"නිදහස් ප්‍රේමය" සොයා ගිය 70 දශකයේ වෙනස් චිත්‍රපට පෙලක්

1970 ගණන්වල චිත්‍රපටවල වැඩි නිරුවතක් දක්නට ලැබුණේ දැඩි චිත්‍රාගාර වාරණය අවසන් වීම, අශෝභන යථාර්ථවාදී ව්‍යාපාරයක් හොලිවුඩය අත්පත් කර ගැනීම සහ වෙනස් වන සංස්කෘතික ආකල්ප "නිදහස් ප්‍රේමය" යුගය වැළඳ ගැනීම නිසාය. කළු සුදු පැහැයෙන් වර්ණයට සිනමාව තාක්ෂණයෙන් දියුණු වෙද්දී හිපි සංස්කෘතිය සහ නිදහස සොයා තාරුණ්‍යය ගමන් කරද්දී ජනගහණය පාලනය වීමෙන් පවුල් ඒකක කුඩා වන්නටත් , විවාහ සංස්කෘති දෙදරන්නටත් පටන් ගත්තේ ලිංගිකත්වය වාණිජ කරණය වෙමිනි. අන්තර්ජාලය පැහැදිලි අන්තර්ගතයන් සොයා ගැනීම පහසු කිරීමට පෙර වැඩිහිටි රසාස්වාදනය උද්දීපනය කර තිබෙන්නේ බහුතර කාන්තා නිරුවත දැක්වූ කාම සගරා සහ නිරුවත් දර්ශන රැගත් චිත්‍රපට රැල්ලකි. වීඩියෝ පට , සීඩී පට සංසරණය කරා තාක්ෂණය මාරු වන්නට පෙර  ප්‍රධාන ධාරාවේ චිත්‍රපට වැඩිහිටි ජනකායක් ඇද ගැනීමට සම පෙන්වන රූප වැඩි වැඩියෙන් භාවිතා කළේය.

Griechische Feigen - 1977  - The Fruit Is Ripe

පැට්‍රීෂියා ග්‍රීසියේ ධනවත් පවුලකින් පැවත එන, විද්‍යාලීය අධ්‍යාපනය සඳහා මියුනිච් නුවර බලා යාමට නියමිතව සිටි තරුණියක් . ගුවන් තොටුපළේදී ඇය තම ගමන් බලපත්‍රය අත්හැර දමා, ඒ වෙනුවට මෝටර් රථ සහ බෝට්ටු මගින් ග්‍රීසිය පුරා සංචාරය කරමින් තමාවම හඳුනා ගැනීමේ ගමනක් ආරම්භ කරනවා . මෙම සංචාර අතරතුර ඇය උත්සාහ කරන්නේ පිරිමින්ගේ ආකර්ෂණයට ලක්වන තැනැත්තියක් බවට පත්වන්නටයි . ඇයව විවාහ කර ගැනීමට හෝ ඇය හා සම්බන්ධ වීමට උත්සාහ කරන පිරිමින් කිහිප දෙනෙකුම සිටියද, ඒජියන් මුහුදේ ඇය සමඟ සංචාරය කරන නාවිකයෙකු වන ටොම් සමඟ පෙමින් බැඳෙන තුරු ඇය ඔවුන් සියල්ලන්ම ප්‍රතික්ෂේප කරනවා. ආරවුලක් හේතුවෙන් ටොම් ඇයව හැර ගියද, අවසානයේදී ඔහු නැවත ඇය වෙත එනවා.  

වැඩි විස්තර සඳහා විකිපීඩියා දිගුව 

https://en.wikipedia.org/wiki/The_Fruit_is_Ripe

https://www.imdb.com/title/tt0074591/

යූ ටියුබ් Trailer  එක මේ දිගුවෙන් බලන්න පුළුවන් 

Türkische Früchte (1973) Turkish Delight

මූර්ති ශිල්පී එරික් වොන්ක්  අහඹු ලෙස හමුවන ඔල්ගා සමඟ දැඩි ලෙස ප්‍රේමයෙන් බැඳෙයි. කෙසේ වෙතත්, ඔවුන් විවාහ වී කෙටි කලකට පසු ඔල්ගා ධනවත් ඇමරිකානුවෙකු සමඟ පලා යයි. වසර ගණනාවකට පසු, ඇය සුව කළ නොහැකි මොළයේ පිළිකාවකින් (brain tumor) පෙළෙන බව එරික්ට දැනගන්නට ලැබේ. මිය යාමට පෙර ඔල්ගාට කිසිදු වේදනාවකින් තොරව ආහාරයට ගත හැකි එකම දේ වන 'ලොකුම්' නම්  තුර්කි පලතුරු රසැති රසකැවිල්ලක් රැගෙන ඔහු ඇයව බලන්නට යයි.

වැඩි විස්තර සඳහා විකිපීඩියා දිගුව

https://en.wikipedia.org/wiki/Turkish_Delight_(1973_film)

යූ ටියුබ් Trailer  එක මේ දිගුවෙන් බලන්න පුළුවන් 

In the Realm of the Senses( 1976)

චිත්‍රපටය මුල් භාගයේදී   1936 වසරේ ටෝකියෝ නගරයේදී, කලක් ගණිකාවක ලෙස කටයුතු කළ සාඩා අබේ , හෝටලයක සේවිකාවක ලෙස සේවය කරමින් සිටින දසුන් පෙළක් දිස්වේ . ඉන් පසු  එම හෝටලයේ හිමිකරු වන කිචිසෝ ඉෂිඩා  ඇය සමඟ දැඩි ප්‍රේම සම්බන්ධයක් ගොඩනඟා ගනී , ඊට විවිධ ලිංගික අත්හදා බැලීම් සහ ආශාවන් මුදා හැරීම් ඇතුළත් වේ . සාඩා සමඟ පැවති සම්බන්ධය වෙනුවෙන් ඉෂිඩා තම බිරිඳව අතහැර දමයි. සාඩා තුළ ඉෂිඩා කෙරෙහි දැඩි අයිතිවාසිකම් කීමේ හැඟීමක් සහ ඊර්ෂ්‍යාවක් වර්ධනය වන අතර, ඉෂිඩා ඇයව සතුටු කිරීමට දැඩි උනන්දුවක් දක්වයි. ලිංගිකව එක්වීමේදී  ගෙල සිර කිරීමෙන් ඇය දැඩි උද්යෝගයකට පත්වන බව ඉෂිඩාට අවබෝධ වීමත් සමඟ ඔවුන්ගේ මෙම අන්‍යෝන්‍ය ඇල්ම උත්සන්න වන අතර, අවසානයේ ඔහු එම ක්‍රියාව අතරතුර මිය යයි. ඉන්පසු සාඩා ඔහුගේ ලිංගය කපා දමයි. චිත්‍රපටය අවසාන භාගයේදී නිරුවතින් ඔහුගේ සිරුර අසල සිටින ඇයව පෙන්වන අතර, අත්අඩංගුවට පත්වන මොහොත දක්වාම දීප්තිමත් ලෙස සිනාසෙමින් දින හතරක් පුරා ඔහුගේ එම අවයවය රැගෙන ඇය සැරිසරන බව සඳහන් වේ. ඔහුගේ පපුව මත ලෙයින් ලියන ලද මේ වචන පෙල දිස්වෙයි : "සාඩා - කිචි, අපි දෙදෙනා සදහටම."

.   

වැඩි විස්තර සඳහා විකිපීඩියා දිගුව

https://en.wikipedia.org/wiki/In_the_Realm_of_the_Senses

යූ ටියුබ් Trailer  එක මේ දිගුවෙන් බලන්න පුළුවන්

Last Tango in Paris ( 1972)

පෝල් යනු පැරිසියේ වෙසෙන, සිය බිරිඳගේ සියදිවි නසාගැනීම හේතුවෙන් දැඩි ශෝකයෙන් පසුවන ඇමරිකානු ජාතිකයෙක් . කුලියට ගන්නට යන පාළු නිවාස ඒකකයක් තුළදී ඔහුට ජීන්  නම් තරුණ ප්‍රංශ කාන්තාවක් මුණගැසේ . ඔවුන් දෙදෙනා තම සැබෑ නම් හෙළි නොකර පවත්වාගෙන යන රහසිගත, හුදෙක් ලිංගික සබඳතාවක් ආරම්භ කරයි. ටැංගෝ අවන්හලකදී පෝල් තමන්ගේ තොරතුරු ජින් ට හෙලිකරමින් දිගටම සම්බන්ධය ගෙන යන්නට යෝජනා කරයි . ඊට විරුද්ධ වන ජීන් තමන් පොලීසියට දන්වන බව කියයි. නවතා දමන්නට බැරි පෝල් ව ජීන් නවතා දමන්නේ ඔහුට වෙඩි තැබීමෙනි. වෙඩි තබන්නට පෙර ඇය තමන්ගේ නම හෙලිකරයි.

වැඩි විස්තර සඳහා විකිපීඩියා දිගුව

https://en.wikipedia.org/wiki/Last_Tango_in_Paris

යූ ටියුබ් Trailer  එක මේ දිගුවෙන් බලන්න පුළුවන්

Calmos ( 1976)

පැරිසියේ විඩාපත් නාරිවේද වෛද්‍යවරයෙකු වන පෝල්, තම වෛද්‍ය වෘත්තිය අතහැර දමා තම බිරිඳ හැර ගිය මිනිසෙකු වන ඇල්බට් හමුවෙයි. කාන්තාවන් සහ ගෘහ ජීවිතය සමඟ ඔවුන්ගේ බෙදාගත් වෙහෙස හඳුනා ගනිමින්, ආහාර සහ වයින් කේන්ද්‍ර කරගත් සාමකාමී තනිකඩ ජීවිතයක් භුක්ති විඳීමට දෙදෙනා දුරස්ථ ගමකට පලා යති. ඔවුන්ගේ භාර්යාවන් ඔවුන් සොයාගෙන ප්‍රාදේශීය පූජකයාට පිරිමින්ට නැවත නිවසට යාමට ඒත්තු ගැන්වීමට බලපෑම් කරන විට ඔවුන්ගේ පසුබැසීම කෙටි වේ.

නිදහස අත්විඳීමෙන් පසු ගෘහ ජීවිතය විඳදරාගැනීමට නොහැකි වූ පෝල් සහ ඇල්බට් නැවතත් විවෘත රටකට පලා යන අතර, කාන්තා ඉල්ලීම් නිසා පලා යන පිරිමින්ගේ වර්ධනය වන ප්‍රජාවකට එක් වේ. මෙම දේවගැති සහෝදරත්වය ඉක්මනින් කාන්තා හමුදා විසින් බිඳ දමනු ලැබේ. කාන්තා පාබල හමුදාව විසින් අල්ලා ගන්නා ලද පිරිමින් පලා යාමක් ගැන සාකච්ඡා කරන අතර, නැවත අල්ලාගෙන පැරිසියානු ආයතනයකට ගෙන යනු ලැබේ. එහිදී, ඔවුන් බලහත්කාරයෙන් සැත්කමකට භාජනය වන අතර අඛණ්ඩ, කාලෝචිත ලිංගික සූරාකෑමකට ලක් වේ.

දශක ගණනාවකට පසු, පෝල් සහ ඇල්බට් - දැන් වයෝවෘද්ධ සහ කුඩා ප්‍රමාණයට හැකිලී ඇත - කඳු මුදුනක ජීවත් වේ. අතින් සාදන ලද එල්ලෙන ග්ලයිඩර් පියාසර කරන අතරතුර, කුණාටුවක් ඔවුන්ව සාගරය හරහා ගසාගෙන ගොස් නිවර්තන වෙරළ තීරයක මෘදු, ස්පන්දනය වන ගුහාවකට ඇද දමයි. කතාව අවසන් වන්නේ පිරිමින් දෙදෙනා කාන්තාවකගේ ශරීරයක් තුළට ඇතුළු වී ඇති බවට හෙළිදරව් වීමෙනි.

වැඩි විස්තර සඳහා විකිපීඩියා දිගුව

https://en.wikipedia.org/wiki/Calmos

යූ ටියුබ් Trailer  එක මේ දිගුවෙන් බලන්න පුළුවන්

සේයාරූ -  අන්තර්ජාලයෙන්  Google images 

                    සියළු හිමිකම් මුල් හිමිකරුවන් සතුයි.

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය  කරාවි.

කැනඩාවේ ලස්සනම ලස්සන රොකී කඳු කලාපය බලන්නට යමු - පළමු කොටස

 

ලෝකයේ දෙවන විශාලතම රට වන  කැනඩාවේ බොහෝ දර්ශනීය ඉසව් ඇතත්,  ඒ අතරින් සුන්දරම කලාපය රොකී කඳු ආශ්‍රිත පරිසර පද්ධතිය බව බොහෝ දෙනා කියද්දී මට එහි සාක්ෂිකරුවකු වන්නට පුළුවන් වන්නේ මම ඒ කලාපයට හතර  වතාවක්ම ගොස් තිබෙන නිසයි.කැනඩාවට සංක්‍රමණය වන්නට බලාපොරොත්තුවෙන් සිටිනා අයටත් , මේ වනවිට කැනඩාවේ නෑදෑ හිත මිතුරන් සිටිනා අයට ඔවුන් බලන්නට යන ගමනේදී අමතක නොකරම බලන්නට තිබෙන පරිසර කලාපයක් විදිහටත්  මෙය නම් කරන්නට පුළුවන්. 

කැනඩාවේ ඇල්බර්ටා (Alberta)  සහ බ්‍රිටිෂ්  කොලොම්බියා(British Columbia )  පළාත්වලට අයත් ඒ බිම් කඩ ලෝක භූගෝලීය පිහිටුමේදී අයත් වන්නේ උතුරු ඇමරිකානු මහද්වීපයේ සිරස් අතට පිහිටි රොකී කඳු පන්තිය (Rocky Mountain Range )  ලෙසින්. කැනඩාවට අමතරව එය ඇමෙරිකා එක්සත් ජනපදයේ ඉඩාහෝ (Idaho),  මොන්ටානා (Montana) , වියෝමින්(Wyoming) ,  ඌටා (Utah )  කොලරාඩෝ ( Colarado)  සහ නිව් මෙක්සිකෝ ( New Mexico)  ප්‍රාන්ත දක්වා දිවෙන කිලෝමීටර් 4800 ක් දිග කඳු පන්තියක් ලෙස හඳුන්වා දෙන්නට පුළුවන්. හිමෙන් වැසී තිබෙන ග්ලැසියර, අමුතුම නිල්  පැහැයක් ඇති විල් ජලය සේම,  ඉමක් කොනක් නොපෙනෙන වනාන්තර ජාලය නිසා එම  කලාපය ලොව පුරා පතලව තිබෙන්නේ ශීත සහ ගිම්හාන  කාලවල ක්‍රියාකාරකම් සඳහා සුදුසු ලෝකයේ තිබෙන ඉතා මනස්කාන්ත පරිසර පද්ධති කිහිපයෙන් එකක් විදිහටයි.

ජාත්‍යන්තර වශයෙන් සහ කැනඩාවේ අනෙකුත් පළාත්වල ජනතාවට එය සම්බන්ධ කරවන ප්‍රමුඛ ගුවන්තොටුපළ තිබෙන්නේ කැල්ගරි ( Calgary) නගරයේ. එතැන් සිට ට්‍රාන්ස් කැනඩා  අධිවේගී මාර්ගයේ  (Trans Canada Highway )  කිලෝමීටර් 120 ක් ගිය තැන හමුවන බැන්ෆ් ( Banff)  නගරය කැනේඩියානු රොකී කලාපයේ  පිවිසුම ලෙස හඳුන්වාදීම නිවැරදියි. 

අතීතයේ පටන් මේ කලාපයේ ජීවත්වූ ස්වදේශික ජනතාව නොඉදුල් වන ගහනයක් ලෙස ආරක්ෂා කළ මේ බිම් කඩ දේශපාලන පොරොන්දුවක් මත කැනඩාවේ දෙකොන යා කළ මහා ව්‍යාපෘතියක්‌ වූ කැනේඩියන් පැසිපික් දුම්රිය මාර්ගය නිසා ලෝකයට විවෘත වූ හැටි ගැන කැනේඩියන් පැසිපික් (Canadian Pacific )  චිත්‍රපටයේ නැරඹුවොත් ඔබට හොඳින් අවබෝධ කරගන්නට පුළුවන්.

දෙවන ලෝක යුද්ධයෙන් පසු දුර ගමන් සඳහා නිමැවුණු  ට්‍රාන්ස් කැනඩා අධිවේගී මාර්ගය නිසාත්,  කැනේඩියන් පැසිපික් දුම්රිය සමාගමේ සංචාරක ප්‍රවර්ධන කටයුතු නිසා ඉදිවුණු සුවිසල් සුඛෝපබෝගී        Banff Springs, Chateau Lake Louise,  සහ Jasper Lodge  හෝටල් නිසාත් , Rocky Mountaineer  සහ The Canadian යන සුඛෝපභෝගි දුම්රිය සේවා නිසාත්,  මේ කලාපය ලොව පුරා වෙසෙන පරිසර සංචාරකයින්ගේ පාරාදිසයක් බවට පත්ව තිබෙනවා.

එකිනෙකට වෙනස් හැඩතල මවන කඳු පන්ති,  ග්ලැසියර් වලින් දියව ආ ලවණ  පිරි නිල්වන් ජලාශ සහ නිම්න රැසකින් පිරි මේ කලාපය කැනඩා මධ්‍යම රජය විසින් Banff, Jasper, Yoho සහ Kootney  යන ජාතික වනෝද්‍යාන (National Parks ) හතර හරහා සංරක්ෂණය කරන ආකාරය  දකින්නට ඔබ ඒවාට පිය නැගිය යුතුමයි. ඊට අමතරව ඇල්බර්ටා සහ බ්‍රිටිෂ් කොලොම්බියා පළාත් රජයන් මඟින් ප්‍රකාශයට පත් කරන ලද පළාත් වනෝද්‍යාන ( Provincial Parks) රැසක් ද මේ ප්‍රදේශයේදී දකින්නට පුළුවන්.

මේ කලාපයේ සංචාරය සඳහා බොහෝ නවාතැන් සහ හෝටල් පහසුකම් ඇතත්  බොහෝ දෙනා ප්‍රිය කරන්නේ ගොඩනැගිලි අතරේ හිර නොවී පරිසරය ඇසුරේ කූඩාරම් ගසාගෙන ( Tent Camping )  හා ජංගම නිවහන්  ( Recreation vehicles and motor home trailers )  මගින් පරිසරය ගවේෂණය කරන එකයි. ඒ සඳහා අවශ්‍ය වෙන්කළ සියලු පහසුකම් ඇති කඳවුරු බිම් රජය සහ පෞද්ගලික ආයතන රැසක් මගින් සපයා තිබෙන නිසා කලින්ම වෙන් කරවා ගත්තොත් කා හට වුවත් උණුසුම ,ශීතල , ගහකොළ වල සුවද එක්ක ඒ පරිසර පද්ධතිය අපූරුවට වින්දනය කරන්නට පුළුවන්. 

පුවත්පතේ ඉඩ සීමාවන් නිසා මගේ සටහනේ තොරතුරු සීමාසහිත වුවත් අන්තර්ජාලයෙන් සහ සමාජ මාධ්‍ය තුළින් ඔබට මේ ස්ථාන ගැන බොහෝ විස්තර පහසුවෙන්ම දැනගන්නට පුළුවන්.ඒ නිසා මේ තොරතුරු යොමුවක් විදිහට භාවිතා කරන අතරේ යාවත්කාලීන තොරතුරු අන්තර් ජාලයෙන් හොයන එක තමයි හොද.

Yoho National Park 

වර්ග කිලෝමීටර් 1933 ක් තරමේ මේ ජාතික උද්‍යානයට එන බොහෝ දෙනාගේ ප්‍රමුඛතම සංචාරක ආකර්ෂණය වන්නේ 1882 දී කැනේඩියන් පැසිෆික් සංචාරක නියමු ටොම් විල්සන් ( Tom Wilson) නම් කල මනස්කාන්ත එමරල්ඩ් විලයි ( Emarald Lake). එම විලේ  කොනක තිබෙන අවන්හල සහ ලී පාලම සහිත සේයාරූ ලොව පුරා ජනප්‍රියව ඇත්තේ කදු පසුබිමේ නිල්පාට ජලතලය එක්ක ලීයෙන් තැනු පාලමත් අවන්හලත් කදිමට ගැලපෙන නිසයි.  ස්වභාවිකම පාලමක් සේ ගල් පර්වත නිර්මාණය වී තිබෙන ඉසව්වක් හරහා කිකින් හෝස් ගඟ ගලන තැන තිබෙන නැචුරල් බ්‍රිජ්( Natural Bridge) තවත් බොහෝ දෙනෙක් යන තැනක්.  ඩලි ( Daly)  ගැලියිසර් එකෙන් එන  ජලය ඇද හැලෙන Takakkaw Falls  සිහින් දිය දහරක් වැටෙන එකක් උනත් එය කැනඩාවේ තිබෙන දෙවන උසම දිය ඇල්ලට හිමි වාර්තාවට හිමිකම් කියනවා. එහි උස අඩි 1924ක්.

දුම්රිය ගැන උනන්දු අයට මේ තරම් උස කඳු හරහා දුම්රිය මාර්ගයක් තැනුවේ කෙසේද කියා ගැටළුවක් ඇතිවන්නට පුළුවන්. ස්විස්ටර්ලන්තයේ දඟර උමඟ තාක්ෂණය භාවිතයෙන් එකම තැන කන්දක් වටේ යන සර්පිලාකාර දුම්රිය උමඟ  (Spiral Tunnel ) දෙකේ Upper & Lower Spiral Tunnel  බලන්නට දුම්රියක් එනතුරු බලා සිටි පිරිස අතරේ මාත් හිටියා මට හොඳට මතකයි. ඒ වෙනුවෙන් වාහන නවතා බලා ඉන්නට පුළුවන් පරිශ්‍ර දෙකක් ඉදිකර තිබෙනවා.  කැනඩාවේ බඩු ප්‍රවාහන දුම්රිය ඉතා දිගු ඒවා නිසා දුම්රිය ඇන්ජිම එක තැනකින් නාගයෙකුගේ හිස මෙන් මතුවන විට අනෙක් කොනේ වලිගයක් සේ දුම්රිය ගැල් තිබුණු ඒ දසුන අමතක කරන්නටම බැරි එකක්.

Wapta Falls  බලන්නට යන පා ගමන සාපේක්ෂව තරමක් දුර වුණත් අඩි  තුන්සිය පනස් එකක්( 351)  පළල මේ දිය ඇල්ල හරහා පහළට වැටෙන ජල කඳේ ශබ්දය ඔබට අත්දකින්නට නම් පහළටම ඇවිද ගොස් දියවැටෙන පතුලට යන්නටම වෙනවා. අවුරුදු මිලියන පන්සිය පනහක ඩයිනෝසර යුගයටත් එපිට පොසිලය බලන්නට නම් ඔබ යා යුත්තේ බර්ගිස් ෂෙල් ( Burgess Shale ) කඳු මුදුනටයි.  kicking horse ගඟ සහ Yoho  එක්වනMeeting of the waters  බලන්නට වටිනා තවත් තැනක්.  එතනදි තමයි අවර්ණ kicking horse ගගේ වතුර  Yoho ගඟේ  ග්ලැසියර වතුර එකතු වෙලා නිල් පාටට හැරෙන්නේ.

Kootney National Park

වර්ග කිලෝමීටර් 1400ක් පුරා පැතිර පවතින Kootney ජාතික උද්‍යානය තුළ තිබෙන Stanley Glacier යර් කරා යන ගමන ඇවිදින මං පෙත් ( Trails)  ප්‍රිය කරන අයගේ ජනප්‍රිය ගමනාන්තයක්. කිලෝ මීටර් දහයක තරම් දුර නැග්මක් වුණත් ඉන් ඔබ දකින සුන්දරත්වය මිල කළ නොහැකි එකක්. වැඩිදුරක් නැති කෙටි ඇවිදීමක් වන Marble Canyon  ගමනේදී ගල් පර්වත අතරින් ගලන නිල් ග්ලැසියර්  ජලය ඔබේ මතක පොතට කදිම මතක රැසක් එකතු කරාවි.

ස්වදේශිකයන් විසින් රතු සහ කහ වර්ණ නිෂ්පාදනය සඳහා උපයෝගී කරගත් ඛනිජ ලවණ  පිරි  මැටි පස් නිධිය බලන්නට මඩ නාගෙන යන්නට වුවද සමහරු පෙළඹෙන්නේ ආසාවෙන්.  එතැන නම් කර තිබෙන්නේ Paint Pots  නමින්.

කලාපයේ උණු  දිය උල්පත් 

වසරේ වැඩි කලක් ඉතා ශීත කාලගුණයක් තිබෙන මේ කලාපයේ උණු දිය උල්පත් කියන්නේ අගනා සම්පත් Radium Hot Springs,  Kootney ජාතික උද්‍යානය තුළ තිබෙන උණු දිය උල්පතයි.  එහි පාලිත උෂ්ණත්වය සෙල්සියස් අංශක 37  සිට 40 දක්වා අතරක තබා තිබෙන්නේ එයට යන පිරිසගේ පහසුව සඳහා. බැන්ෆ් වනෝද්‍යානයේ තිබෙන උණු දිය උල්පත Rundle  කන්දේ තිබෙනවා .එය නම් කර තිබෙන්නේ Banff Upper Hot springs  යනුවෙන්. ඉතිහාසයේ කියැවෙන  විදිහට ස්වදේශිකයන් රහසේ භාවිතා කළ මුල්ම උණුදිය උල්පත තිබුනේ වර්තමානයේ Cave & basin Historic Site  තිබෙන තැනයි. කැනේඩියන් පැසිපික් දුම්රිය සමාගමේ මාර්ග ඉදි කිරීම් කටයුතු සඳහා එක්වුනු ස්වදේශිකයන්ගේ තොරතුරු මත Frank Mccabe, Tom & William Mccardell ගවේෂණය කළ එය කලක් ව්‍යාපාරික වශයෙන් භාවිතා කළත් 1994 දී වසා දැමුණා. ජැස්පර්  ජාතික උද්‍යානයේ දී ඔබට උණු දිය උල්පතක අත්දැකීම ලබන්නට පුළුවන්කම තිබෙන්නේ Miette Hot Springs  වලට ගියොත් තමයි.

පුවත්පතේ ඉඩ සීමාවන් නිසා අකමැත්තෙන් වුනත් මේ ලිපිය කොටස් දෙකකට වෙන්කරන්නට වෙනවා . මේ කලාපයේ වටිනාම මැණික් කැට දෙක වන බැන්ෆ් සහ ජැස්පර්  ජාතික උද්‍යාන ගැන විස්තර  මීළග කලාපයෙන් කියවන්න පුළුවන් .

අනුරුද්ධ වැලිගමගේ 

කැනඩාවේ  මිසිසාගා නුවර සිට

සේයාරූ  -  Google images & Pixabay free images

2026  ජුලි 26 වැනිදා සිළුමිණ  කලාපයේ පලවිය.

විශේෂ ස්තූතිය සි‍ළුමිණ ප්‍රධාන උප කර්තෘ ජයත් පියදසුන් මහතාට

මගේ සටහන් උපුටන හෝ ඩිජිටල් හුවමාරු වෙනුවෙන් කවරෙකු හෝ භාවිතා කරනවාට මම කැමතියි. අමුවෙන්ම එය තමන්ගේ නමින් පලකරනවාට අකමැතියි. ඒ නිසා උපුටන භාවිතයේදී බ්ලොග් අඩවියේ නම සහ යොමුව සටහන් කරන්නට කාරුණික වන්න.  මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය  කරාවි.