයෙක්  විසින් ගීත නිර්මාණ පිළිබදව විමසා බැලෙන වැඩසටහනක්

කැනඩාවේ රූපණ අන්තර්ජාල රූපවාහිනියේ වෙබ් ගත අපුර්ව අත්දැකීම


1947 ජුනි මස 3 වැනි දින කොළබ දී උපත ලබන සමරවීර මුදලිගේ දොන් ප්රේම කීර්ති අල්විස් ගුවන් විදුලියේ ළමා පිටියට එන්නේ සින්දු කියන්නටයි. කරුණාරත්න අබේසේකරයන්ගේ මග පෙන්වීම මත මුද්දරය ගැන ලියැවුණු සටහනක් කියවමින් නිවේදන කලාවට එක්වන ඔහු ගුවන් විදුලි සහ රුපවාහිනී මාධ් තුල සැබෑ වෙනසක් කල ජනප්රිය සන්නිවේදකයෙකු ලෙස ප්රකටය.

විශාල ගායක ගායිකාවන් පිරිසකට බොහෝවිට සැණකින් ගීත ලියු මේ සොදුරු කලාකරුවා කුහක මිනිසුන්ගේ පලිගැනීම් වලට ලක්ව ගුවන් විදුලියේ විවිධ සේවා ස්ථාන වලට මාරුවීම් ලබයි. ජීවිතයේ දහසකුත් එකක් දුක්ගැහැට විදි ඔහු හැමවාරයකම ලද අත්දැකීම් කුන්ඩුමනි , බානෙන් බැද වැනි ගීත හරහා ආපසු ගුණමකු සමාජය වෙත දායාද කර තිබේ.

සමන් අතාවුදහෙට්ටි ප්රේමකීර්ති අනුස්මරණ දේශනයකදී සදහන් කල පරිද්දෙන් මිතුරන් සහ සේවා සගයන් කිසිදා පොතක් පත්තරයක් කියවනවා නොදුටු ප්රේමකීර්ති තම නිර්මාණ තුලට විශ්වය හකුළුවා  දැක්වූ ආකාරය අපුරුයි. රුපවාහිනිය තම රුපය තහනම් කල සමයක ඇස් දෙක පමණක් පෙන්වමින් අඳුන වැඩසටහන හරහා සමාජ ප්රශ්න විමර්ශනය කල අපුර්වත්වය වැඩිහිටි ඔබට අදත් සිහිවෙනවා නිසැකයි.

දොස්තර හොදහිත කාටුන් මාලාවට , චිත්රපටවලට ලියු ගීත වලට අමතරව ඔහු පුවත් පත් කලා වේදියෙකු , චිත් ශිල්පියෙකු සහ  නොසැලෙන ඉන්ද්රකීලය නම් කවි පොතපල කරමින් කවියෙකු ලෙස දැක්වූ දස්කම් අති විශිෂ්ටයි. තවත් දහසකුත් දෑ ලොවට සගවමින් 1989 ජුලි  මස 31 වැනි දා නාදුනන තුවක්කුකරුවෙකුගේ වෙඩි පහරට ලක්ව අකාලයේ අප අතරින් වෙන්ව යන්නේ ඔහුගේම කවියක සදහන් පරිද්දෙන්


http://rupane.com/vimeo-video/rupane-episode-47-july-29-2017/


විධායක නිෂ්පාදනය සහ සංස්කරණය - වීරා ෆොන්සේකා



අධ්‍යක්ෂණය - දිනේෂ් පීරිස්



සංකල්පය සහ පිටපත - අනුරුද්ධ වැලිගමගේ


වැඩසටහන ඉදිරිපත් කිරීම - අනුෂ්කා ගම්මුදලි


සම්පත් දායකයා  - ආචාර්ය සරත් චන්ද්‍රසේකර


සංගීත අධ්‍යක්ෂණය - සුනිල් ජයසිරි


ගීත ගායනය - වරුණි මාරසිංහ

http://rupane.ca/

Image result for rupane




Saturday, July 28, 2018

ඩයිනෝසරයන් අතරින් ලංකාවේ මැණික් බලන්නට ගියෙමු ...ටොරෝන්ටෝවට නුදුරේ ඇති තැන් කිහිපයක මතකය .....



Image result for royal ontario museum


 රාජකීය ඔන්ටාරියෝ කෞතුකාගාරය ( ROM- Royal Ontario Museum)

අතීතයේදී විසු බව සදහන් සුවිසල් ඩයිනෝසරයන් ගැන කථා කෙරෙන තැන් බොහොමයි . අයිස් යුගයේදී සිටි සුවිසල් සත්වයින්ගේ අනුරූ මෙන්ම ඩයිනොසර ඇටකටු මගින් ප්රතිනිර්මාණය කල සුවිසල් සතුන් ටොරෝන්ටෝවේදී බලන්නට හැකිවන්නේ රාජකීය ඔන්ටාරියෝ කෞතුකාගාරයේදී . අළුත් ප්රවණතාවයන්ට අනුව වර්තමාන කෞතුකාගාර හුදෙක් ප්රදර්ශණ මධ්යස්ථාන පමණක් නොවෙයි . ඒවා විවිධ වයස් මට්ටම් වල අයට ඇල්මක් ඇතිකෙරෙන බහුකාර්ය අධ්යාපන මධ්යස්ථාන වෙනවා .   අතින් බලන කල ROM දවසක් පාළු නැතුව ගතකරන්නට පුළුවන් තැනක්.





අප මෙහිදී සදහන් කලයුතු විශේෂ දෙයක් තමයි ඔබ කැනඩාවේ පුරවැසියෙකු වූ විස විගසම ලැබෙන Cultural Pass එක. එමගින් කැනඩාව පුරා ඇති බොහෝ තැන් නොමිලයේ පවුලටම බලා ගන්නට පුළුවන්
ලෝක සිතියමේ තිතක් වැනි කුඩා රටක් වුණත් ROM හිදී ශ්රී ලාංකික මැණික් වලට ලැබී තිබුනේ සුවිසල් තැනක්.



ඊජිප්තු, මිසර, චීන ශිෂ්ටාචාර වල පටන් අප්රිකානු, ආසියානු, යුරෝපා  රටවල විවිධ සංස්කෘතීන් ගැන කෙරෙන ඉතිහාස ප්රදර්ශන කුටි, කුඩා දරුවන්ට පාඩම් කියාදෙන විවිධ වැඩසටහන් මෙන්ම ජිව වෙනස්කම් නිරුපණය කෙරෙන කුටි බොහොමයක් ROM හි තිබෙනවා




බාටා සපත්තු කෞතුකාගාරය ( Bata  Shoe Museum)



කාන්තාවන් තරම් පාවහන් වලට පිරිමි අපි වියදම් කරන්නේ නැහැ . බලනකොට කකුලකුත් සෑහෙන්න වටිනවා . සපත්තු කර්මාන්තයේ ඉතිහාසය , සපත්තුවල  විවිධත්වය විදහා දැක්වෙන කුඩා නමුත් සුවිශේෂ තැනක් ලෙස මෙය හදුන්වා දෙන්න පුළුවන් . මෙය පිහිටා තිබෙන්නේ ROM සහ St.George Subway station.අසලමයි .
1940 පටන් බාටා සමුහ ව්යාපාරයේ නිර්මාතෘ තෝමස් බාටා මහතාගේ බිරිය සොන්ජා බාටා විසින් එකතු කල එකතුවක් රය්මොන්න්ඩ් මුරියමා විසින් කල සැලැස්මකට අනුව ඉදිකෙරුණු ඇගේ නිවසේ ස්වර්ණාභරණ ප්රදර්ශනාගාරය තුල තැන්පත් කිරීමෙන් මෙය ආරම්භ වී තිබෙනවා





කාසලොමා මන්දිරය( Casaloma)

Image result for casaloma in toronto


දර්ශනීය මේ  මහ මැදුර බොහෝ දෙනා හඳුන්වන්නේ මනරම් විවාහ මංගල්‍ය පසුතලයක් ලෙසයි . වර්ග අඩි 64,700 ක් සුවිසල් මේ මන්දිරය එදා ටොරොන්ටෝවේ බ්‍රිතාන්‍ය රාජකීයන්ට පක්ෂපාත රදලවරුන්ගේ ජීවිතය පිළිබද සුවිසල් කතාවක් කියනවා . එහි ඉතිහාසය පිළිබදව කියැවෙන වාර්තා චිත්රපටය චාරිකාවේ මුලින්ම බැලීම එය අවබෝධ කරගැනීමට අත්වැලක් වෙනවා . පළමු ලෝක යුධ සමයේ සිදුවූ ආර්ථික අවපාතය සහ බිරියගේ වියෝව හමුවේ සම්පුර්ණයේම නිමා කරන්නට නොහැකි වූ ආදර මන්දිරය අවසානයේදී බදු මුදල් නොගෙවීම නිසා ටොරොන්ටෝ නගර සභාව විසින් පවරා ගත් දේපලක් බවට පත්වුණා . මේ සත් මහල් ප්‍රාසාදය පමණක් නොව ගෙවත්ත , ගරාජය , අශ්ව ඉස්තාලය සියවසකට පසු අදත් මැනවින් දකින්නට ලැබෙනවා .

Image result for casaloma in toronto
1911-1914 කාලයේදී ව්යාපාරික ශ්රීමත් හෙන්රි මිල් පැලට් මහතා වෙනුවෙන් මේ මන්දිරය සැලසුම් කලේ ගෘහ නිර්මාණ ශිල්පී ජේ ලෙනොක්ස් විසින්. එකල මේ ඉදිකිරීම වෙනුවෙන් ඩොලර් මිලියන 3.5 ක් වියදම් කර තිබෙනවා. ලංකාවේ කළුතර රිච්මන්ඩ් කාසල් මන්දිරය සිහියට නංවන මෙය ඉදිකර තිබෙන්නේ නගරයේ උස් දර්ශනීය ස්ථානයකයි .

Image result for henry mill palletImage result for e j lennox architect


බොහෝ චිත්රපට සදහා පසුතලයක් ලෙස යොදාගත් මේ සුවිසල් මන්දිරය පැලට් ආර්යාව විසින් Girl Guides සංවිධානයේ උත්සව සදහාද භාවිත කර තිබෙනවා .








Black Creek පැරණි ගම්මානය ( Black Creek Pioneer Village) 

Image result for black creek pioneer village

 1970 දශකයේ තිරගත වූ ඔබ ආදරයෙන් බැලු Little house on the prairie ඔබට තාමත් මතක ඇති . නගරයේ කාර්ය බහුලත්වයෙන් මිදී 19 වන සියවසේ ගමක් බලන්නට අවශ් නම් සදහා කදිම තැනක් ටොරෝන්ටෝවට අත ලගින් පිහිටා තිබෙනවා . 1960 දී පිහිටුවන ලද මෙය පිහිටා ඇත්තේ යෝර්ක් සරසවියට නුදුරින් . මෙය ප්රතිනිර්මාණය කිරීමේ ගෞරවය හිමි වන්නේ නේපියර් සිම්ප්සන් හටයි . කම්මලක් , පල්ලියක් , නගර ශාලාවක් , මුද්රණාලයක් , ඇදුම් වියන තැනක් , හෝටලයක් , තිරිගු මෝලක් , දිස්පන්සරියක් , ඉස්ටෝරු කඩයක් සහිත මේ ගමේ ගිම්හාන කාලයේදී එකල ඇදුම් පැළදුම් වලින් සැරසුණු ශිල්පීන් ක්රියාකාරකම් ඔබට පෙන්වන්නට බලා සිටිනවා . දරුවන්ට සහ විශ්ව විද්යාල අධ්යනවේදීන්ට මෙය කදිම සම්පතක් .





ඔන්ටාරියෝ විද්යා මධ්යස්ථානය ( Ontario Science Centre)

Image result for ontario science centre

ගෘහ නිර්මාණ ශිල්පී රේමන්ඩ් මුරියාමා ගේ සැලසුමකට අනුව මෙය නිමැවුණේ කැනඩාවේ සියවස් සංවත්සරය වෙනුවෙන් .





පරිසරය , විද්යාව හා තාක්ෂණය වෙනුවෙන් පර්යේෂණ සහ දැනුම බෙදාහරින මහගු සම්පතක් වන මෙය බොහෝ දෙනා අතර ජනප්රිය තැනක් .කුඩා දරුවන්ගේ පටන් විශ්ව විද්යාල ශිෂ්යයන් දක්වා බාල මහළු හැමට බොහෝ ක්රියාකාරකම් වල නිරත විය හැකි තැනක්.
මෙහි ඇති IMAX dome සිනමා ශාලාවේදී ඔබට අත්දකින්නට හැකි දුලබ චිත්රපට මට සිහිපත් කලේ NASA ආයතනයේ ඇති එවැනිම සිනමා හලයි .




ඔබේ ඉල්ලීම් සහ තොරතුරු සදහා අළුත් විද්‍යුත් ලිපිනයක් පටන් ගත්තා . dasatha.sancharayakamathakaya@gmail.com විස්තර සදහා ලියන්න . ඉඩ ලැබෙන පරිදි පිළිතුරු ලියන්නම් .


සටහන අනුරුද්ධ වැලිගමගේ

සේයාරූ -  හෙසදී වැලිගමගේ  සහ * අන්තර්ජාලයෙන්


කැනඩාවේ මාසිකව පලවන දසත පුවත්පතේ 2017 නොවැම්බර්  කලාපයේ පලවිය .


විශේෂ ස්තුතිය දසත සංස්කාරිකා චමරි අබේසිංහ මහත්මියට


http://dasatha.com/


Image result for royal ontario museum