කෙත් යායේ රන් අස්වනු පිරිලා ......අනුරුද්ධ වැලිගමගේ......කවි....

පිලේ කොනක දෑසක් දිලිසෙනවා

සුරුට්ටු දුම පැල්පතට ගොඩවෙලා

කුප්පියෙ එළියෙන් ඇසට පෙනෙන රුව

තනියම මොන මොනවද මුමුණනවා .

 

උදලු කෙටිය උරෙ කර පින්නාගෙන

 හිමිදිරියේ කෙත වෙත පියනගනා

සරු බිම වපුරා පැතුම් පොකුරු පොදි

 රන් දහදියෙ මහිමය කියනා

  

කෙත් යායේ රන් අස්වනු ලැබිලා

අප්පච්චිගේ මුව හසරැල් නැගිලා

ගතවූ සිවුමස තිස්සේ වෙහෙසුණු

ගතටත් සිතටත් සුවයක් ලැබිලා

 

අනුරුද්ධ වැලිගමගේ

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

 මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව. 

 මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.