වාර්තා චිත්‍රපට බලන්නට මගේ තිබෙන්නේ ඉතා ඉහළ මට්ටමේ උනන්දුවක්. කර්මාන්තයක් විදිහට ගත්තාමත් වාර්තා චිත්‍රපට කියන්නේ විශාල පරාසයක විහිදෙන පුළුල් ක්ෂේත්‍රයක්. ඒ කොහොම උනත් අපට විශ්වීය මානවයෙකු වෙන්න ඉන් ලැබෙන ඉඩකඩ සෑහෙන්න වැඩියි. මේ මම එහෙම මේ මෑත කාලයේ දී බැලූ වාර්තා චිත්‍රපට කිහිපයක්,
Behind The Attraction
.jpg)
වෝල්ට් ඩිස්නි ගේ ඩිස්නි ලෝකයට 2016 දී කල ගමන තවමත් මතකයේ තිබෙන එකක් . ඒ සංචාරයේ මතක එක්ක මෑතකදී මට බලන්නට ලැබුණේ එහි තිබෙන සංචාරක අත්දැකීම් ගැන කල මේ වාර්තා චිත්‍රපට පෙලයි.ඩිස්නි සමාගම කලින් කලට අලුත් කරන විවිධ සංචාරක අත්දැකීම් අද ඔබ දකින ආකාරයට සකස් කෙරුණු හැටි පියවරෙන් පියවර විස්තරාත්මකව දකින්නට මේ වැඩසටහන් මාලාව ඔබට හොද අත්වැලක් සපයාවි.
සැබෑව හා මායාව මුසු කරමින් විවිධ දක්ෂයින් විශාල පිරිසකගේ සහභාගිත්වයෙන් ඔවුන් කරන වෙනස්කම් හින්දා ඔබ කොයි වයසෙ කෙනෙක් වුණත් මුදල් තිබෙනවා නම් හැම වසරකම වුණත් ඔබ ඒ පරිශ්‍ර වලට ගියොත් අත් දකින්නට ලැබෙන්නේ වෙනස් වෙනස් අත්දැකීම්. නිර්මාණ ශිල්පීන්, ඉදිකිරීම් ශිල්පීන් , සේවකයින් වැනි පුළුල් වපසරියක පිරිසක් ඒ අත්දැකීම් දිහා මතක අවදි කරන හැටි ඔබට මේ වැඩසටහන් පෙළේ දී දකින්නට පුළුවන්.
Moulin Rouge - Yes we Can can
වසර එකසිය තිහකට වැඩි ඉතිහාසයක් තිබෙන පැරිසියේ Moulin Rouge නර්තනාගාරය වැඩිහිටි විනෝදාස්වාදන කැබරේ නැටුම් සඳහා ලෝකයේ නම් දැරූ එකක්. වැඩි මිලක් ගෙවා එහි දර්ශන බැලීම විතරක් නෙමෙයි , එහි රංගනය ඉදිරිපත් කිරීම සඳහා රැකියාවක් ලබා ගැනීමත් ඉතා දුෂ්කර වැඩක්.
අඩනිරුවත කලාත්මකව ඉදිරිපත් වන එහි නර්තන අංගයන් සඳහා ඇඳුම් ආයිත්තම් සඳහා, පුහුණුව වගේම ඒ නර්තන අංග ඉදිරිපත් කිරීම සඳහා දක්ෂතම නිර්මාණ ශිල්පීන් තෝරා ගැනීම් සදහා ඒ ආයතනය අති විශාල මුදලක් වියදම් කරන හින්දා වරක් පමණක් බලන්නට තරමේ සුවිසල් මුදලක් ඔබට එහි දර්ශනයක් සඳහා ගෙවන්න වෙනවා.
එහි නිර්මාණ අධ්‍යක්ෂකවරිය වන ජැනට් ඒ සඳහා අවුරුදු තුනේ කොන්ත්‍රාත් සඳහා නිරූපන ශිල්පීන්, ශිල්පිනියන් තෝරා ගන්නා හැටි , ඔවුන් ඒ සඳහා නැටුම් ඉදිරිපත් කිරීමට පුහුණු කරන හැටි වගේම වාර්ෂිකව ඉදිරිපත් කරන රූපවාහිනී වැඩසටහනකට අලුත්ම විලාසිතා එක්ක නැටුමක් නිර්මාණය කරන හැටිත් ඔබට ඒ වැඩසටහන් මාලාව තුළින් බලන්නට පුළුවන්.
Lost Car Rescue
History නාලිකාව වෙනුවෙන් නිපදවනු ලැබූ මේ කැනේඩියානු රූපවාහිනී වාර්තා චිත්‍රපට මාලාව british columbia පළාතේ සැඟවුණු වාහන සංරක්ෂණය කරන කණ්ඩායමක් කරන ගවේෂණ කටයුතු පාදක කරගෙන නිෂ්පාදනය වුණු එකක්, කණ්ඩායම් නායකයා Matt Sager . ඔහුගේ කණ්ඩායමට කුඩා ගුවන් යානා පදවන නියමුවරියක වන Jessica James , වාහන කාර්මික ශිල්පී Steve Sager , වාහන බඳ අලුත්වැඩියා පිළිබඳ ප්‍රවීණ Dave Mischuk සහ දොඹකර ක්‍රියාකරු Lee Brandt අයත් වෙනවා.
කැනඩාවේ විවිධ දුර බැහැර පළාත් වල සැඟවී තිබෙන පැරණි වටිනා රථවාහන සංරක්ෂණය සඳහා ඒවාට තව දුරටත් හානියක් නොවන ආකාරයට ඒවා සංරක්ෂණය කරන මධ්‍යස්ථානයට ගෙන එන්නට සුවිසල් ට්‍රක් රථයට පටවා ගන්නා තෙක් කරන මෙහෙයුම සුවිසල් එකක්. මෑතකදී සංචාරක සටහනක ලියූ Bush Plane එකක්, විශේෂී දොඹකරයක් සහ වාහන ප්‍රවාහනය කරන ට්‍රක් රථයක් භාවිතා කරමින් ඔවුන් කරන මෙහෙයුම් වලදී ඔවුන් ගස් සහ ස්වභාවික පරිසරය ආරක්ෂා කරගනිමින් විශාල කාර්යභාරයක් කරනවා. ඒ වෙනුවෙන් ඔවුන් තොරතුරු එක් රැස් කර ගන්නා හැටි , වාහන සොයන හැටි බලන්න අපූරුයි.
.jpg)
The World’s Most secret Hotels
ප්‍රායෝගිකව මට යන්නට බැරි වුණත් ලෝකයේ විශාල පරාසයක මහද්වීප අතර සැරිසරන්නට මම කැමතියි. එහෙම යද්දි අපට නවතින්නට වෙනවා. තරු පන්තිය වෙනස් වුණත් නවාතැන් ගන්න තියෙන හෝටල් බොහෝමයක් එකම විදිහේ ඒවා. දැන් තියන ප්‍රවණතාවය පරිසර හිතකාමි නැවත නැවත පාවිච්චියට ගැනෙන දේ ඇසුරින් නවාතැන් ඉදි කරන එකයි.
මේ වැඩසටහන් පෙළේ ඔබට එහෙම තැන් රැසක් බලන්න පුළුවන්. සමහරක් ඒවා බලනකොට ඔබට හිතේවි එහෙම තැනක මේ වගේ නවාතැනක් තියෙන්න පුළුවන්ද කියලා. විශේෂයෙන්ම අන්තර්ජාලය භාවිතයෙන් නිවසේ ඉඳගෙන රැකියාව කරන තරුණ පිරිස් අතරේ මේ වගේ තැන් වගේම ජංගම නිවහන් ජනප්‍රිය වෙලා තියෙන්නේ නගරේ තියෙන අධික වියදම වගේම නිස්කලංක බවක් නැති හින්දයි.
.jpg)
Secrets of Royal travel
බ්‍රිතාන්‍ය රාජකීයන් තමන්ගේ ගමන් බිමන් සඳහා යොදාගත් දුම්රිය සහ ගුවන් යානා ගැන දැනගන්න පොදු මහජනතාව තුළ විශාල කැමැත්තක් තියෙනවා. දැන් දැන් රාජකීයත්වය පිළිබඳ වෙනස් කතිකාවතක් තිබුණත් ඒ ඉතිහාසය සංරක්ෂණය කරන්න මහ ජනතාවට ප්‍රදර්ශනය කරන්න මහා බ්‍රිතාන්‍ය කටයුතු කර තිබෙනවා.
මේ වැඩ සටහනේ කොටස් දෙකින් පළමු වැන්න රාජකීය දුම්රිය පිළිබඳ තොරතුරු ඉදිරිපත් කරනවා දෙවැනි වැඩසටහන වෙන් ව තිබෙන්නේ රාජකීය ගුවන් යානා ගැනයි.
අනුරුද්ධ වැලිගමගේ
.jpg)
සේයාරූ - අන්තර්ජාලයෙන් Google Images
.jpg)
.jpg)
