විවිධ හේතු නිසා පුවත්පත් වල කවි පිටු කුඩා වන්නටත්, සමහර සති වලදී ගැලවී යන්නටත් වීම නිසා විශේෂයෙන්ම ආධුනික කවීන්ට තම නිර්මාණ සම්බන්ධයෙන් විචාරයක්, තේරීමක් සහ අගය කිරීමක් සදහා වූ ඉඩ ප්‍රස්ථා අවම වී තිබුණි. මුහුණු පොත භාවිතය සම්බන්ධයෙන් විවිධ මති මතාන්තර ඇතත්, මුහුණු පොත් කවි එකතු සමාජ ජාල ඔස්සේ සිදුවුණු එක් හොද සමාජ මෙහෙයක් ලෙසින් මා දකින්නේ මේ පසුබිම තුලයි.
කවි පිටු සංස්කාරක වරුන්ට ඇති සීමිත ඉඩත්, මාධ්‍යය ආයතන මගින් පැනවෙන සීමා නිසාත්, ඔවුන්ගේ රස සහ ගුරුකුල සීමාවන් තුලත් පෙරෙන, ගැලවෙන කවි තෙරපී, නැවි , ගුලිවී කුණු බක්කියට යන්නේ කාටත් හොරාය. ඒ වගේම එක් කවියක් හෝ කිහිපයක් පමණක් සදහා ප්‍රතිචාර දක්වන්නට ඔවුනට සිදු වන්නේ ඔවුන් කවි පිටු සංස්කරණය කරන්නේ තවත් වැඩ අතරේ නිසයි.
මුහුණු පොත් කවි එකතු එවන් සීමා මායිම් අවම අවකාශයක් වීම නිසා කවියට කැමැති බොහෝ දෙනෙකුට නිදහසේ තම තමන්ගේ නිර්මාණ එළි දක්වන්නට ඉඩක් ලබාදෙයි. කවිය තුල අඩංගු පද පේලි සීමාවන් , ආගමික හෝ දේශපාලන අන්තර්ගත පලකිරීමේ නිදහස වැඩිය. අන්තරජාලයෙන් උපුටා ගත් ලස්සන චිත්‍රයක් හෝ සේයාරුවක් මත හෝ කවිය සමග එවැන්නක් අමුණන්නටද ඉඩ ලැබේ. දිනපතා, මාස්පතා හෝ කලින් කලට විවිධ කවීන්ගේ නිර්මාණ අගය කරමින් කරන ඇගයුම් කවීන්ට තව තවත් නිර්මාණ කරන්නට දිරිය දෙයි.
මුහුණු පොත් කවි එකතු වල ඉන්නා සාමාජික පිරිස් වරින් වර කවි නිර්මාණ වලට දක්වන ක්ෂණික ප්‍රතිචාර සහ වරින් වර ඒවායේ පලවන කවි නිර්මාණ උපදෙස් මාලා ආධුනික කවීන්ට තම හැකියාවන් දියුණු කර ගැනීමට හොද අත්වැලක් සපයයි. මේ සටහන එවන් කවි එකතු පවත්වා ගෙන යමින් තම කාලය, ශ්‍රමය සහ ධනය වැයකරන කවියට හිතැති ඇඩ්මින් වරුන් සහ ඒවායේ පාලක මණ්ඩල වල පිරිස් සහ ඒවායේ නිත්‍ය සාමාජික පිරිස් දිරිගැන්වීම පිණිසත්, ඔවුනගේ සේවය අගය කරනු පිණිසත් ලියැවුනකි.
පහතින් දැක්වෙන්නේ එවන් මුහුණු පොත් කවි එකතු සදහා දිගු කිහිපයකි. ඔබේ කවි නිර්මාණ ඉදිරිපත් කිරීම සදහාත්, නිර්මාණ රසවිදීම සහ අගය කිරීම් සදහාත් ගොඩවී බැලීම යෙහෙකි.
පැණි වළලු
https://www.facebook.com/groups/2699436846980418
https://www.facebook.com/groups/542299645956933
හන්තාන අඩවිය
https://www.facebook.com/groups/2025702917711497
පහන්වැට
https://www.facebook.com/groups/318432596665365
සේද පලස
https://www.facebook.com/groups/656297548202845
සෙනෙහසේ කවි අරණ
විහඟ ගීතය
https://www.facebook.com/groups/426783548777063
සෙනෙහසේ නවාතැන
https://www.facebook.com/groups/235888544298432
ගගන යාත්‍රා
සෙනෙහසේ පන්හිඳ
https://www.facebook.com/groups/313712515941029
දැහැන
https://www.facebook.com/groups/543757172698207
https://www.facebook.com/groups/414445926221797
නිසඳැස් අඩවිය
https://www.facebook.com/groups/287076231848935
https://www.facebook.com/groups/725758264715316
සේයාරූ - අන්තර්ජාලයෙන් Google Images
සියළු හිමිකම් මුල් හිමිකරුවන් සතුයි.
මගේ ලිපි අතර ඇති අකුරු වැරදි ගැන අදහස් දක්වන ඔබට ස්තුතියි. සිංහල භාෂාවෙන් ලිවීම සදහා මා භාවිතා කරන්නේ ගූගල් ආදාන මෙවලමයි. සමහර විටෙක මට අවශ්‍ය අකුරු සොයාගැනීමට අපහසු වීම ගැන මගේ කණගාටුව.
මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි නිර්මාණ එළිය කරාවි.
මුහුණු පොතේ කවි සංසද, ආධුනිකයන්ට තම නිර්මාණය එළිදැක්වීමට ඇත්තෙන්ම හොඳ තෝතැන්නක්... සමහර එකතුවල පාලක මණ්ඩලේ ඉන්නෙ බොහොම ජේෂ්ඨ කවියන්, කිවිඳියන්
ReplyDeleteනමියා ඔබේ ප්‍රතිචාරයට ස්තුතියි. ඔව් ඔවුන් නවක කවීන්ට හොද අත්වැලක්.
Deleteසෑහෙන ගොඩක් තියෙනවනේ. හැබැයි මුහුණු පොතේ ලිවහම බ්ලැක් හෝල් එක වගේ තමයි
ReplyDeleteඅජිත් ඔබේ ප්‍රතිචාරයට ස්තුතියි. තවත් ගොඩක් කවි එකතු තියෙනවා. මේ කිහිපයක් විතරයි. මම බ්ලොග් එක පටන් ගන්නත් එක හේතුවක් වුනේ මුහුණු පොතේ දේ ගිලී යාම.
Delete