ගී ලියමු ගේය පද සංචිතය.

විනෝදාංශයක් විදිහට නිර්මාණකරණයේ යෙදෙන මම , එච්චර මම කරන දේ ගැන කතා කරන්න කැමති නෑ.  ඒත් මගේ ලියැවිලි ගැන කියවන අනිත් අයගේ අදහස් දැනගන්න , අහන්න ආසයි. ඒ  කියවන ඔබේ අදහස් ,මගේ ඉදිරි නිර්මාණ සරු කරන්න උදව් වෙන හින්දා. තදබල බ්ලොග් රසිකයකු වෙලා හිටපු මම මගේම කියලා බ්ලොග් එකක් පටන් ගත්තෙත් ඒ හින්දම තමයි.

කවි , කෙටි කතා කිහිපයක් ලියන්න  මම දරපු උත්සාහයන් මගේ බ්ලොග් පිටු අතරේ හැංගිලා තියෙනවා . පොත් විදිහට ඒවායින් එකතුවක් කරන්න කියලා කිහිපදෙනෙක්ම යෝජනා  කරත්,  මම තවමත් හිතන්නේ   මම කවිය, කෙටිකතාවේ  පාරවල් හොයනව කියලයි.  ඒ හින්දා මම ඒ සඳහා තව කල් ගන්නයි ඉන්නේ.

පාසල් යන කාලයේ  ජාතික රූපවාහිනියට  ළමා ගී ලිව්වට පස්සේ , ටොරොන්ටෝවේ නිර්මාණ ශිල්පීන් කිහිප දෙනෙකුගේ ඉල්ලීමට මම ගීත කිහිපයක් ලිව්වා. ඒවා කොච්චර දුරට සාර්ථක ද කියල දැනගන්න පුළුවන් කවුරුහරි කියන දේකින් තමයි. මම තාමත්  හිතන්නේ මම කෑදරකමින් නිර්මාණ රසවිදින රසිකයෙක්  කියලයි.

ඕස්ට්‍රේලියාවේ නිව් සවුත් වේල්ස් ප්‍රාන්තයේ ,  සිංහල සංස්කෘතික හමුවේ , ලේඛක සංසදයේ වයාපෘතියක් විදිහට ,  ගී ලියමු ගේය පද සංචිතය කියලා  සිංහල බ්ලොග් එකක් තියෙනවා.  2021 දී මම ඊට මගේ පදවැල් කිහිපයක් යැව්වා . ඔවුන් ඉන් 3 ක් තෝරාගෙන ඔවුන්ගේ  බ්ලොග් අඩවියේ පළ කර තිබෙනවා.

හේමාල් ජයවික්‍රම මහතාගේ මූලිකත්වයෙන් කටයුතු කරන කමිටුවක්  ඒ පද වැල් අධ්‍යනය කරනවා. ඒවා ගැන යෝජනා,  අදහස් ඉදිරිපත් කරනවා.  ඔවුන්ගේ තක්සේරුව  අනුව වෙනස් විය යුතු හැටි යෝජනා කරනවා . ඊට පස්සේ එකඟ වන පදවැල් ඔවුන්ගේ බ්ලොග් එකේ පළ කරනවා.

මටත් අමතක වෙලා තිබුණු වෙලාවක,  පහුගිය මාසයේ  මට ගී  ලියමු වෙතින් ිවිද්‍යුත්  ලිපියක් ලැබෙනවා .ඒ 2021 දී මගේ ප්‍රකාශයට පත් වූ ගීත වෙනුවෙන් යම් ඇගයීම් සහතික පතක් හිමිවෙලා කියලා . සහතික තෑගි නෙමෙයි මෙතනදි වැදගත් . නිර්මාණයකට කාගෙන් හරි ලැබෙන ඇගයීමයි වටින්නේ.  මේ සටහන තබන්නේ මව්බිමෙන් බැහැර වෙලා හිටියත් ඔවුන් සිංහල බසින් කෙරෙන නිර්මාණ වලට දක්වන දිරිය වෙනුවෙනුයි.  මාසෙකට සැරයක්  ප්‍රකාශයට පත්වන සිසිල සඟරාවත් මේ පිරිසගේ වැඩක්. ඒ ගැන මම මීට කලින් ලියා තිබෙනවා.  

https://ahasgawwenehalokaya.blogspot.com/2021/10/blog-post_30.html

ඒ උත්තේජනයත් එක්ක 2023 දී මම ආයෙමත් පදවැල් කිහිපයක් යැව්වා . ඒවා අතරින් 5 ක් මේ වනවිට පලවී තිබෙනවා . ඉදිරියේදීත් ඉඩ ලැබෙන පරිද්දෙන් ඔවුන්ට මගේ අතින් ලියැවෙන පදවැල් යවන්න හිතාගෙන ඉන්නවා .

සිංහල බ්ලොග් ලියන හිතවතුන්ටත් තමන්ගේ කවි , ගී පද වැල්  " ගී ලියමු " වෙත යවන්න කියලා විවෘත ආරාධනයක් කරන්න කැමතියි.  ඔබේ නිර්මාණ 

GeeLiyamu@gmail.com   

කියන විද්‍යුත් ලිපිනයට යවන්න. 

 මේ දිගුවෙන් ගී ලියමු බ්ලොග් අඩවියට ගිහින් වැඩි විස්තර දැනගන්න පුළුවන්.

https://geeliyamu.blogspot.com/

මේ වනවිට ඔවුන් ප්‍රකාශයට පත්කර තිබෙන මගේ පදවැල් වල දිගු පහතින් සදහන් කරන්නේ ඉඩක් ලැබුණු වෙලාවක ඔබටත් ගොඩ වැදී බලන්නයි.

හීනවලට පාට දෙන්න

https://geeliyamu.blogspot.com/2021/10/blog-post_19.html

ලැවන්ඩරා මල් සුවඳේ

https://geeliyamu.blogspot.com/2021/10/blog-post_28.html

දෙවැට දිගේ 

https://geeliyamu.blogspot.com/2022/11/blog-post.html

ඉඩක් ලද ඇසිල්ලෙක

https://geeliyamu.blogspot.com/2023/11/blog-post_28.html

තරු අහුරු මල් පිපුණු

https://geeliyamu.blogspot.com/2023/11/blog-post_91.html

එදා වෙලේ අතවනාපු

https://geeliyamu.blogspot.com/2023/12/blog-post_6.html

ගෙදර වත්තේ

https://geeliyamu.blogspot.com/2023/11/blog-post_29.html

මංකඩ ළඟ වළිකුකුලන්

https://geeliyamu.blogspot.com/2023/12/blog-post_10.html

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.