පිනි කිනිත්තක් හැඩවෙලා ...

 

සීතලම සුන්දරම දවසක , පිනි කිනිත්තක් හැඩවෙලා 

පොරෝගෙන එන හීතලෙන් , ගුලිවෙලා යලි ගුලිවෙලා 

තුරුළු වුණු ආදර හැගුමකින් , මතක ඇත යලි ගුලිවෙලා ....

ගැලවිලා කොල ගැලවිලා, කැලැන්ඩර් පිටු ඉගිලිලා 

ආයෙමත් ඒවිද ඇවිදගෙන , තුරුණු විය යලි පියඹලා 

යන්න ඒ සොදුරුම අතීතෙට, යමුද අපි අත් අල්ලලා 

සුසුදු සුසිනිදු මුව පුරා, විසිරි විසිරුණු මල් හිනා 

හෙටත් උදයම පුබුදුවන්නට, සලනු මැන ඒ මල් හිනා 

ජීවිතේ පිණි මල් වහින්නට, පැතුම් ගෙනඑයි වාසනා .....

අනුරුද්ධ වැලිගමගේ

2023 ජූනි   මස ලන්ඩන් කවි කලාපයේ පලවිය.

                         විශේෂ ස්තූතිය-  ලන්ඩන් කවිය සංස්කාරක අනුර හෑගොඩ මහතාට

සේයාරූ -  අන්තර්ජාලයෙන්  Google Images

               සියළු හිමිකම් මුල් හිමිකරුවන් සතුයි.

මේ සටහන ගැන ඔබේ අදහස් පහතින් ලියන්න. ඔබේ ගුණ දොස් මගේ ඉදිරි 

නිර්මාණ එළිය කරාවි.