අහස් ගව්වෙන් එහා ලෝකය... Ahas Gawwen Eha Lokaya

Saturday, March 14, 2026

කැනඩාවේ අත්ලාන්තික් නාවික ඉතිහාසය පෙන්වන කෞතුකාගාරයක්

නැගෙනහිරින් කැනඩාව මායිම් වෙන්නේ අත්ලාන්තික් සාගරයට. අත්ලාන්තික් සාගරයට මායිම් වන කැනඩාවේ පළාත් හතරක් තිබෙනවා. ඒ නිව් බ්‍රන්ස්වික් නෝවා ස්කොෂියා, එඩ්වඩ් කුමාර දිවයින සහ නිව් ෆවුන්ඩ්න්ලන්තය සහ ලබ්රෝඩර්.

කැනඩාවේ වරායන් අතුරින් යුරෝපයට ආසන්නතම වරාය වීම නිසා හැලිෆැක්ස් වලට ඓතිහාසික වටිනාකමක් වගේම නාවික කේන්ද්‍රස්ථානයක් ලෙස විශාල වැදගත්කමක් තිබෙනවා. අදත් කැනඩාවේ විශාලතම නාවුක හමුදා සංකීර්ණය පිහිටා තිබෙන්නේ හැලිෆැක්ස් වලයි. අපි ඉදිරි දිනක කැනඩා උරුම යටතේ කතා කරන්නට බලාපොරොත්තු වන පියර් 21 නම් කැනඩාවට වැඩිම පිරිසක් යුරෝපයෙන් සංක්‍රමණය වුනු 1928- 1971 කාලයේ ක්‍රියාත්මක වුනු පරිශ්‍රය තිබුනේත් හැලිෆැක්ස් වලයි.

ප්‍රංශ සහ බ්‍රිතාන්‍ය අධිරාජ්‍යවාදයට වරින් වර නතු වුණු මේ කලාපයේ ධීවර සහ නාවික කටයුතුවල ඉතිහාසය ඉතා දිගු එකක්. ඒ නිසා කැනඩාවේදී නාවික ක්ෂේත්‍රය පිළිබඳ මනා දැනුමක් ලබන්නට නම් යා යුතුම ප්‍රධාන තැනක් විදිහට Maritime Museum of the Atlantic හඳුන්වන්නට පුළුවන්. 1948 දී ආරම්භ වුණු මේ කෞතුකාගාරය 1985 වෙනතුරු ක්‍රියාත්මක වුණේ කැනේඩියානු නාවික හමුදාව යටතේ. එය පිහිටා තිබෙන්නේ හැලිෆැක්ස් වරායේ කෙළවරකට වන්නටයි.

මේ කෞතුකාගාරයේ ප්‍රදර්ශන භාණ්ඩ තිස් දහසකට (38,000) අධික ප්‍රමාණයක් තිබෙනවා. ඒ අතර තිබෙන විවිධ වර්ග යාත්‍රා ආකෘති ප්‍රමාණය අති විශාලයි. 1913 - 1969 කාලයේදී කැනඩාවේ සාගර මැනීම් කටයුතු සහ ගවේෂණ කටයුතුවල යෙදුණු css Arcadia නම් අඩි 180ක් දිග වාෂ්ප සිතියම් නැව මෙහි නැංගුරම් ලා තිබෙනවා. එය ඔබට බලන්නට ලැබෙන අපූරු අත්දැකීමක්. සතියේ දිනවලදී එය තුලට ගොස් එහි කුටි, උපකරණ ඔබට බලන්නට පුළුවන්. තවමත් ධාවන තත්වයේ තිබෙන එය විශේෂ අවස්ථා වලදී කෙටි චාරිකා ගමන් කරනවා.

1993 සිට 2001 දක්වා කාලයේදී කැනඩාවේ සීබීසී නාලිකාවේ විකාශය වූ තියඩෝර් ටග්බෝට් (Theodore Tugboat) වරායක තිබෙන ටග්යාත්‍රාවක් සහ ඔහුගේ මිතුරන් පිරිසක් වටා ගෙතුණු රූපවාහිනී ළමා කතා මාලාවක්. ඒ සදහා යොදාගත් ටග් යාත්‍රාවත් මේ පරිශ්‍රය දී ඔබට බලන්නට පුළුවන්. 2014 දී සංරක්ෂණය වුණු Hebridee II යාත්‍රාවක් ඉතාම වැදගත් නාවික ඉතිහාසයක කොටස්කරුවෙක්.

1917දෙසැම්බර් මස 06 වැනි දා ප්‍රංශ බඩු නැවක් වූ SS Mont Blanc සහ නොවීජියානු යාත්‍රාවක් වූ SS Imo ගැටීමෙන් සිදුවූ පිපිරීම මිනිසුන් 1782 කගේ ජීවිත පිළිගත් විශාල පිපිරීමක්. ඒ ගැන තොරතුරුත් මේ පරිශ්‍රය තුල තිබෙන එක කුටියකදී ඔබට දැනගන්නට පුළුවන්. මේ ආසන්න කැනේඩියානු මුහුදේ දී විනාශ වුනු ජනප්‍රියතම නෞකාව RMS Titanic ගැන තොරතුරු ඇතුළත් ප්‍රදර්ශන කුටියක් වගේම මේ ප්‍රදේශයේදී මුහුදු බත්වුණු යාත්‍රා රැසක සුන්බුන් සහ ගොඩගත් බඩු බාහිරදිය රැසක් මේ කෞතුකාගාරයේ ප්‍රදර්ශනය කෙරෙනවා.

අනුරුද්ධ වැලිගමගේ

සේයාරූ - අන්තර්ජාලයෙන් Google Images

සියළු හිමිකම් මුල් හිමිකරුවන් සතුයි.

මගේ සටහන් උපුටන හෝ ඩිජිටල් හුවමාරු වෙනුවෙන් කවරෙකු හෝ භාවිතා කරනවාට මම කැමතියි. අමුවෙන්ම එය තමන්ගේ නමින් පලකරනවාට අකමැතියි. ඒ නිසා උපුටන භාවිතයේදී බ්ලොග් අඩවියේ නම සහ යොමුව සටහන් කරන්නට කාරුණික වන්න. මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය කරාවි.

Saturday, March 7, 2026

ජීවිතය ජයගන්න සටන් කල වෙනස් කාන්තා චරිත 5 ක්

ජාත්‍යන්තර කාන්තා දිනය යෙදෙන මේ සතියේදී මා බැලූ වාර්තා චිත්‍රපට සටහන් වලට ජීවිතය ජයගන්න සටන් කල වෙනස් ජාත්‍යන්තර කාන්තා චරිත 5 ක් ගැන සටහනක් තබන්නට හිතුනා. චරිතාපදාන මෙන්ම ඒ තේමාව ගත් වාර්තා චිත්‍රපට බලද්දී පැහැදිලි වන සරල කාරණය වන්නේ කිසියම් අංශයකින් යම් ඉහළ තලයකට යන්නට ඒ ඒ පුද්ගල චරිත කල කැපවීම සහ සංකීර්ණ ලෝකය හමුවේ ඔවුන් ජීවත් වන්නට කල ලෝකයාට නොපෙනුනු සටන ගැනයි. සාමාන්‍ය චරිත හැටියට ඒවායින් අපට ගන්නට බොහෝ පාඩම් තිබෙනවා.

Girl Climber (2025)

නිදහස් කදු නගින්නියක වන Emily Harrington ගේ කදු නැගීමේ නොනවතින උත්සාහය සහ අවම කාලයකින් Yosemite ජාතික උද්‍යානයේ තිබෙන El Capitan කන්ද තරණය කල කාන්තාව වීමේ වාර්තාව තැබීමේ කතාන්තරය මේ චිත්‍රපටයෙන් කියැවෙනවා.ඒ වෙනුවෙන් වසර ගණනාවක් ඇය කල කැපවීම, අනතුරු , හිමාලය සහ ලෝකයේ වෙනත් කදු පංති තරණය කල චාරිකා සේම කුඩා කාලයෙන් පටන් ගෙන අවුරුදු 40ක් දක්වා ඇය ගෙන ආ අත් නොහරින උත්සාහය අපට බොහෝ පාඩම් කියාදෙනවා.

මේ දිගුවෙන් ඇය ගැන තොරතුරු කියවන්න .

https://en.wikipedia.org/wiki/Emily_Harrington

මේ යූ ටියුබ් දිගුවෙන් මේ වාර්තා චිත්‍රපටයේ Trailer එක බලන්න

Prime Minister (2025)

Jacinda Arden කියන්නේ නවසීලන්තයේ හිටපු අග්‍රාමාත්‍ය වරියක්. දේශපාලනය කියන හැල හැප්පිලි මැද යන ගමනේ කොවිඩ් වසංගතය බරපතල ත්‍රස්ත ප්‍රහාරයක් සහ ස්වභාවික ව්‍යසන හමුවේ ඇය කළ මෙහෙය විශේෂයෙන්ම කතාබහට ලක්වන එකක්. ගර්භනී සමයේ වගේම කුඩා දියණියක් එක්ක රටක් පාලනය කල ඇගේ ජීවිත කතාව කාන්තාවන්ට වගේම බොහෝ දෙනෙකුට ආදර්ශයට ගත හැකි එකක්.

මේ දිගුවෙන් ඇය ගැන තොරතුරු කියවන්න .

https://en.wikipedia.org/wiki/Jacinda_Ardern

මේ යූ ටියුබ් දිගුවෙන් මේ වාර්තා චිත්‍රපටයේ Trailer එක බලන්න

The Farmers Daughter (2025)

Tara Barrett කියන්නේ Wand Tv ආයතනයේ හිටපු ජනප්‍රිය රූපවාහිනී ප්‍රවෘත්ති නිවේදිකාවක්. 2000 ඇතිවූ හදිසි තත්වයක් එක්ක තම පවුලේ ගොවිපල සහ ව්‍යාපාරය රැකගන්නට තම රැකියාව සහ ආදරය පසෙකලා ගෙවිලියක් සහ ගොවිපල හිමිකාරිනියක් ලෙස ගිය ගමන මෙහි පැහැදිලි කරනවා.

මේ දිගුවෙන් ඇය ගැන තොරතුරු කියවන්න .

https://www.dtnpf.com/agriculture/web/ag/news/farm-life/article/2025/04/06/farmers-daughter-movie-tells-story

මේ යූ ටියුබ් දිගුවෙන් මේ වාර්තා චිත්‍රපටයේ Trailer එක බලන්න

Sally ( 2025)

අභ්‍යාවකාශයට ගිය පළමු ඇමෙරිකානු කාන්තාව ලෙස වාර්තාගත වන්නේ Sally Ride. ඒ වෙනුවෙන් ඇය ගිය ගමන හරිම අසීරු එකක්. වසර 27 ක් ලොවට වසන් කල ඇගේ Sam O’shaughnesy සමඟ තිබූ සබදතාවය වගේම පිළිකාව සමඟ ඇය කල සටන දරාගැනීම ගැන ලෝකයේ ඇති අසීරුතම උදාහරණ වලින් එකක්.

මේ දිගුවෙන් ඇය ගැන තොරතුරු කියවන්න .

https://en.wikipedia.org/wiki/Sally_Ride

මේ යූ ටියුබ් දිගුවෙන් මේ වාර්තා චිත්‍රපටයේ Trailer එක බලන්න

Anna Nicole Smith, You Dont Know Me ( 2023).

Anna Nicole Smith කියන්නේ ප්ලේබෝයි සඟරාවේ Playmate කෙනෙකු ලෙස නිරුවත් සේයා රූ වලට පෙනීසිට නිරූපිකාවක්, රංගන ශිල්පිණියක් ලෙස මහත් ජනාදරයට පත්වූ කාන්තාවක්. විවිධ චිත්‍රපට හා රූපවාහිනී මාලා නාටකවලට රංගනයෙන් දායක වූ ඇයට විවිධ පිරිමින් සමඟ තිබෙන සබදකම් ගැන කටකතා රැසක් වගේම 86 හැවිරිදි ඛනිජ තෙල් ව්‍යාපාරික Howard Marshall සමඟ වූ විවාහය ගැනත් කතා රැසකුත් තිබුනා. ඒ සියල්ල මැද්දේ ඇගේ සත්‍ය කතාව හරිම දුක්බර එකක් වූ බවයි කියන්නේ. අවුරුදු 39 දී ඇය හදිසියේ මිය යන්නේ Combined Drug Intoxication වලින්.

මේ දිගුවෙන් ඇය ගැන තොරතුරු කියවන්න .

https://en.wikipedia.org/wiki/Anna_Nicole_Smith

මේ යූ ටියුබ් දිගුවෙන් මේ වාර්තා චිත්‍රපටයේ Trailer එක බලන්න

සේයාරූ - අන්තර්ජාලයෙන් Pixabay Free

සියළු හිමිකම් මුල් හිමිකරුවන් සතුයි.

*මගේ සටහන් උපුටන හෝ ඩිජිටල් හුවමාරු වෙනුවෙන් කවරෙකු හෝ භාවිතා කරනවාට මම කැමතියි. අමුවෙන්ම එය තමන්ගේ නමින් පලකරනවාට අකමැතියි. ඒ නිසා උපුටන භාවිතයේදී බ්ලොග් අඩවියේ නම සහ යොමුව සටහන් කරන්නට කාරුණික වන්න. මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිරමාණ එළිය කරාවි.

Saturday, February 28, 2026

එඩ්වඩ් කුමාර දිවයිනේ රවුමක් යමුද ?

කැනඩාවේ කුඩාම පළාත වෙන්නෙ එඩ්වඩ් කුමාර දිවයිනයි . ප්‍රමාණය වර්ග කිලෝමීටර් 5660 යි . එඩ්වඩ් කුමාර දිවයිනට යන්න එන්න පුළුවන් විධි දෙකින් එකක් තමයි මේ Confederation Bridge එක. අපි අද හිතුවා එඩ්වඩ් කුමාර දිවයින ගැන කථා කරන්න කියලා. මීට කලින් රූපණ ගමනක මතකය තුලින් ශීත කාලයේ ඔන්ටාරියෝ විල ගැනත්, කැනඩාවේ රොකී කදු කලාපයේ යෝහෝ, ජෑස්පර් සහ බැන්ෆ් වනෝදයාන ගැනත්, සුපීරියර් , හියුරන් , ඊරි , ඔන්ටාරියෝ විල් ආශ්‍රිත සංචාරක ස්ථාන ගැන, ටොරොන්ටෝව අවට බජට් එකට හරියන මුදලකට බලන්න පුළුවන් තැන් වගේම නිව් බ්රුන්ස්වික් පළාත ගැනත් කථා කරලා තියෙනවා. රූපණ වෙබ් අඩවියට ගිහින් ඔබට ඒ වැඩසටහන් බලන්න පුළුවන්.